اليوم العصر كان الجو خيااااااااال مع رذاذ المطر والغيوم الداكنه اللي غطت سما راس الخيمه من الظهر الي الحين طلعت برع مثل ما اتعودت مع جمعه الاهل وشفت بنت اخو زوجي يالسه تعجن للدخون وعجبني الشغل وعلي طول شلت لكيمر وقلت يستاهلون بنات حواء الخليكم اتشوفون التفاصيل
وماخبركم عن الريحه الزينه ياسلااااااااااااااام مع الجو البارد شلت البيت من الريحه الحلوة وماشاءالله عليها الزبائن مب ملحقه عليهم الله يفتح عليها ان شاءالله بس فعلا ثبات في ريحه الدخون عندها رووووووعه وناعمه الريحه
يالله نبدا وانشوف الخطوات وان شاءالله يعجبكم موضوعي:) الخطوة الاول اخذت كوب من العود المطحون
ومقدار معين من المسك الناعم
وتبدا بخلط مزيج العود والمسك المطحون
تظيف الماء المطبوخ مع السكر حتي يثخن قوامه وتصبه علي العجين السابق
اتضيف عطرها الخاص طبعا هي اتخلط كذا نوع
فرد العجين علي لوح من القصدير او اي جسم املس
الحين بعد ما اتقطع شكله حلو ومرتب
هذا شكله بعد ما انتهت من التقطيع
شكله النهائئ وصار جاهز للاستعمال
ان شاءلله عجبكم تقريري الخاص لعالم حواء