خطوات مهمه لنجاح

السلام عليكم ورحمة الله وبركاته
يمكن اغلبكم يقول طيب اخذت دوره وبعدين وش استفيد
قبل تاخذين دورات في اي مجال لازم تعرفين انتي وش تتميزين وتبدعين فيه وخلي غيرك يحكم على شغلك اغلبنا مايعرف هو وش يبي يمكن تكونين مبدعه ف الطبخ مثلاً وفي طبخه معينه تتقنينها والكل يمدحها اذا ذاقها وانتي منتي حاسه انك شاطره فيها خلي غيرك يعطيك رأيه حتى لو من اسرتك او محيطك مثلاً تحبين الخياطه وتتقنين تفصيل العبايات او الجلابيات او شراشف الصلاه
ممكن تحبين تصممين مواقع او خدمات الكترونيه ممكن تحبين مجال الحلويات فقط من الطبخ ممكن تحبين الشموع وتبدعين في صناعتها او العطور او نوع معين من البخور جربي وحبي شغلك طوري من نفسك واذا اخذتي دوره بأي مجال لا توقفين ولا يحبطك المحبطين استمري راح توصلين للي تبين خلال سنه وحده ابدي صح واختاري صح ولازم اختيارك ينطبق على شغل تحبينه عشان تبدعين فيه الفكره قبل الشغل كل المشاريع الناجحه بدأت بفكره المطاعم المميزه والمشاغل والشركات في خلال اقل من سنتين ضربت وسارت شهرتها بالسماء بتقولين طيب اخذت دورات واشتريت اغراض المشروع واشتغلت وش راح استفيد انا راح اقول في وقتنا هذا مواقع التواصل تدخلك كل بيت وتوصلين لكل العالم افتحي حساب على انستقرام او تيك توك او قناه بالتليقرام وصوري شغلك بطريقه احترافيه ودلعيه واستمتعي اي شي تسوينه بيدك راح تحبينه مهما كان بسيط راح تلاقي اقبال ومتابعه وتكتشفي نفسك ومواهبك و صدقيني راح تتفاجأين شغلك الخاص بيزيدك ثقه ويحمسك ويعبي الفراغ لا تضغطي على نفسك اشتغلي وانتي فاضيه ورايقه بتقولين ماعندي امكانيه ولا عندي راس مال انا اقولك
خذي شهادة اسر منتجه و وثيقة عمل حر قولي ليش وثيقة العمل الحر تفتحي بها متجر الكتروني في سله او زد هذي المنصات تربطك بشركات التوصيل بمجرد ماتفتحي عندهم كمان يوفرون لك باقات مدفوعه اشتركي فيها واشتغلي وبيعي وشغلك بيوصل لكل مكان وشهادة الأسر المنتجه تقدري تقدمي فيها على بنك التنميه ويعطونك دعم يوصل ل ٦٠٠٠٠ الف ريال وتدفعيها اقساط ميسره وتصرفي منها على شغلك غير كذا فيه جنى يدعمون المشاريع فيه كذا جهه اذا عندك مشروع يدعمونك
وتقدري كمان تاخذي دورة تدريب مدربين تدربين بأي مجال حابته مثلاً تقدمين محاضرات اون لاين او تدربين اعمال انتي مبدعه فيها وتدريب المدربين ينطبق عليه اي ماده تقدمينها تعتبر رخصه بمزاولة التدريب في اي مجال

اسفه على الأطاله واتمنى الموضوع ينال استحسانكم 💕