خطوباتي اللتي لاتتم..رغم وصولي للمراحل الاخيره

بسم الله الرحمن الرحيم

بدايه حابه اجولكم اني احبكم فالله وياعسى كل مشاكلكم تنحل وكل أمانيكم تتحقق

اكتب لكم حروفي هذي بعد معاناه مع خطوبتي من كم شخص وتعسرها رغم اني كنت اوصل للمرحله الاخيره ...بس انا متفائله خير وانه بعد هالعسر يسرررررررر بإذن الله

عمري 23 سنه بنت حلوه ولله الحمد ومن عايله محترمه الكل يحترمنا ويقدرنا

القصه الاولى : اعرف الشخص شخصيا بحكم العمل ..صارحني بأنه يريد خطبتي وافقت لاني شفت انه انسان محترررررم لابعد الحدود ..لا أنكر اني كنت معجبه فيه ..المهم صارحت امي بالموضوع وخبرتها عن اسم الولد وتفاجأت ان احدى قريباته تسكن في نفس منطقتنا وامي كانت تعرف امه معرفه سطحيه ...المهم حدد الاسبوع اللي راح يجي فيه وكان يوم الخميس ...وكنت طايررررره من الفرحه ..كنت ايامها متواصله مع خالته وكنت طيييبه معي ..قبل اليوم الموعود بخمسه ايام تقريبا رسلتلي خالته رساله انه موضوعنا ماراح يتم ....ترجيتها تخبرني السبب ما رضت ..بعد الحاح مني ..رضت تخبرني بالسبب ...وما اقول غير حسبي الله ونعم الوكيل ..السبب كان شخص قريب من جدا ولكنه كان مثل العقرب يلدغ من تحت لتحت ..تكلم عني بكلام والله ماينقال ..وكل كلمه جالها هالشخص فيني كان فيييييه ..المهم انا جلت لخالته هذا الكلام مافي منه وتأكدوا وبأمكانكم تسألوا اي شخص وبينفي هالشي ... للأسف المشكله انه احنا خلاص خطبنا لولد اختي وحده ثانيه ولانه عم الولد وابوه لما سمعوا الكلام ما انتظروا لحد مايتاكدوا راح وخطب بنت ثانيه ...ساعتها انا انهرت والكل لاجظ اني متغيره بعد ماكنت نفس الورده صارت مكتئبه وحزينه ..لحظتها خبرت امي بالسالفه وجالتلي وكلي امرك لربك والله بيكفيهم عنك وجالت لي رددي حسبي الله ونعم الوكيل والحق بيظهر ان شاء الله ولو بعد حين ...بعد كم يوم جاني اتصال من خالت الولد تستسمح مني بسبب اللي حصل وبسبب تسرعهم بالحكم علي من كلام هذاك الشخص ..وانهم سألوا وطلع كل الكلام كذب وافتراء..عشت حاله نفسيه صعبه جدا ولولا ايماني بالله ودعائي واستغفاري وقيام الليل والا كنت بروح فيها ..
الحين جالسه اشوف اشياء تصير لهذا الشخص وتوصلني اخبار بانه مامرتاح فحياته ساعتها عرفت انه الله استجاب دعوتي ودايما احلم هذا الشخص يجيني فاحلامي يطلب السماح او انه يحاول يكلمني

الخطبه الثانيه تفركشت ولا اعلم السبب
والثالثه بعد
والرابعه


وياكثر الاتصالات لامي (اليوم الفلاني بنجي نخطب فلانه ويجي هذاك اليوم ويجينا الاتصال للاعتذار او التأجيل
وووايد من صديقاتي يعرضن على الزواج من اخوانهن او اقاربهن ....تمشي الايام ولا اشوف شي


ووووووووووووووووووووووووووووولكن بعد كل هالشي امللللللي بالله كبيييييييييييييييييييييييييييييييييييييير


من اسبوع جاتني خطبه من احدى الصديقات ومتفائله بالله خير



بالاخير حابه اجولكم ان العذاب النفسي اللي عشته كان لا يطاق لكن بذكر الله كل المشاكل والهموم تتلاشي وتروووووح ويرتاح بالي بالرغم من انه االخطبات لاتتم



دعواتكم لي بالتيسير ولكل بنات المسلمين