خطوبة البنات اللي ماتتم

انا استغرب ان فيه شيء الناس مايفكرون فيه بشكل صحيح المفروض إن الخطبات اللي ماتتم

من بدايتها مافيه داعي الناس تدري عنها

لأن كثير من البنات يجيهم خطاب بس مواصفاتهم ماتكون مناسبة لها او لعائلتها فيرفضون

لأنهم ماهم مقتنعين بالشخص او بأهله ، فهذا مافيه داعي احد يدري فيه .

كذلك احيانا البنت تنخطب من قبل الحريم ولما يشوفوها ينسحبون لأنها ماكانت بالمواصفات

اللي طالبها ولدهم . وأحيانا تناسب الحريم وتعجبهم مرة لكن لما يشوفها الخطيب مايقبل فيها لأي سبب

فيرفضها .والرفض قبل الزواج افضل من انه يرفضها بعد الملكة او بعد الزواج اوبعد مايجيبون عيال .

. فاذا ليه الأهل يطلعون للناس الخطوبات اللي ماتتم ؟

فالخطوبات اللي تطلع للناس هي اللي يتم فيها القبول من جميع الأطراف . لأن نشر مثل هالأخبار تؤثر على البنت

عند الناس أكثر من الرجال .

فاءذا كان الرفض منها او من أهلها يقعدون الناس يتكلمون عليها بأن شروطهم صعبة ويؤثرون على أي شخص آخر

راغب بالتقدم لها ،

واذا كان الرفض من طرف العريس او اهله بعد شوفة البنت بينتشر عنها كلام عند الآخرين انها ماهي جميله وان فيها

عيوب كذا وكذا من العيوب اللي حتى يمكن ماتكون فيها أصلا فيؤثر هالكلام على من لديه الرغبة بالتقدم لها ويحرمها

من انه يتقدم لها شخص قد يكون مناسب لها لو تقدم لخطبتها .