السلام عليكم ورحمة الله وبركاته
هذا يا بنات صديقة مقربة او اقدر اسميها اخت حكت لي موقف صار لها الفترة الماضية
كانت تروح للكلية مع سواق نقل خاص للطالبات و اول سنة تركب معهم هي اكيد ماراح ترتاح للنقل لانها متعودة اهلها يودوها ويجيبوها بس تغيرت ظروفهم فاضطروا يأجروا لها مع نقل خاص وكانوا حريصين انه يكون السواق رجال كبير وكان متقاعد بس تقول انه دفش وعصبي ويلعن في الناس والسيارات بس مره محترم معها ومع ابوها واخوانها ومع كذا مرات يوصلها متاخر ويتهاوشوا الطالبات اللي معها بالباص والسواق يعلي صوته عليهم بس عدت هالسنة على خير
وفي اخر يوم اختبار وصلها السواق وقال انه راح يوصلها بالاخير لان زميلاتها راح يبدا اختبارهم بدري
ولما نزلوا زميلاتها <<<<<< والله اني صادقة باللي اقوله مثل ما وصلني منها
قصر على صوت اذاعة القران بمسجل السيارة وقالها في موضوع من زمان ودي اكلمك فيه وحاولت من اسبوع اخلي زميلاتك او احد من اهلي يقوله لك بس ما كانت فيه فرصة مناسبة
وقالها الموضوع موضوع زواج فيه رجال من اصحابي يبغى يزوج ولده وشاورني وقلت لها عندي طالبات يدرسوا القسم الفلاني قاله صاحبه لا مافيه غيرهم
قلت له عندي طالبة <<<<< يقصد زميلتي
مواصفاتها كذا وكذا
وقاله صاحبه هذا طلبنا فيقول ( السواق) قلت خلاص بكلمهم وهذاني اكلمك وسكت
( تقول زميلتي جاني رعب مو طبيعي احس قلبي بيوقف ودي اسبه واشتمه وامسح بكرامته التراب بس خفت يسوي فيني شي والتفكير توقف عندي مو مستوعبة قلت ارد عليه بس بكلمة وينتهي الموضوع )
نطقت صاحبتي الدرة اللي عندها بعد ما جمعت كل حيلها وقالتله : ما عندي كلام كلم ابوي
عصب السواق وقالها اكيد راح اكلم ابوك بس والله الولد شاب طيب وابوه ماعليه قاصر وما ادري ابوك يرضى يزوجك له .... والله يوفقكم مع بعض ...... وتكلم كلام كثير فهمت منه انه شايف انه عريس لقطة ما يتعوض وكل السالفة اهله معهم فلوس
وانتوا ايش ترجعون و..... وكثر اسئلة من هالنوع اللي مالها داعي
والبنت ترتجف مكانها ماتقدر تتكلم
بس قالت ان شاء الله خير
قام سكت وقالها ابوك بيزعل اذا عرف انهم جايين من طرفي وانا اللي اوصلك وتري راح نجي نخطبك رسمي هاليومين
وكانت خايفة بالمره وهم ماشين مع طريق سريع تقولي فكرت اقوله وقف وانزل بالشارع ابغى اهرب منه بس ما فيه مجال نوقف وقربنا نوصل الكلية
وصبرت ويا دوب دخلت الكلية وهي مو مصدقة اللي صار
انا شفتها متغيره لونها مخطوف وترتجف قلت لها لاتخافي الاختبار راح يكون سهل واحنا مذاكرينه زين
والبنت كلامها ملخبط توقعت اهلها فيهم شي قالت لي صار لي شي قبل شوي مو قادرة استوعبه هديتها وقلت لها اتركي كل شي وركزي بالاختبار والباقي الله ييسره ودخلنا الامتحان
طلعت من القاعة والبنت كلمت امها ولقتها تعبانه ما عاد فاتحتها بشي وتاكدت ان البنات اللي بالسيارة كلهم طلعوا قامت ركبت معاهم ولقت السواق جايب للبنات حلى <<<<< بدون مناسبة
وقبل ما تنزل للبيت رفع صوته وجلس يعتذر من البنات بما انه اخر يوم اذا ازعجهم بشي وقالها قدام البنات انتي يا بنت فلان بنكلم ابوك والرجال راح يجوكم هاليومين
وبعد النتايج قالت لي قصة هالخطوبة وتقول اول ما وصلت البيت قالت لامها السالفة كلها
وتقول امها بلغت ابوها وما تدري ايش صار وايش ابوها بيسوي معه
وهي مسكينة طيوبة ودايم حريصة يكون حجابها مغطيها زين يعني ما توقعت انه يدقق ويقدر يميز بين البنات
انتوا ايش رايكم بهالموضوع والله انه صار صدق الاسابيع الماضية
انا صاحبتها ما كنت اتوقع انه فيه احد يتجرأ يكلم بنت من اهله بموضوع زواج بهالطريقة فكيف اذا وحده غريبة
معقولة السواقين يكونوا يشتغلوا خطابة ويحرجوا عالطالبات اللي يوصلوهم ؟؟؟؟
انتظر رايكم
وجووود @ogoood_3
محررة
يلزم عليك تسجيل الدخول أولًا لكتابة تعليق.
وجووود
•
اصلا هي تقول اول واخر مره اركب مع سواق ( ارحمها اول مرة تروح مع سواق وصار لها كذا )
ما ترضى الا اهلها حتى لو تضطر تترك الدراسة
ما ترضى الا اهلها حتى لو تضطر تترك الدراسة
رزيم :
ياربيييييييييه وع والله لو يقولي كيذا ماأركب معه مره ثانيه أحسه جريء وقليل أدب ماله داعي يكلم البنت المفروض كلم أبوها وبس إذا هو جادياربيييييييييه وع والله لو يقولي كيذا ماأركب معه مره ثانيه أحسه جريء وقليل أدب ماله داعي يكلم...
والله انا اشوف الموضوع عادي هو ماخطبها لنفسه هو خطبها لناس شايفهم محترمين
وهي بنفسها تقول انها مهتمه بحجابها انه ساتر يمكن هذا الشي اللي خلاه يرشحها
بس هو الاسلوب خانه
وهي بنفسها تقول انها مهتمه بحجابها انه ساتر يمكن هذا الشي اللي خلاه يرشحها
بس هو الاسلوب خانه
لو انا منها بقوله احترم نفسك وذا عندك شي كلم ابـــــــــــــــــــــوي
ههههههههههههههههههههههههههههه بس بصراحه موقفهااا تحفه .. ترى والله يمكن يكون نصيبها جد ..
لان سبحان الله ظروف اهلها حدتها ع الباص .. والله كاتب يكون نصيبها بهذي طريقه عن طريق هذا الرجال
ههههههههههههههههههههههههههههه بس بصراحه موقفهااا تحفه .. ترى والله يمكن يكون نصيبها جد ..
لان سبحان الله ظروف اهلها حدتها ع الباص .. والله كاتب يكون نصيبها بهذي طريقه عن طريق هذا الرجال
ياحليلها ماتنلام يوم اتحرعت وخافت زين قدرت تسوي زين بالاختبار هذا شكله جريء وماعنده اسلوب الله يوفقها عموما يمكن خير جاي
الصفحة الأخيرة
أحسه جريء وقليل أدب ماله داعي يكلم البنت المفروض كلم أبوها وبس إذا هو جاد