ام الكعك @am_alkaak

محررة

خطوبة غريبة

حبيباتي يا ليت تقولونا تصرفاتهم طبيعية او لا الموضوع وما فيه انو زميلة اختي في وظيفتها السابقة اتصلت علينا وقالت اني جاية اخطب لاخوي لبنتكم لاني من خلال عشرتي مع بنتكم في الوظيفة عرفت اخلاقها الطيبة ومواصفاتها تناسب اخوي وهو في مثل عمرها 27 سنة ويا ليت تحددوا لنا يوم علشان نجي نتعرف عليكم قلنا ان شاءالله حبيبتي الله يكتب اللي فيه الخير وفعلا حددنا لهم يوم وجو يتعرفوا علينا مع ان الخاطبة تعرف اختي من زمان من خلال عشرتها معاها بالوظيفة بس جايين اخواتها معاها اللي ما يعرفوها المهم والله اني انا وامي ارتحنا بجلستهم وسوالفهم حلوة كلها سوالف عامة وجابوا معاهم صحن بقلاوة من النوع الفاخر ماشالله عليهم والله انهم ناس ذوق بكل شي بعدين طلبوا اختي علشان يشووفوها وجات وسلمت عليهم والله انهم انبسطوا مع بعض وفتحوا سواليف مع اختي طبعا سواليف سطحية وبعدين اختي طلعت من عندهم لانها استحت المهم محور القصة في الخاطبة نفسها مادري ايش بها انقلب وجهها مع انها تعرف اختي اشد المعرفة لانو بعد ما طلعت اختي قالت ايش بها اختك نحفانة قلت لها هي كدا تحب الرشاقة قالت لي يمكن من الهم والله اني انصدمت من كلامها وسكتت واخواتها الباقيات ماشالله شفتهم فرحانات باختي اعجبوا فيها بس هي انقلب حالها وبعدين وهما مروحين قالت لي الخاطبة اللي هي زميلة اختي بوظيفتها السابقة قالت اذا ما حصل نصيب حنضل انا واختك اصدقاء ومتواصلين وبعدين بعد ايام اتصلت علي وقالت لي مافي نصيب والله يسهل لاختك الزوج الصالح وقلت لها عادي حبيبتي كل شي بتوفيق من الله والله يسهل لاخوكي ايش رايكم مادام تعرف اختي بشكلها ومواصفاتها واخلاقها ليش اساسا جات تخطب وترفض انا على بالي الخاطبة ترفض البنت الغريبة لانها تشوفها اول مرة بحياتها ويمكن ما شافت المواصفات اللي يبغاها الخاطب بس هي تعرف اختي حق المعرفة والله انها احرجت اختي واحرجتنا معاها

يلزم عليك تسجيل الدخول أولًا لكتابة تعليق.

تسجيل دخول

أم ريما... • 9 سنوات

كلشي قسمه ونصيب يمكن خيره لاختك

قهوة مرّه • 9 سنوات

سبحان الله خيره لها .ماتدرين يمكن هذي الجيزه شر لها وربي قذف شي في صدرها وكان سبب أنهاءالموضوع .
صدقيني خيره .

ام الكعك • 9 سنوات

ونعم بالله تسلموا حبيباتي على ردكم الطيب بس والله من الحيرة جات لي وساوس قلت يمكن علشان عرفوا اني مطلقة وامي على نياتها من عفويتها قالت لهم اسباب طلاقي لانها على قولها ابغاهم يعرفوا علشان نكون على نور وما ابغا التجربة تتكرر في اختك ايش رايكم اللي سوته امي صح ولى لا مع اني كنت ابغاها تقول النصيب وبس بدون ما تذكر التفاصيل والله اني مشوشة

jo0ori595 • 9 سنوات

لا ليش يعرفون اسباب طلاقك بصراحه هذا شيء خاص فيك وماتكلمين فيه اي احد ابدا مالهم دخل انتي لك حياتك واختك لها حياتها وهذا مو عذر لاتوسوسين كثير اما حركتهم مالها داعي وبصراحه طحت بمواقف مشابههوزعلت كثير خاصة اني كنت صغيره بالعمر وانجرحت اكثر من مره لكن والله واثقه ربي بيعطيني اللي يسواهم ويتعداهم كلهم وفعلا الحمدلله اللي سوو فيني كذا بالاخر ياطلعوا اخوانهم محششين يا ماهم حقين مسئوليه الحمدلله ماتدبست

ام الكعك • 9 سنوات

اه يا اخت jo0oriيا ليت امي تسمعك وتقتنع والله اني تعبت من كثر ما افهمها ولا هي راضية تستوعب انو هذي اسرار وخلاص نصيب وكل واحد راح في طريقة بس مافي فايدة كل من هب ودب تحكي له وانا انقهر وافهمها بهداوة انو خلاص ادفني الماضي سالفة وانتهت لا تعيدي وتزيدي فيها والله تعبت وانا افهم فيها يارب رحمتك