خطوبه اخوي

مساء الخير
بقول لكم سالفه اخوي طلب منا نخطب له طبعا كلنا استانسناوقمنا ندور له على وحده بالمواصفات اللي يبيها هو السالفه ان اخوي الكبير لما سمع انا جالسين ندور على بنت مناسبه لاخوي اتصل على اخوي اللي يبي نخطب له وعزمه لبيته اول مره يعزمه وكل هذا علشان زوجته تبي تزوجه وحده من حبايبها وقام اخوي الكبير يمدح في البنت وانها حلو ها وقسم يابنات ان البنت الله يستر عليها مافيها مواصفات حلوه طبعا اخوي الثاني قال له انا ماتزوج لما اشوفها قاله اخوي الكبير لا ماتشوفها واهلها ماراح يوافقون قال هذا شرطي طبعا اخوي يسولف لنا يقول جت زوجه اخوي الكبير وقعدت تعبي راسه علشان ياخذ البنت اللي هي اختارتها اخوي الكبير طبعا في صف زوجته دايما ومايبينا حنا نخطب لاخوي المهم انا اتصلت على زوجه اخوي وقلت لها وش سولفت مع فلان قالت كنا نعلق على وحده من بناتي يعني ماتبي تعلمني انها جالسه تعبي راسه وتقنع اخوي بالبنت اللي هي اختارتها انا قفلت من عندها ورحت بيت اهلي وجى اخوي اللي نبي نزوجه وقال كل السالفه لنا اتصلت امي على اخوي الكبير وقالت له مالكم دخل بفلان انا امه وخواته يزوجونه انت ومرتك مالكم دخل قال لامي والله اخليه يتزوجها غصب عنك وعن ابوي وقامت امي تدعي عليه وعلى مرته هو انقهر من دعوه امي واتصل علي وقال انتي مدحتي فلانه ليش مو عاجبتكم قلت انا مامدحتها البنت مو حلو ه قال بنتي تقول حلوه واخلاق قلت بنتك مو افهم مننا حنا ياخواته انت ومرتك مالكم دخل حنا نعرف نزوجه ونختار له البنت قال انتو ماتحبون زوجتي وانتم كلكم ماتفهمون وزوجتي صاحيه وتفهم احسن منكن قلت له بالعربي شي يقرب لزوجتك فلانه مانبيه كافي انها تشوف امي بزواج او اي مكان ماتسلم عليها وتحرض بناتك على امي وعصب علي ماخلي شي ماقاله انا قلت له من الاخر خل امي تختار زوجه لولدها بنفسها لاتدخلون وقفل وماعاد اتصل طبعا انا علمت اخوي ان فلان يقول والله لايتزوجها غصب عنه قال لا مو غصب وانا مابيها وقلت له اذا اتصل عليك وش بتقول له قال بقول له مابيها خلاص وامي وخواتي بيخطبون لي تدرون من الوقاحه ان زوجه اخوي الكبير تتصل على اخوي اخر الليل علشان تقنعه من جد مافي حيى علمنا اخوي انها متصله عليه وقلنا له لاترد عليها يقول برد عليها واقول البنت مابيها خلاص مالكم دخل طبعا امس رحنا انا وامي واختي وخطبنا لاخوي وان شاء الله البنت تكون من نصيبه ويجملها بعين اخوي البنت هي وحيده امها على سبع عيال ماشاء الله يارب تكون من نصيبه يارب


ادعوا له يابنات ان البنت تكون من نصيبه وتوافق ويجملها بعينه يارب والبنت ماشاء الله عليها اخلاق وحبوبه ودخلت قلب امي يارب يتمم لاخوي وللبنت على خير والله اول مره اشوف امي مستانسه ومرتاحه للبنت