اامس سوويت المقابله وكانت حلووه الحمدلله والموظفات عسل ...

تخصصي رياض اطفال بالزلفي

تكلمي عن نفسك؟
اذكري اسماء الوحدات؟
ماهي مواعيد الدوام في الروضه؟
اذكري البرنامج اليومي؟
عددي الاركان في الفصل؟
الوحدات مقسمه الى قسمين ماهي؟
ليش اخترتي تتخصصين رياض اطفال؟
ماهي فوائد الرمل للطفل؟
ماهي الشركة التي اشتهرت بصنع البرمجيات؟
ميكرو سوفت
متى توحدت المملكة؟
ماشعورك يوم نزل اسمك بجداره ؟
ما رأيك بالضرب؟
اذكري لي موقف حصل لك؟
لو حصل وغابت زميلة لك بفصل اخر و طلب منك تمسكين فصلها هل بتقبلين؟

الحمدلله خلصت وعبيت الاوراق ورحت سويت الكشف ورجعته

* على فكره كانت في بنت طابعه الكشف ومسويته وجايه ما قبلووه قالو عيدديه :( لاحد يتهور ويسويه قبل

ايه نسيت اقولكم ان ماطلبو مني موعد المقابلة اللي قالو عليها من النظام ماخذوها ولا اسئلو عنها بس الهوية مطلوبة الاصل والصورة وشهادة التخرج و السجل الاكاديمي اذا موجود موي شرط السجل الاكاديمي 3 صور من كل حاجة واذا عندك شهادات خبرة سابقة من قبل في التدريس جيبيها معك وريهم لان لما رحت اسوي مقابلة اشوف اللي في لجنة التدقيق طلبوها تفيدك وقت المفاضلة انا لان مامعي ماطلبو مني

مقابلتي
اقتصاد منزلي عام بادارة تعليم الليث عام 1433 هـ
من هنا
http://forum.hawaaworld.com/showthread.php?t=3658792

مبررررررروك مس ديزاين عقبالنا يارب

تجربتي في اجراء الكشف الطبي بمستشفى الملك سعود للامراض الصدريه بالرياض

*مكانه مع الكشف حق العماله الوافده وطبعا زحمه وكيذا
تدخلين تعطينهم الورقه اللي عطوك بالمقابله
وتطلعين تنتظرين الين تتعبين

*ينادون بالاسماء ويعطونك اوراق وعلبه لتحليل البول تكرمون

*تروحون لدوراة مياه مخصصه يقالك للي تبع للوظايف
بس3 وزحمه ومسكرين المويه عنها تقول من وزارة الداخليه ممنوع
وياخذون شناطنا واغراضنا اللي معنا خلونا نحطهم بغرفه
حاطين مناديل لف فقط وفيه بنت الله يجزاها خير معها علبة مناديل ديتول وحطتها للبنات

*اقتراح جميل هو انك تاخذين علبة التحليل من الصيدليه وتجهزينها وتاخذينها معك واذا عطوك علبتهم تصبينها فيها
اريح لكم بس لا احد يدري

*تروحين تعطينهم التحليل والاوراق ويسالونك متزوجه او لا علشان الاشعه ويعطونك ورقه

*تروحين للكشف عباره عن كشف نظر و كشف بالسماعه

*ثم تروحين للاشعه وتعطينهم الكرت وتنتظرين الين ينادون اسمك علشان تسوين اشعه للصدر ويخلونك تشيلين العبايه والستيان اذا كان فيه حديده فخذي احتياطك باللبس انه مايكون فيه حديد او شك ع قولتها لان كان فيه بنات توهقوا باللي لابسينه

*اذا خلصتي اشعه ع بيتكم يا حلوه

*والنتيجه يوم السبت بعد الظهر

حبيت اكتب التفاصيل علشان ما تتوهقون مثلي ..

وربي يوفقكم,

لا تنسوني من دعواتكم..