خطوة جريئة هل ينجح الزواج عن طريقها ؟

السلام عليكم بنات
ابي استشيركم بموضوع مهم جدا جدا بالنسبة لي
اول شي انا بنت عمري ٢٥ الحمدلله راضية عن حياتي بس اللي منغص علي عدم زواجي
اول ماكنت افكر بس الحين صار هالشي شوي يخوفني
لأسباب كثيرة
اولا امي جدا جدا انطوائية ماتطلع للناس ولا تشوف احد
ماعندنا عزايم
غير موظفة يعني بآخر سنتين كانت الحياة قاتلة ومافيها ناس
وفيني شعور قوي اني ابي استقل وانجب اطفال واشوف جاء الوقت المناسب
الزبدة تجرأت وكلمت خطابة ثقة
قالت انا مجرد وسيطة والسؤال عليكم
المهم خطبني واحد عن طريقها
اعزب عمره ٢٩ موظف وراتبه كويس
بس مشكلته ساكن بمدينة ثانية غير مدينتي
رغم هذا ماعندي مانع اروح معه
والمشكلة الثانية انه اقصر مني شوي😭
المهم انا توقعت انه مكلم خطابة لعيب فيه او او او
بس الموضوع اكتمل كخطبة رسمية امه كلمت امي واهله بيجون يشوفوني والمهر نفس المهر العادي
بس بنفس الوقت خايفة مرة خايفة اندم
رغم انه مايعرف اني مكلمتها يعني هي قايلتله انا اعرف قريبتها ودلتني عليها
بس مدري الأفكار تروح وتجي
شي يقول ماتدرين يمكن يكون هذا نصيبك
وشي يقول لا اجلسي حطي يدك على خدك وانتظري النصيب
بس تعبت الايام تتشابه احس طفح الكيل..
شرايكم فيه كمواصفات وايش تحليلكم للموضوع؟
وايش رايكم بالزواج بهذي الطريقة وهل ممكن ينجح؟
انا اشوف كل شي يعتمد ع السؤال عنه
بس ابي اتطمن اكثر