جزاك الله خير غاليتي:27:








:26:

أخواتي العزيزات:
راح أقول لكم قصة صارت معاي قبل شهر تقريبا..... سبحان الله هالقصة استفدت منها وايد وبينت لي أنه الناس أشكال وألوان .

بداية القصة كانت أني اشتغلت في شركة وفي قسم كله رجال وأنا البنت الوحيدة في القسم ، وكان معاي زميل في القسم ، ماكنت أتكلم معاه وايد ولا اعرفه ، وصارت لي كذا مواقف خوفتني منه ، ولكن أنا قدرت أني أرسخ الإحترام مابينه والحمد لله.... و لكن أهوه حاول أنه يساعدني في الشغل ويتكلم معاي بما أني معاه في المكتب علشان نتساعد في الشغل ، المهم مرت الأيام وهذا الزميل قام يحترمني أكثر ويتعامل معاي باحترام أكثر ، والحمدلله ما بدر مني أي تصرف يضايقه أو أنه مخزي ، مرت الأيام ولاحظوا مجموعة من البنات أنه أحنه الأثنين وايد نساعد بعض بالشغل انه اهوه لي صار غلط دافع عني وانا ادافع عنه ، وترى هذا كله بحكم كونه في مكتب واحد نشتغل لا أكثر ..... مرت الأيام وصار خلاف بين البنتين الثنتين وحده منهم يت لي وقالت لي انتي ما لاحظتي اني انا وفلانه ما نتكلم مع بعض قلت لها بلا بس ماحبيت اتدخل لانه مو من حقي المهم وقالت لي السالفة ، سبحان الله والحمد لله اني انا حاولت اني اصلح بينهم وانه أهدي الوضع بينهم وأكلم اللي معاي وأقول لها ترى اهيه صديقتج وانتوا الاثنين دايما مع بعض وكلن كنت ترفض انها ترد معاها، انتقولا البنات حق قسم ثاني وسبحان الله ردوا على بعض شوي شوي واانتقل معاهم زميلي إلى قسم ثاني ، وهم ساعدته وساعدني في الشغل ، حتى واهوه في القسم الثاني ، ليمة ييه يوم وتهاوش مع وحده منهم على كلام فاضي ، وقالي عن الموضوع وهم انا قلت له انته ريال خلك في شغلك ولا تتدخل في هالسوالف التافهه ن وهم سمعت منهم انه اهوه سوى وسوى وووووو وكنت انا خارج الموضوع ماحبيت أدخل نفسي فيه وقلت لهم خلاص انسوا السالفة وكملوا لي جدام .
المهم مرت الأيام تدرون شنو صار شب خلاف بيني وبين زميلي وكانوا اهمه الثنتين داخلين فيه : وسبحان الله اللي شفته منهم انهم بدل لا يصلحون الوضع لا كبررررررررررررررررررت المسألة وصاروا يقولون لي خليه يولي ولا تتكلمين معاه وانتي احسن منه واهوه استغل طيبتج علشان تساعدينه بالشغل ووووووووو ، وكنت مرات أسألهم أشلون فلان يقولون ماندري والله ما نقعد معاه ما نشوفه ؟؟؟ ن سبحان الله في نفس اليوم شيء في قلبي قالي روحي وشوفي شنو يصير تدرون شفتهم قاعدين معاه سوالف وضحك بصوت عالي وبس ييت أنا جان يسكتون ، وما أنكر خواتي إنه الأخ الزميل ييه مكتبي حاول يعتذر لي لكن أنا سبحان الله حزتها كنت متضايقة منه وايد وايد ، مرت الأيام وأنا أفكر أقول ليش يسوون جذي مع أنه انا مابدر مني إلا كل خير واللي يحرني ويبط جبدي اني انا سعيت اني اصلح بينهم في يوم من الأيام ، أنا ما بدر مني ناحيتهم إلا التصرفات الزينة والحمدلله ، وكانوا يقولون انه طيبة قلبي هذي ضعف في الشخصية ، أنا فيني طبع لما أشوف شيء حلو أحب أقول ما أسكت اهمه قالوا لا ترى هذا مو زين هذي مجاملة سبحان الله ، خواتي العزيزات ماتدرون شنو تضايقت لما شفت انه الدنيا جي والله العظيم لكن سبحان الله الحق مصيره يطلع وكل شيء يتحسن انشاء الله.

اختي شدو البلابل جزاك الله خيرا وطهر قلوبنا جميعا من الحقد والحسد وغيره من الامراض قل من البشر من يكون قلبه طاهرا وهو السعيد في يومه وغده

يا بختج اختي تفاحة على روحج الحلوة

أنا عندي ربيعة في الجامعة صار لنا اسبوع متخاصمين
علاقتي فيها الحين في هالأسبوع لا تتعدى السلام
حتى أسلم عليها بدون نفس بس لأن السلام لله
ما أدري ليش مب قادرة أتقبلها
حتى يوم أسلم عليها مب قادرة أطالع في وجهها وحاسة بضيق منها




السالفة وما فيها اني أنا طبيعتي وطبيعة البنت اننا من النوع اللي يحِن
فيوم تتكلم وأقول شو السالفة تقول لي : شب لا ترزين ويهج
عاد أنا قلت بعاملها نفس الطريقة عامل الناس كما هم يحبون انهم يعاملوك
يوم عاملتها بنفس الطريقة زعلت
وقلت خلنا متخاصمين أحسن عشان نبعد عن المشاكل



عاد انا قلت بالطقاق
والحمدالله الحياة ماشية