خطوه بخطوه لعرايس الامارات وبنات الخليج

:27: مرحبا خواتي بنات بلادي انا حابه اساعدكم لتجهيزات عرسكم من طأطأ لسلاموعليكو على قولت المصريين :42:

1-خذتي المهر اوكي فكري وقسميه زين ولاتنسين تبدين بالذهب والمجوهرات(عندج مركز الذهب لي في الشارجه والسوق المركزي فيه الوليد للمجوهرات وداماس عنده اشياء حلوه- وفي في دبي مجوهرات ندى بعد حلو والمناره- وفي بوظبي الشعيبي ).

2- خذيلج ساعتين بلون ذهبي ووحده ذهب ابيض ( ممكن تاخذين من صحارى فيه محلات للساعات مثل سواتش غاليري وتناغرا وفي بعد في السوق المركزي محل قلاده ومحل داماس عندهم سوع حلوووه واحلى ماركات الساعات هي كريستيان برنارد _اوميغا_شوبارد_كونكورد_ رادو_B&B_شواروفسكي....) وكل وحده على حسب مزانيتها لانه اهم شي :41:

3- وبعدين خذي قطع عشان تخورين وتفصلين لج مغربيات بس لا تخورين قبل فتره طويله اخذي القطع فيه قطع حلوه في سوق نايف خذيهم وخليهم ولما يكون باقي على عرسج شهرين خوريهم لانه الخوار يتجدد كل فتره وهذا يعتمد اذا كنتي راح تعيشين مع اهل زوجج فلازم تعملين جلابيات بسيطه يعني لا تثقلين الخوار عشان لما بتيسلين وياهم.:02: وعندج اماكن وايد فيها احلى خوار ( في دبي المرر وفي الشارجه ورا سوق المجره وفي العين البريمي )

4-:32: الحين البدلات يعني التنانير والقمصان حاولي تاخذين قطع تنانير في محلات حلوه لقطع التنانير في سوق نايف يعني السوق لي مقابل مركز المنال , وممكن تاخذين بدلات وبديات وقمصان حلوه من عدة محلات راقيه مثل برومود_زارا_مانجو_الجعيدي وفيه محلات كثيره موجوده في المراكز .

5_ الشنط بعد ما تخذين البدلات ابدي خذي الشنط والافضل انج تاخذين معظم الالوان بس كثري من الاسود والبني لانهم الاكثر استخداما عندج محلات كثيره للشنط ممكن تاخذين من برومود- وزارا- ناين ويست وفي محل موجود في عجمان يبييع شنط حلوه وماركات مثل شانيل وغوتشي ولويس فونتين وكريستيان ديور بس تقليد لكن ما ينعرفن انهن تقليد.

6- كرمتوا النعله والجواتي خذي عدة الوان وخذي بعضهن فيه كعب وبعضهن بدون لانه ممكن تحملين وما تقدرين تلبسين الكعب اذا تبين اشياء مريحه روحي محلات next و شومارت واذا تبين اشياء راقيه روحي ميلانو والدو وفنيسياا وناين ويست .

7- الحين وصلنا لاحلى شي وهن قمصان النوم اولا راح اقولج شي لا تكثرين منهن لانه ما راح تلبسينهن كلهن
ولا تاخذين ضيق وايد لانه ممكن يتغير جسمج بعد فتره قصيره من الزواج (وفي بعض الرجال ما يحبون قمصان النوم القصيره فانتي انتبهي لو كان زوجج من هالنوع ) وخذي بعد قمصان نوم طويله لانهم عمليات اكثر وخذي معظم الالوان ولاتكررين الالوان اما اذا زوجج يحب لون معين فخذي منه اكثر محلات في دبي مركز المنال موجوده فيه تقريبا ثلاث محلات واسعارهم مناسبه _وفي صحاري محل دبنهامز عندهم بعد اطقم لقمصان النوم _ في الشارجه موجود في سوق المجره محل عندهم اشياء حلوه والسوق الجديم فيه محلات وايد لقمصان النوم وفي عجمان فيه مصانع تبيع قمصان نوم لفيكتوريا سكرت وموجود في سيتي عجمان محل نعومي بعد عندهم شغلات حلوه .

8- العبي والشيل سويلج مثلا اربع اطقم للعبي والشيل عشان تلبسينهم في المناسبات وفصلي لج عباه اسلاميه بس تكون فيها شغل باللون الاسود للطلعات وعباه عاديه مسكره للطلعات العاديه وخذيج شيل بعدة الوان مو شرط يكونون طقم للعبي اي لون تحبينه فصلي منه بس حاولي يكون اللون مناسب للي راح تلبسين من البدل او المخاوير اخذي اكثر لون تشوفين عندج منه بدلات وايد وعملي الشيل بهذا اللون المحلات ( في دبي ابراج الامارات ماي فير ليدي وفي دبي مركز الغرير سويت ليدي والحلوه- مركز بو هيل وبالم ستريب – اما في الشارجه موجود الخنجي ومنتصف الليل _ اما في عجمان في سيتي عجمان موجود فرست شويس ) وبعد خذي شيلتين ماركات لانه هالايام موضتهم . ممكن تاخذين ماركة كريستيان ديور وشانيل لانهم احلى شي :55:

9_ الفساتين لازم تسويلج عدد من الفاستين الخفاف يعني ما فيهم شغل وايد للمناسبات البسيطه مثل لو عندج عزيمه او رايحه لعزيمه لانج الحين عروس والعيون كلها عليج فلازم تكشخين المحلات ( فيه قطع في السوق لي مقابل مركز المنال في دبي عندهم قطع لفاستين وانتي روحي لخياط شاطر وفصلي عنده _اما في الشارجه سوق السور عندهم اشياء حلوه )

10_ المكياج والعطورات والدخون والعود : (المحلات عبدالصمدالقرشي_اجمل_الرصاصي_العربيه _الياس) وفي حريم واايد يسووون دخون عود معطر حلو كل وحده على حسب منطقتها تسأل عنهم

أ_ العود المعطر خذيه قبل بفتره وخيه مع عطره السائل وخليه عندج لين يشربه يعني لاتاخذينه وهو شارب العطر السايل لي فيه لانه بسرعه راح تروح ريحته , اما العود الغير معطر فخذي منه شوي لانه راح تستفيدين منه لما تدخنين شعرج لانه ما ياثر في الشعر بعكس العود المعطر .

ب_ الدخون خذي عدة انواع في انواع رخيصه يعملونهم حريم على 30 و 25 درهم هذيل تدخنين بهم الغرف والحمامات وفي انواع اغلى للثياب والعبي والشيل

ج_ عطر الفراش لازم تاخذين منه عشان ترشينه على غطاء سرير النوم وعلى الموكيت لانه ما تروح ريحته بسرعه .

د- العطور العربيه خذيلج منهن عشان تعطرين العبي والشيل

ه-العطور الفرنسيه طبعا في عطور وايد راح اذكرلج منهم من ماركة كريستيان ديور ( في دولتشي فيتا وديور)من شانيل ( كوكو شانيل وكوكو مدموزيل وبعد عندهم عطر جيدي نسيت اسمه ) من ماركة فرساتشي ( في عندهم عدة عطور منها عطر لونه بنفسجي وريحته حلوه اسالي عنه ) من اسكادا فيه عدة عطور ماركة غولدن (في عطر غولدن مركز وفي خفيف) كشاريل( في نوا ) وفي بعد عطور غوتشي .

ي- اخذي دهن عود جديد لا تاخذين معتق وخليه عندج لين تعرسين طبعا بفتره طويله قبل عرسج ممكن اربع شهور بروحه بيصير معتق .

و- خذي صينيه للعطور ولاتنسين تاخذين مدخن شكله حلو لما راح يزورونج الناس راح تعطرينهم وتدخنينهم.

وانشالله اكمل الموضوع بعد ما اشوف آرائكم وانشالله دوم الافراح بحياتكم :27: