خطيبة أخوي

السلام عليكم ورحمة الله وبركاته
بنات أتمنى تساعدوني وتردون علي وما تطنشوني كالعادة لأني مو معروفة بالمنتدى

بنات الله يسعدكم ويسخر لكم أخوي خطبنا له من ناس بنت حلوة وأبوها ما شاء الله على قدر من العلم والدين حنا شفناها في جمعة عند خالتي وأعجبتنا وأخذنا الرقم واتصلت أمي بعد مدة عليهم
المهم راح أخوي وشاف أبوها وأخوانها وجلس معهم وأعجبوه وأعجبهم
واتصلنا عليهم عشان يروح يشوفها ووافقوا وراح أخوي
المهم يوم راح لهم يقول ماشفتها إلا يوم لفت ما شفت إلا جسمها وسعرها
واستحيت أقول ما شفتها
أخوي هذا من النوع اللي يهتم مرررررررة بالأخلاق والدين والسمعة وهذا أهم شي عنده
والعائلة هذي متوفر فيهم كل اللي يبيه
أخوي يقول استخرت أكثر من مرة ومرتاح لهم لكن أنا ما شفت البنت ولا أدري وش شكلها
المهم أختي الكبيرة زوجها مو مرة مع هالعائلة لأنه يغار من زوج أختي اللي من نفس العائلة اللي خطبنا منهم
أختي تقول مو حلوة ما تناسب لك وتقول بعد لو واحد ثاني غيرك قال لي أبي وحدة حلوة ما أخطب غير هالبنت اللي خطبناها لكن أنت لا
وقامت تقول ما تناسبك مو حلوة شعرها خشن ومفرود و و و و
أخوي ضاق صدره أنا وأمي نقول له خذها وأختي تقوله لا
هي صحيح شعرها مو ناعم بس موخشن مرة وأخوي متردد يقول أنا أخاف إنها تفرد وأنال ما أحب الشعر الخشن بس قلبي يقول خذها
وش رايكم احترنا معه مرة يقول أبيها ومرة لا والناس تأخرنا عليهم بالرد
البنت مررررررررررة حلوة بس أخوي ما يحب البياض الزايد وهي مرتىة بيضاء ما شاء الله
بس يقول أنما أتنازل عشان أخلاقهم وطبايعهم وسلومهم الزينة
احترنا معه وش رايكم