خطيبة اخوي ومشاكلها معانا بسبب السناب شات !

الأسرة والمجتمع

السلام عليكم بنات
مشكلتي مع خطيبة اخوي كل فتره اخوي يرسل لي معصب
ان ليش ماارد عليه في السناب اذا نزلت شي وليش مااحط لها لايكات في الانستغرام وليش مااعلق عليها
وان اكيد اني اكرهها واني مااحبها
مع اني اعلق عليها بس مو معقوله كل سنابه بقعد ارد عليها وحده وحده
بعدين انا مالي خلق للسناب حدي دقايق بس في اليوم
والحين متضايقه ان ليش حطت صور عيال اخوها في كشخة العيد وماانا ماعلقت عليها
مع انها اصلا ولامره حتى ردت علي ولامره اصلا فكرت اعاتبها لان مااشوفه شي مهم
وطالعة بسالفة جديدة ليه اخوي مايعلمها اخباري مثل ماهي ماتقول له اخبار خواتها
المهم بنات ماادري هل كل حريم الاخوان في هالزمن مثلها ؟
انا لحالي نفسيتي مرره تعبانه من مشاكل تأخر للحمل ومالي خلق سوالف عتب وتشره من احد
31
7K

يلزم عليك تسجيل الدخول أولًا لكتابة تعليق.

تسجيل دخول

ام غيد ٢٠١٧
ام غيد ٢٠١٧
صكيها بلوك
واذا سالج اخوج قوليله حذفته وريحي راسج
ناس قشرا
ناس قشرا
يوووه الله يعينكم على صغر عقلها واخوك اردى منها
نواافذ
نواافذ
اذا صدق السالفة فخطيبة اخوك غريبة .. واخوك اغرب منها 🤕🤕 ماعندها شغله هي ...بعدين اخوك قولي له انت وش لك بسوالف الحريم سناب ولايكات ومدري ايش ...اجعل حياتك ارقى من كذا
دموع برائحة التفاح
خييييييييييير ههههههههههههههههههههه
هذا لو خصصتيها ولا حذفتيها تبرى منك !!!!
وربي من سخافه المشكلة جالسه اضحك
شوفي من الحين حطي النقط عاى الحروف وكلميه
بوضوح ان العلاقة معها رسميه قبل ما تدخل وبعد ما تدخل
اهم شي الاحترام والرسمية
عواطف تركي
عواطف تركي
وعليكم السلام

ياختي المشكله مو في خطيبة اخوك وعالمها السطحي الطفولي

المشكله في اخوك أي كلمه تقولها له خطيبته ياخذها بجديه كأنها كتاب مقدس ويجي ينبرش عليك

يفترض هو يكون العاقل الرزين اللي يحط لكل شي حدود ولا يسمح لها تتذمر وتتشكى على توافه لايكات وتعليقات

شفتي كلامك اللي كتبتيه هنا انك مانتي فاضيه تجلسين طول وقتك مقابله السناب والانستقرام مثل الناس الفاضيه وانك مافتحتي سناب وانستقرام عشان تجلسين تحطين لايكات وتعليقات كأنك في مكتب

قولي كل هالكلام لأخوك وحاولي تفهمينه ان هذي الامور تعتبر توافه ولا يبني عليها حياة وعلاقات

بكرا خطيبته تكبر وتشوف الحياه صح وبتفهم ان تفكيرها سطحي وطفولي

اهم شي فهمي اخوك وهو بكيفه يفهم خطيبته انتي لا تتعبين نفسك معاها لان واضح انها بزره