خطيبها وزياره اهلها

السلام عليكممم
شخبارك طيبين
بنت اخووي بدايه العشرين وزوجها 25 سنه
لها 4 شهور من ملكتها زواجها بعد شهرين ونص تقريبا
طبعا حنا سالنا ومطولا عن زوجها والكل يمدح فيهه وفعلا مافي سلووك الى الان له ريبه او ينشك فيه
وحبوب معها وكريم وخلوقق
الان مع السوالف وكذا قالها انا ما احب زوجتي كل يوم بيت اهلها ولا كل اسبوع
دامهم بخير ماله داعي كثر الروحه انا ما احب زوجتي تطلع بدون حاجه هذا اقولك من الحين هي من الصدمه والخجل ماعرفت وش ترد تقول جلست اتبوسم ومنبهره
بس حزت بنفسها هالكلمه وجت تتكلم معنا بالقروب لان اصلا هي متعوده ع جمعات بيت اهلها ل امها وابوها وغير زيارات بيتهم
انا قلت لها ارجعي افتحي معه الموضوع وش اقصد من كلامك وانا متعوده وهذا نظام حياتي وهذا من الصله قلت لها بكره ماتدرين يحبسك بالبيت
مافي سوق ولا روحه عشان ماعندك سبب للروحه عرفي جوه وليه قالها وهل هو يمزحح >لان في بعض الرجال يقولها بدايه الحياه ينقال عشان يشبعون من بعض بس مايقصر ع روحتها ل اهلها
وخلانا نربط الاحداث يوم الملكه هم قالو للرجال ماعندنا شروط لان فعل كل شي قلناه اتفقو معنا وقالو اصلا حنا بينسوي كذا فما له داعي ندونها
ويوم سالها الشيخ ي بنتي عندك شروط هي قالت لا بس جلس يسالها
هل تبين تواصلين تعليمك واسئله متنوعه وسالها تبين تتوظفين من الربكه قالت ايه تقريبا نص الاشياء اللي قالها الشيخ قالت ايه
وتم التوقيع ع العقد بس اول ماجلسو مع بعض قالها ليش شرطتي تتتوظفين انا مراح اقصر عليك ولا ابيك تتوظفين وتتعبين هذا وظيفني انا وخرفنها بكم كلمه
جت تقول لنا قلنا لها يمكن استغرب كونا قلنا مافي شروط وتفاجى فيه وحده قالت لها احسن حتى لو انتي ماتبين تتوظفين بس ماتدرين وش يصير مراح يضرك الشرط
عاد حنا نقول الحين ليكون هو موسوس ونفسيه ويوم قال مافي وظيفه يقصد حبسه البيت ولا
الان هي لموضوع مشغل بالها تقول ماثر ع نفسيتي احس مو قادره ارجع معه ع طبيعتي احس في غصه بقلبي
حتى هو لاحظ تغيرها وقال لها شفيك مختفيه صرنا نطر من اتصال
وش تسسسووي هل ناس مرفو بنفس الموقف هل ممكن تكون نيتيه سليمه
وماينفع انو تاجل العرسس عشان ممكن تعرفه زياده
لان تم الحجزز و وغير اجازته بيتخسرون