معليش بكون قاسية شوي بس صديقك من صدقك انا اشوف الموضوع من خارج الموقف واحكم بعقلي الولد ما يبيها لو يبيها اخذها قبل يسافر لو يبيها صبر لين يرجع لو يبيها ما تزوج لو يبيها طلق زوجته عشانها لو يبيها اخذها بعيوبها لو يبيها كان بعد مانقصت وزنها تزوجها ووفى بوعده
الولد ما يبي يفشل ابوها وابوه يبي الرفض يجي منها لكن للاسف البنت " ما عندها كرامه " قاعده تطرد ورا واحد بايعها بنص ريال اجل 30 كيلو؟؟؟؟؟؟؟؟ خييييير ولد اختي ابو 8 سنين وزنه 30
طيب سؤال بس هي لو طلبت منه ينقص كيلو واحد فقط بيرضى ؟؟ تقول احبه اقول الله لا يبارك في قلب بيوصلني هالمواصيل
بعدين هو وش زوده عن المسلمين لايكون شهريار وانا مدري؟؟؟ لا ويتشرط بس ما الومه لطالما ان فيه بنات يرخصون انفسهم لهالدرجه طبيعي نلاقي الرجال يسترخصون الحريم " ومن يهن يسهل الهوان عليه مالجرح بميت ايلام" بعدين الرجال يحب الحرمه الثقيلة مهوب اللي تركض وراه
اخر نقطه نبهيها عليها اللي هذا اوله ينعاف تاليه يعني من قبل تاخذه وهي تتنازل اجل لين جابت عيال وش بتسوي ؟؟؟؟ والله كني بيها تنزل موضوع الحقوني يا بنات يبيني اصرف عليه وعلى عياله وعلى زوجته وان قالت شي قال انتي رميتي نفسك علي ما طقيتك على يدك
انا اسفه كلامي قاسي بس انا بختصر عمرها و اوعيها بلا حب بلا هم يقول خذ اللي يحبك لا تاخذ اللي تحبه الله يوفقها مع اللي يعرف قيمتها ويحشمها ويصونها ويحبها ويعوضها خير
معليش بكون قاسية شوي بس صديقك من صدقك انا اشوف الموضوع من خارج الموقف واحكم بعقلي الولد ما يبيها...
الدين النصيحه ..