خطيبي

السلام عليكم كيفكم حبيباتي
ادخل على طول
بنات انا نزلت موضوع قبل كدا ان خطيبي ماباسني وزي كدا
طيب بعدها واسفة على الجرأة بس ابغى اوضحلكم
اتمشينا ورحنا لفندق وسوينا كل شي تقريبا بس انا مازلت بنت بكر يعني فهمكم كفاية
والمشكلة ياليت اول واخر مرة لا سوينا بعدها مرتين كمان وصار 3 مرات
المهم دحين عرسي تقريبا بعد شهر وشوي
طيب حتقولو ايش المشكلة
اقولكم ان كل ما نسوي يزداد حبنا لبعض وانا طبعي خجولة بس هو خلاني جريئة وكتير بنات قالولي الرجال يحبو الجريئة وعشان كدا صرت جريئة
بس اليوم لمن اتصل علي خطر في بالي اني اسأله هذا السؤال
وقلتله الرجال ايش يحبو البنت الجريئة ولا الخجولة سألتك لانك رجال وتعرف كيف الرجال يفكرو
وقاللي والله في بعضهم يحبو الخجولة وبعضهم الجريئة وقلتله طيب انت اية فيهم تحب قاللي البنت يلق لها تكون خجولة وهذا الشي يرفع من قدرها والجرأة تناسب الرجال وقلتله طيب في رأيك انا ايش قاللي خجولة بس احيانا تكوني جريئة بصراحة
هنا انا خجلت من نفسي لاني بالفعل احيانا اكون جريئة مرة ونتكلم في هذيك الاشياء سواء بالواتس او بمكالمة جوال لا وسوينا كل شي تقريبا
اول مرة سوينا كان طيش واندفاع وتهور بس المرتين التانية خططنا لها
طيب سؤالي بعد كل هذا الكلام تتوقعو اني طحت من عينه مع العلم اننا نحب بعض وزاد حبنا بعد الاشياء اللي صارت
وسؤال تاني كيف اشيل فكرة الجرأء اللي اخذها مني
والله والله والله ان انا طبعي خجووولة ومشهوورة بهذا الشي بس هو خلاني جريئة ايش اسوي اعطوني حل بالله تردو بأدب
قل خيرا او اصمت