خطيبي إتغير معايا فجأه

يا جماعة خطيبي ما بقاش يهتم بيا بعد 3 شهور خطوبة فقط,مع العلم أنه في بلد و أنا في بلد تانية,إحنا ما كناش نعرف بعض قبل الخطوبة خااالص, أتخطبنا في أجازة كانت مدتها أسبوع نزل فيها مصر, و سافر و كان دايما يهتم أننا نتكلم كل أسبوع على النت,طبعا عشان نعرف بعض أكتر و أكيد في حدود الأدب, و كان من وقت للتاني يرسل رسالة حلوة أو يتصل يطمن عليا, و بصراحة أنا كنت بتكسف منه أوي’على الرغم إني بحبه جدااا و بحترمه جدااا,و فجأه أتغير أوي وكل دا أختفى,سألته إيه سبب التغيير,قاللي ما فيش حاجة بيتهيألك!!!, و عشت في عذاب لمدة 5 شهور,خلالها حولت إني أبعتله أنا من وقت للتاني رسالة حلوة و أتصل أنا أطمن عليه و أطلب منه أنه يدخل نت, ولكن دون فائدة, و طبعا فكرت كتيير أفسخ الخطوبة, لكن دايما كنت أتراجع لأنه فيه صفات كتييير كويسة أنا بصراحة أتمناها في زوجي.
لحد ما جه اليوم و نزل أجازة مدتها أسوعين,إتكلمنا مع بعض بكل صراحة و عرفت منه أنه سبب التغيير هو أني حسسته بالرفض,لأني زي ما قلتلكم كنت بتكسف منه لدرجة أني أحيانا بصده, و فهمته إن ده كان مجرد كسوف بنات,و عرفته إني بحبه و متمسكة بيه,و إتفقنا نبدأ صفحة جديدة و لما سافر تاني,لقيت نفس المعاملة,و بصراحة أنا لما كان في الأجازة معايا كنت حاسة أنه ما بيحبنيش , بحس أنه معايا و مش معايا, إنتوا أكيد فاهمني يا بنات,رغم مثلا إنه خلال الأجازة جابلي شوكلاته كتيير أوي لمجرد إني في وسط الكلام كدا قولته إني بمووت في الشوكلاته,أنا أحترت مش عارفة أعمل إيه عشان يرجع معايا زي الأول,و الأصعب من كدا إنه هيفضل مسافر 6 شهور و هينزل مصر قبل الفرح بأسبوع واحد بس,يعني لو الوضع ده إستمر كدا أنا هيقى صعب عليا أوي إني أعيش معاه في بيت واحد هحس إنه غريب عني و إن في حاجز كبيير بنا, أرجوكوا حد يقوللي أعمل إيه؟؟ مع لعلم إنه برج الحمل و إنه شمالي غربي.