خطيبي الاول كلمني بعد زواجي بأكثر من ثلاث سنوات

مرحبا بنات
اخباركم مثل ماهو واضح
بسرد لكم القصه باختصار شديد لان القصه طويله بدأت من لما كنت ١٦ سنه وانا حاليا ٢٧
انخطبت بالكلام فقط لجارنا زمان وكان هو اصلا صغير بعد عمره ١٨ سنه وأمه وامي تقريبا صاحبات
وللامانه اهلي ما كان عاجبهم على انه هو مجرد كلام بس لاسباب منها الاصل والشكل والخ وطبعا انا ما اطلع من شورهم لو ايششش
بعد فتره حسيت امي اقتنعت فيه تماماً لدرجة كانت تشجعني نزورهم واكشخ لا زرتهم وكذا وانا مثل اي مراهقه بكل امانه كنت فرحانه بأنه في احد مهتم فيني ويهديني ( بعلم امي وخواتي ) :' يعني مو بالخش والدس لين كبرت وصار عندي برامج بالجوال وصرت اتواصل معاه قمة ف الطيبه والاخلاق ولا عمره تجرأ او تمادى معي بشي والحمدلله ع كل حال
لكن حال النصيب بينا وكان له الكلمة الاعلى والاقوى وانخطبت لزوجي وبعد صراعات ونزاعات تمت الموافقه وامي شددت علينا اننا ما نتكلم بشي لكني رحت وقلت له اني ملكت وانه مافي نصيب ومايعيبك انه اصلك مختلف عني والخ الخ ( للامانه اهلي كانوا حاطينه احتياط ) طبعا غيرت كل حساباتي ورقمي وكل شي لكن تمت غصه بقلبي ع اني وافقت ع زوجي بقناعه تااااااااااااااااااامه ويمكن لاني شفت اهلي يسلكون للاول ومنحرجين يرفضون رفض صريح ف قلت اتزوج وانهي هالموضوع وخاصه وزوجي فيه مواصفات جيده ك نسب و شهاده والخ وفعلا تزوجته وكانت بداية زواجنا سيئه جدا لانه كان طالب في سنته الاخيره ويشتغل ف وظيفه مسائيه ف صار طول وقته برى البيت من ثاني يوم زواج لكم ان تتخيلوا مشاعري بس !
مر شهر بسلام وثاني شهر لقيت رقم غريب يتصل ف رديت ظن نني انه وظيفه لامي مقدمه ع وظايف
ف طلع فلان الاول ولا اعطيته فرصه يتكلم من الاساس وهاوشته وقفلت .. ع انه كان يبكي ويقول لي تسرعتي .. لكن ولا كان ع بالي لاني ع ذمة شخص فتح لي بيت متواضع صحيح لكن بتعب وبحلال ..
وانتهى هالموضوع بسلام وما عاد شفت له مكالمه ابداً ولا رساله
الى ان فتحت حسابي في الفيس بوك وكان الحساب الوحيد اللي ما غيرته لاني ما ادخله كثير اساسا
لقيت محادثههه طوووووووويله من خطيبي السابق مفادها باختصار
احبك وابغاك انا طول عمري اتخيلك زوجتي وجا شخص اخذك بالساهل انا اتمنى لك الخير لكن تعبت بدونك ( اوقات المسجات كان بينها شهوور ) يعني كان كأنه يسولف مع نفسه
وملكت وانفصلت ما كنت متقبلها وهي بعد كيف هان عليك العشرة والخ
ف بعد ماخلصت القراءة رديت قلت انت عايش بالاوهام انا زوجة وام حالياً وكل ماكان انتهى ولا تفكر تتواصل معي بأي طريقة كانت وبلكته والغيت حسابي


سؤالي : هل أنا فعلا كنت سبب لمأساة شخص والا انا اللي سويته شي من حقي وما ظلمت احد خاصه وان اهلي اصلا ماكانوا يبونه