خطيبي اللي كرهته

السلام عليكم

بنات حابه آخذه رايكم ولعل عسى القى من يساعدني بمشكلتي
اللي حرمت النوم من عيني
تحملوني بنات ابقولكم سالفتي من البدايه
انا كثير خطبوني وكانت امي ترفض بدون سبب
بعد تأثير من كلام الناس انو ليش امي ترفض
وكنت متضايقه انها حتى ماتاخذ رايي وصارت بينا مشكله وقلت لاامي على الاقل اخذي رايي
مو اسمع من الناس الفلانيين اخطبوني
بعد الهوشه انخطبت من بكرا وافقت تحت تأثير كلام امي الجارح
من دون مافكر بخطيبي هل هو يناسبني او لا والسبب الثاني وافقت كانت فيه مشاكل
بين امي وابوي وراح توصل للطلاق والسبب الثالث حالتنا الماديه وقتها صعبه
وكنت محتاجه دورة معهد عشان اكمل دراستي
كل هالاسباب آختصار خلتني اوافق
من ثاني شهر موافقه عرفت اني اخذت القرار الغلط وندمت كثير وعرفت ان هالشخص مو مناسب
من عيد الاضحى اللي فات وتبدء مشكلتي شلون اتراجع وافسخ خطبتي
لجئت لله يساعدني
وبعدها رحت لاامي ولقيت الرفض التام للمساعده وكأنها تعاقبني على قراري
بكيت وترجيتها تساعدني ورفضت
لجئت لااخواتي وقالن مالنا شغل حاولت اوصل له عن طريق بنات اخته اني مابيه
وكان رده يبيني وماتهمه موافقتي هنا كرهته زياده وزياده
والله اعلم بحالي لاانام ولا آكل وذبحني التفكير
وكرررهت حتى نفسي اني حطيت حالي بموقف محرج
كل ليله افرش سجادتي وادعي ربي يخلصني منه
عشره شهور وانا بحاله يعلم فيها الله طعم الندم كان يذبحني
وصرنا مره بالسوق وشافت امي فستان زواج وقالت راح اشتريه لك
هنا انا انهرت بالسوق وصرت ابكي بدون شعور
شي كنت كاتمته وخلاني انهار واقعد اقولها ماراح اسامحك لو اتزوجه وانتي تدرين اني اخذت قرار تحت
ضغط نفسي
وكنت ابكي وشافني ابوي وعلمته امي كل السالفه
طبعا ابوي زعل بالبدايه وقال يابنتي انتي ماترضين طيحين وجهي بين رجال ولا اقدر ازوجك واحد ماتبينه
وبعد نقاش طويل عطاني فرصه اسبوع افكر واقرر
وقالي ابوي لازم نعطيهم عذر مقنع بسبب فسخ الخطوبه غير اني كرهته وقالي فكري
يابنات انا مدري وش اسوي
اتزوج ولا اطيح وجه ابوي وارجع مطلقه ؟
ولا ارفض ولا ادمر حياتي ؟
وش احط سبب مقنع لفسخ الخطوبه ؟
آرجووووووكم ساعدوني