فلاش ميموري :

حبيبتي مريت بنفس مشكلتك ويمكن اصعب بعد.. خطبني ولد عمتي ووافقت عليه بدووون تفكير مع انه واااضح مايناسبني...بعد الملكه وبعد اول مكالمه بيني وبينه...انهررررت..وبكيييييت ندم...تمنيته حلم واصحى منه.... ماقدرت اقول لاهلي اني ماابيه...لان علاقة اهلي بعمتي قوويه...وهو يكلمني كل يوم وكل يوم اكرهه اكثر واكثر... بس انا كرهته لسبب...مع اننا فترة ملكه بس ماكان عنده اسلوب ويختلق المشاكل ولا يفهمني ابد ويروح يقول لامه كل شي بيننا وهي تجي تعاتبني... وقتها انفجررت ورحت لامي وقلت لها مااابيه وامي سكتت ماتجرات تقول لابوي وخواتي درو وهو مااقدرت اقوله ماابيك بس قلت له عندي امتحانات وماابي مكالمات... كنت كل يووم ابكي... الين جا اليوم اللي كلموناا عشان يحددون الزواج...واختي كلمت ابووي وقالت له وابوي قال براحتهاا..وعلمنا عمتي وتم الطلاق بعد كلام كثير وزعل.. بس الحمدلله ارتحححت راحه مابعدها ولا قبلها حسيته هم وانزززاااح وماشلت هم اني بصير مطلقه... ووالله ان اللي خطبوني بعد الطلاق اكثر من قبل لااملك... والحمدلله بعدها خطبني زووجي وماشاء الله مبسوطه ومرتاحه معه وعندي اطفال... يعني بقوولك اللي تبينه سوويه واهم شي راحتك وسعادتك ولا تفكرين بكلام الناس واهم شي الاستخاااره والله يوفقك ويسخر لك من تحبينه وترتاحين له...

حبيبتي مريت بنفس مشكلتك ويمكن اصعب بعد.. خطبني ولد عمتي ووافقت عليه بدووون تفكير مع انه واااضح...

ضيم السنين. :

والله ي بعض الردود ذكرتني ب المثل اللي يقول ( اقولك تيس تقول احلبوه ) تقولكم البنت مو مرتاحه نفسياً م تبيه وش اكثر من النفسيه سبب مقنع ل الرفض؟ يعني عادي انتو تضغطون ع نفسياتكم عشان تكملون الشيء ؟ شلون تستمر الحياة؟ واهم م في الحياة اني اكون ب نفسيه مرتاحه عشان اقدر اعيش واقتنع ؟ يعني يخطبني واحد وعقب فتره حسيت ب ضيقه وقلق نفسي وصياح وكره وعدم قبول وعادي اقول ي بنت م في سبب ل الرفض امشي ف السالفه وكملي ؟ طيب م يكفي ان مشاعري كارهتو؟ لاتقولون كلمتيه؟ عرفتي اخلاقو؟ عرفتي مادري وشو ؟ هو شيء نفسي وقبول وارتياح حتى لو م شافتو ولا تدري عنو خلاص نفسياً م تبيه حتى لو تزوجت وكان اطلق الرجاجيل ونفسيتها ميح م راح تشوف ولا ميزه فيه حلوه وب تشوفو كلو عيوب وم يناسبها بعدين وش دخل الرقيه؟ وحده قالت ارقي نفستس والباقي انطلق ع نفس الوتيره ارقي عمرتس ليش كل شيء عندكم عين انتو ولازم رقيه؟ بعدين ماعليش البنت قالت لكم انها وافقت تحت ضغوط نفسيه وامها اصلاً م كانت موافقه من البدايه وتهاوشت معها ووافقت ل اسباب ماديه ومشاكل يعني مثل الهروب يعني وافقت وهي مو مقتنعه وبدون تفكير موافقه عشوائيه القصد منها النحشه وخلاص حتى م فكرت وم شاورت نفسها ولا استخارت يمكن موافقه وخلاص ك ردة فعل ع رفض امها سابقاً ل خطابها ويوم صفا عقلها وفكرت زين لقت ان هالشخص م يناسبها شلون م يناسبها ؟ هي ابخص وادرا وهي اعرف من عائلتو ومنو منكم ف خلاص حبيبتي خلي وجه ابوتس يطيح ولا انتي تطيحين ب كبربتس ف زواج انتي مو مقتنعه فيه ومع زوج انتي م تبينو اهم شيء ابوتس متفهم وماعارض ابد ب العكس رحب ب الفكره بس يبي رد مقنع قولي ل ابوتس مافي رد مقنع اكثر من كلمة ( النصيب) م فيه نصيب خلي يقولهم البنت مو مرتاحه عادي مافيها شيء ولا البنت ماتبي وخلاص مالكم نصيب وانتهينا واحمدي الله انتس مجرد كلام خطبه بدون ملكه يعني امورتس سهالات كلش ولا الزواج لا تتزوجين وانتي مو مقتنعه لانو حياتس ب تكون اشبه ب الجحيم واللي يقولون ان يمكن عقب الزواج تحبينو ومن هالكلام شوفيهن ي كثر من مشا ع هالمبدا واندمرن

والله ي بعض الردود ذكرتني ب المثل اللي يقول ( اقولك تيس تقول احلبوه ) تقولكم البنت مو مرتاحه...