خطيبي بيكرهني عشان هالسبب

بنات كاره نفسي
عمري ٣٠ سنه من يوم كنت بالابتدائي
لليوم وانا فيني طبع مادري ايش هو عدم ثقه
هو خوف هو رهاب
لما ادخل على ناس كثير مثلا اسلم او ادخل لوحدي
على احد
او افتح لاحد ببيتنا
اخاف انتفض
واتوتر واجلس اسرع بالكلام واخبط
مره كنت بعزيمه قرايبي من شده التوتر
سلمت على وحده مرتين
وقبل فتره جاني خطيبي ودايم يلاحظ
اني اتوتر واخاف ولا اعرف اتكلم واسرع بالكلام
واخبط مع اني جدا جدا وضعي تماما مع اهلي
ومع الناس القريبين مني بس مدري ليش
يجيني هالشعور عند الناس الغرب
وعند خطيبي حتى لما يشوفني ماحب يناظرني
اجلس اتكلم بسرعه لان احس نفسي موب حلوه ولاابي
يدقق بشكلي ابد
وحده قالت لي انتي مافيك ثقه والله احيانا
لما ادخل على خطيبي ارتجف من التوتر
ونفس الشي عند أقاربي كذا حتى صوتي يروح ماعرف
اتكلم كلمتين مدري ليش انا كذا
والله خايفه خطيبي يكرهني
لان مره قالي وش فيك كذا ؟
مره لما كنت اكلمه قالي
شخصيتك غير مره عن الطبيعه
بالجوال تاخذين راحتك وكأنك وحده ثانيه بالطبيعة
كان فيك شي وخايفه ولا تعرفين تتكلمين ومتوتره
والله عارفه كل اللي فيني ضعف شخصيه بسبب شكلي
وانا هذا اللي مخوفني من لما خطبني قبل نتملك
وانا خايفه من هالشي
بنات بكل امانه قولو لي لو شكلي عاديه جدا
يعني اقرب شي لي وكثير يشبهوني عليها فرح الهادي
ببدايه تجميلها يعني لما بنت تهتم لما كانت شعرها طويل
كثير قالو لي نسختك
سؤالي ممكن الزوج خاصه يحب زوجته لو مافيها
ذاك الجمال ؟
انا كل خوفي يقارن او يجرحني او مايحب بسبب شكلي
لان كثير صديقات وأقارب قالو لي اهم شي يبيه الرجل
الجمال غير كذا مايهمه لو ايش ماكانتي
واللي زادني صديقتي تقريبًا جميله واشوف اسلوبها زفت
مع زوجها ويعشقها عشق وقالت لي ان هذولا هم الرجال
يتخرفنون على الجمال طيب. اللي الله ماعطاهم جمال
خلاص مايحق لهم أزواج او حب ؟
اذكر مره كذا أتمنى زي كل إنسان ان الله يعطيني
شخص كذا وكذا فيه مواصفات معينه
جلسو يضحكون يقولون لك وجه تتشرطين
اللي مثلك اي واحد المفروض تقبله يعني الاحظ
مجتمع الحريم خاصه فيهم تحقير البنت العاديه والشينه
مايشوفونها شي بس دوريهم عند الحلوات تصير اشد
مع الرجال تتخرفن الام اذا شافت بنت حلوه ليش ماعرف
صار لي موقف زمان قبل ١٥ سنه يمكن
تهاوشت مع بنت أقاربي ب استراحه
جت قالت لي من زين وجهك يالقبيحه!!
انا بعرف هل البنت يتغير شكلها لما تكبر
يعني تحلو ؟ ولا نفس شكلها 😭اذا كانت شينه منذ الصغر