خطيبي تركني هل هو ظالمني؟؟

السلام عليكم
انا قديمة هنا بس سجلت باسم جديد عشان اخاف حد يعرفني من اقاربي
قصتي عمري 30 سنة وانخطبت من شخص كان نفس ما اتمنى سبحان الله ومر على خطبتنا سنة وشوي
وكنا متفاهمين وامورنا ماشاءالله ووقفت معاه وساعدته وراعيت ظروفه
المشكلة انو قبل موعد الزواج انا تعبت جدا وتعرضت لحسد قوي وكلمت خطيبي وقتله اني تعبانه ابيك تأجل موعد الزواج
قام قالي ارقي نفسك وانا ما اقدر أاجل وهذي فرصتي وعندي اجازة ف هالفترة وعقبها بنشغل
المهم زاد التعب فيني وحتى لما يكلمني كنت ابكي احيانا وهو ينصحني بس مصر على موعد الزواج وقاعد يجهز نفسه ومو هامه حالتي ويقولي ترا تندمين
لما قرب الموعد خلاص قلت له ترا ما اقدر اتزوج الحين وابكي وعصب علي وقالي كيف انتو عطيتوني كلمة بموعد الزواج قتله انا مرضت وهالشي مو بإيدي وانا فهمتك بس انت مصر وماتبي تراعيني
طلبت منه يعطيني فرصة لبعد العيد
كنت مو قادرة اقوم من مكاني والحمد لله ارقي نفسي بس جدا تعبانه
المهم عصب علي وخفت منه والله وقلت له فكر وقرر واللي بتسويه انا راضية وانا اخاف اظلمك معاي لاني مرضت ومن هالكلام لاني وقتها كنت تعبانه وبس ابي افتك من قصة العرس الحين وهو مو مقدر وضعي
وجا بمديتنا عند اهله لانه يشتغل بمكان ثاني وقطع مكالماته وتواصله معي نهائي
امه كلمتنا بعد فترة وامي قالت لها ترا البنت تعبانة وما تقدر الحين قفلت وطنشونا شهر لا سألوا عني ولا تفاهموا معنا ولا شي
عقبها ببداية رمضان اتصلوا علينا وقالولنا خلاص مافي نصيب والبنت الله يشفيها وهو يقول اخاف اتزوجها وتمرض وماحد بيكون جنبها
ولما ارسلت له مسج قام قالي انتي بروحك قلتي مابي اظلمك معاي وانا ابي اتزوج وانتي ماسكرتي كل الحلول ومدري شو يعني حط اللوم كله علي
يعني حسسني فيني صرع او شي كبير او مرض ماله علاج
والله يا بنات بكيت بكييييت وانهرت
حسيت انه خذلني وظلمني وطعني
يعني خطبة سنة وشوي نساها ونسى صبري عليه وعلى ظروفه وانا عند اول ظرف تركني
نسى اني تعلقت فيه واني مجهزة نفسي ورماني بسهولة ويقول انا ابي اتزوج واعف نفسي
طيب وانا شوو؟ لعبه ولا جارية اشتريتها ورميتها؟؟
ماعندي اخساس انا بعد ماخفت الله فيني حتى سؤال كيف حالك يا فلانة ما سألت؟؟
بس عشام تعبت وطلبت تأجل العرس تتركني بعد هالمدة؟
حسسني اني بتم عمري كله مريضة
للعلم خطبة مو ملكة
ابي اعرف هل يعتبر ظلمني بتصرفه
ام معاه حق؟؟
هدا اللي ابي اعرفه
يعني من نظركم مين اللي غلط وظلم الثاني
مع العلم مجهزة كل شي وحتى فستان العرس وقايمة المعازيم
وابوي اتصل على اخوه الكبير وفهمه الوضع
بس هو ابد ما راعى ظروفي ولا تفاهم معاي
كان مصر على موعد الزواج او عالاقل ملكة وانا والله تعبانه ما تقدر اطلع من البيت
وبس طلبت شوية وقت
غير انه تركني بلغوني بالفسخ برمضان
والله مشى علي رمضان بكى وحزن
انتظر رايكم الله يجازيكم خير




هذا رد لي في التعليقات لان كثير يلوموني ليش ما كملت الزواج


كيف اتزوج وانا ما اقدر اطلع من البيت ولا اتحرك
اقولك تعبت جدا ومرضت بحسد قوي
ولما يكلمني ابكي ومو راضي يراعي ظروفي
لو ما ابي اتزوج كيف اجهز واحجز كل شي؟؟
بعدين هو لما تركني الحين وبيخطب غيري يعني عنده فرصة يتزوج في وقت تاني، مو كان الاولى يصبر علي ويأجل العرس شوي
ولعلمك الحجوزات كلها علينا تقريبا هم عليهم شي بسيط بس
وانا ما قلت له اللي قلته الا بعد ما عصب ورفض يراعيني يعني توقعته يكون متسمك فيني ويقولي انتي وبس وبستناك