torn_heart :

السلام عليكم اختي عورتي قلبي وانا اقرا موضوعك لأنك قاعدة تمرين في نفس اللي مريت انا فيه بس للأسف انا ماسمعت الكلام ولا سمعت صوت العقل وقعدت اركض ورى صوت قلبي التعيس الغبي الللي عطا حب عظيم لشخص ما يستاهل اختي طالما انتي متأكده انه يخونك وموقاعدة تظلمينه فنصيحة مني: لالالالالالالالالالالالالالالالالالالالالالالالالالالالالالالالالالا ترجعين لخطبيك مهما صار ولو كان آخر رجل في العالم لا ترجعين ولا تهدرين كرامتك هذا شخص مريض وما منه فايدة ولا تظنين انك راح تصلحينه وراح تغيرينه بعد الزواج ولو كنت حاطه كذا في بالك تكونين أكبر غلطانه وقاعدة تضحكين على نفسك ضحكة كبيرة انتي راح تكونين ضحيتها الوحيدة وما راح تصحين منها الا بعد فوات الأوان اختي أكبر عيب في الرجال واللي لا يمكن التساهل معاه هو حبه للحريم وطالما فيه هالعيب لازم تبيعينه وبأسرع وقت لا تصيرين مثلي انا زوجي كان يركض ورى الحريم قبل الزواج وكنت لما أواجهه واحسسه اني راح أبعد عنه يبكي مثل الأطفال ويقولي اعذريني بس اوعدك لما اتزوج راح ابتعد عن هالشي وانتي بس اللي بتكونين في حياتي ولو لقيتني رجعت لطبعي الشين بعد الزواج طقيني باللي في رجولك وسوي اللي تبغين فيني طبعا انا الغبية صدقت دموع التماسيح ودموع التمثيل وصدقت كلام الأفلام اللي كان يضحك عليه فيه وظنيت انه بينصلح بعد الزواج وتنترس عينه بس للأسف بعد سنة بالضبط رجع لطبعه الحلو الخاين ورفسني بحجة انه مو مرتاح معاي وياليته رفسني لوحدي الا رفسني وانا شايله منه جنين في بطني الجنين اللي انظلم من قبل لا ينولد حسبي الله على ابوه يقول مو مرتاح ويبي يخلف مني عيال خوش نكتة وانا الحين راح انطر الولادة وأطلب الطلاق منه فهل تبين تصيرين مثلي؟؟؟؟ انا زوجي خسرني كل شي فرق بيني وبين اخواني وخسرني فلوسي ومستقبلي العلمي اللي كان راح يكون لي فيه شأن كبير وخسرني مكانتي الاجتماعية وكل شي حلو تتصورينه فهل تبين تصيرين مثلي ؟؟ اختي احمدي ربك انك كشفتيه وقدرتي تاخذين موقف وتقولين لوالدتك وهي أخبر منك بمصلحتك اختي ابتعدي عنه نهائيا قبل لا يفوت الفوت عليك مثلي وتلقين نفسك كل يوم تبكين بدل الدموع دم حسرة على نفسك وعلى جنينك اللي شبع قهر وعذاب ودموع حتى قبل ما ينولد لدرجة اني خايفة انه يطلع مو صاحي او مشوه من كثر الزعل والبكي والطق اللي طقني اياه زوجي اختي لا تقولين احبه شتحبين فيه ؟؟؟ رجل قالك ذبحي نفسك وخانك شنو تنطرين من وراه ؟؟انتي لو احد من اهلك ولا اخوانك عاملك مثله كنتي بتسامحينه ولا تزعلين عليه وتشلين في قلبك عليه؟؟ اختي اشتري نفسك انتي بعدك صغيرة واللي يبيعك بيعيه انتي ما ظلمتيه هو اللي ظلمك وباعك هذا يروح شقق مفروشة يعني مايخاف الله شلون تأمنينه على نفسك ؟؟؟ حتى لو جاك ورمى نفسك تحت رجولك يقولك سامحيني تبت لا تصدقينه ولو اهله قالوا لك سامحيه هذا توه شاب مايعرف بس هو يحبك وهو يغليك ايضا لا تصدقينهم ولا تضعفين لأن ما كو أهل يتمنون لولدهم ان ينفصل عن خطيبته خصوصا لو كانت زينة وهو الشين . اخير راح اقولك خلك قوية وان شاء الله راح يعوضك باللي أحسن منه في الوقت المناسب. أسأل الله يحميكي ويسويلك اللي فيه الخير دايما آمييييييييييييين.ماعليه في رجال مايترس عينهم ا لا التراب

السلام عليكم اختي عورتي قلبي وانا اقرا موضوعك لأنك قاعدة تمرين في نفس اللي مريت انا فيه بس للأسف...