خطيبي زززعلني

انتبهي يتعود ع هالكلمات ووضحي له انها تزعلك الله يوفقك

طنشيه لين مايشتاق لك ويرجع يراضيك
وزي ماقالت الأخت اللي قبلي لاتعوديه
لأن الرجال على اللي تعوديه إذا شافك راضية على كلامه بيتمادى ..
الله يسعدك ويتمم لك على خير .

الله يهديه ادعي ربي انه يسخره لك

مشكلة البعض خاصة فترة الخطوبه وبداية الزواج كل شخص يحاول يسيطر على الثاني ويفرض رأيه واسلوبه عليه عشان يكون كسبان ورابح بإن الطرف الثاني مايعصي اوامره ويكون مثل مايتمنى

هذا شي غلط ومتعب جداً وممكن يتسبب في مشاكل كبيره
لان الزواج مشاركه حياة مع طرف اخر من بيئه واسلوب وشخصيه مختلفه تماماً وليس سيطره وتسلط

وانتي الله يهديك تعلمي حسن التصرف في الامور والمواقف الصعبه او السيئه ، تذكري ان الطرف الثاني ليس معصوم عن الغلط وحاولي توصلين له رفضك الاساءه سواء كلام او معامله بطريقة مناسبه وافضل الطرق لحل الخلافات هي النقاش الهاديء ، وش كان راح يحصل لو قلتي له يافلان لو سمحت لا تقول هذي الكلمه لانها غير محببه وماتليق فيك ولا بتربيتك الطيبه اللي عرفتها بهدوء واكيد بيكون رده عليك ايجابي وربما يعتذر منك
مايحتاج ترفعين صوتك وتستفزينه وتقفلين بوجهه ... يحسب عليك خطاء كذلك ويحق له يزعل ومايرد عليك لانك ما احترمتيه وتقفيل المكالمه بوجه الشخص عندنا يعتبر اهانه

الله اعلم تلقينه يقول لنفسه خليها تتربى وتتوب واللي يزعل من نفسه يرضى من نفسه او يخليك تعتذرين منه بطريقه مهينه ... لا توصلين لهذي المرحله معه انه يعاملك كذا وانتي الخسرانه لانك بتضعفين في يوم من الايام بتتعلقين فيه وتروحين تطلبين رضاه وهو اللي بيتكبر ويرفض عشان يقهرك


الخلاصه تعلمي كيف تتعاملين مع الزوج دامك في البدايه ومرحلة الخطوبه عوديه على الهدوء والاحترام المتبادل وحل الخلافات بالنقاش والحوار لان النرفزه ورفع الصوت ماتحل اي مشكله بل تزيدها

الله يوفقك ويشرح صدرك وييسر امرك

والله الشغلة مشششششش سهلة ابدا
اذا كنت صاحبة قرار فكري بشكل جدي 
هاد وانت لسا مخطوبة 
مش حابة انصحك تفسخي خطوبتك لكن بعد شوي اذا صرتي ببيته كيف بده يعاملك
فكري بشكل عقلي وابعدي عن العاطفة 
هاد زواج وحياة