حبيبتي اسمحي لي مب غلطة خطيبك هذي غلطتك المفروض تثقلين وتتغلين عليه المفرووض من هنا الى الزواج مب انت تتصلين عليه هو اللي يتصل عليك بالكثير ترسلين له رساله لو حسيتي انه ابطى عليك
ان كان رد عليك الحمد لله وان ما رد بيرد عاجلا ام اجلا

بس ترى ما ينفع كذا اذا استمريتي تقطين حالك عليه بيرخصك ويزهد فيك
اسفه ما ودي اقسى بكلامي لكن من جد لمصلحتك

اتبهي على نفسك واثقلي لا عاد تتصلين ولا ترسلين خليه هو يكلمك
واذا كلمك لا تشرهين عليه خلك عاديه ولا كأن صار شئ بس لا تبينين له انك زعلانه عليه ولا انك مره مشتاقه له
قولي له هلا حبيبي زمان عنك والله كيف حالك الخ ... بس لا تبينين له انك ميته عليه
ترى والله لو استمريتي تقطين نفسك عليه وهو يصد عنك ممكن توصل للطلاق لا قدر الله
خليه كذا يرتاح شوي هو من نفسه بيجيك
ترى الرجال اغلبهم كذا طبعهم ما يحبون المره اللي تتلزق فيهم

صح انو حتى هو كان يلزق فيك لكن لما شافك متعلقه فيه مرره زهد فيك
هم كذا الرجال طبع اغلبهم يحبون اللي تتغلى

اعيد واكرر اثقلي وتغلي وبيلحق ورااك
من هنا الين ما تتزوجين خلك ثقيله وحتى بعد الزواااج لا تحسسينه انه كل شئ بحياتك وانك ما تعيشين بدونه
ترى والله بيرخصك ويدور غيرك ووحده اثقل منك

وانتبهي اذا كلمتيه تجيبين له طاري :
- انت متغير
- وينك ما شوفك
- ياربي متى بنتزوج
- الخ من العبارتا الي تحسسه انك ميته عليه


ادري انت ميته عليه واحس بشعورك وفاهمته بس لو استمريتي كذا من جد راح يرخصك
الله يرده لك ردا جميلا ويصير هو اللي يدورك ويحلق وراك
اللهم امين وصلي اللهم على محمد

الله يعينك

الله يصلحك حاسين فيك بس استغرب منك لاااااااااااااااااااااصقه بالرجال وتبينه يشتاقلك اعذريني ع هالكلااام حطيت نفسي مكان خطيبك وربي انك ثقيله وا طفشين ترا الرجال مايحبون كذا ابدا انتبهي لنفسك

اذكر ايام ملكتي كنت اخذ شهر وشهرين مارد على زوجي جننته قام يرسل علي زوجه اخوه تحاااول فيني ارد ومو بس كذا كنت سنه وكم شهر مملكه ولا عمري دقيت عليه الا مره او مرتين بس داااايم هو اللي يدق قسم بالله بغى ينجن لدرجه بغى يقدم موعد الزواج

شفتي ترا هذا كله من الثقل بس خليك ثقيله بسنع وبذرابه ولاتزعلين تراهم مايحبون الزعوله ولاتصيرين حساسه

واعذريني على صراحتي عزيزه وغاليه فديتس

يا غاليتي كل الرجال زي كذا احيانا يمرون بفتره من الفتور ينطوون على انفسهم هو ما قل اهتمامه فيك لانه مل بالعكس هو يمر بفترة نقاهه اتركيه على راحته يعيش مثل ما يبغى و شوفيه بعدين يرجع و الله احسن من اول و يكون مشتاق لك بالحيل ..
سبحان الله كأنه لما كان معاك استنفذ طاقته و الحين كأنه يشحن اصبري عليه انتي شكل صبرك قليل ..
فيه كتاب راح ينفعك في المرحله هذي اشتريه و اجلسي أقريه راح تستفيدين منه كثييييير..
اسم الكتاب : الرجال من المريخ والنساء من الزهرة...

الاهتام حلو بس الثقل رزه يعني اسالي عليه وكلميه بس مو كل يوم بعدين الرجال يحج يعني مرررررررره مشغول وتلاقيه الحين

تعبان ومرهق لا تدقي عليه خليه لين يتصل هو عليك والله يبعد الزعل عنكم ويديم المحبه