خطيبي هددني بعد ما ذكرت له موقف عن زواجي السابق

السلام عليكم ورحمة الله


اخواتي انا حاليا متوتره حيل ومدري شسوي ، اول شي انا تزوجت سابقا لمدة سنة وطلبت الطلاق بسبب طليقي واهله حسبي الله عليهم تعبوني بحياتي .. وبعد 3 سنوات من طلاقي تقدم لي رجال ما سبق له الزواج وقبلت فيه وملكنا انكتب كتابنا قبل اسبوعين والحمدلله مرتاحه له ومرتاح لي لكن حصل موقف امس كنا نسولف وذكرت له موقف صار لي بزواجي السابق يعني ما ركزت بكلامي وطلعت السالفه بدون قصد وقبل ما اكمل كلامي كله قاطعني وقالي اسمعي انا بقولك هالكلام مره وحده وما بعيده ! حياتك السابقه اعتبريها كابوس او حلم سيء وصحيتي منه ، مو يقولون اذا حلمت بكابوس تعوذ من الشيطان ولا تقوله لاحد ؟ ابيك تسوين كذا بخصوص حياتك السابقه واعتبريها كابوس ولا تذكريها لاي احد وخصوصا لي انا وانا عن نفسي ما بسألك عن زواجك السابق .. انتي الان معي وانتي مقبله على حياة جديدة واعتبريني اول زواج لك .. حسيت انه زعل او تحسس كثير مع اني ما قلت شي يثير حساسيته بهالشكل ! رديت عليه وقلت له بس عشان تعرف عني كل شي ، قال انا ما تزوجتك الا وانا عارف عنك كل شي ومقتنع فيك وشاريك ونقطه نهاية السطر ، حتى ما كمل قهوته وقال عندي شغل الحين ومشى وهو اصلا ما كمل ساعه من جاني امس ! تضايقت كثير وبنفس الوقت انقهرت حسيت كأنه يهددني وقهرني اكثر لما قام ومشى .. وش اسوي بالله عليكم يابنات