السلام عليكم ورحمة الله وبركاتة
تخيلوا هذي ثاني مره اكتب موضوعي
كتبتة وخلصت طفت الكهربه وفصل اللاب وراح
المهم استعنت بالله
أسمعوا سالفتي قصدي إقرئوها :rolleyes:
انا الحمد لله مملكة لي تقريبا5 أشهر
علاقتي اناوخطيبي رسمية جدا جدا وهو السبب في هالشيء
مع ان ودي ووده نقرب لبعض ونفهم بعض اكثر
بس مشكلتنا نكابر وهويقول انه يستحي بس خجله مره قوي
لدرجة انه يقصر بحقي وتجي مناسبات مايكلمني ويتحجج بالخجل
هو نوعيتة غريبة مع الإهتمام او المدح اوالكلام الزين
موشرط كلام حب اسلوب حلو مثلا اي مبادرة زينه مني
تخيلوا احسه يقلب علي يطنش يشوف نفسه ويسحب علي سحبه أليمة ليش ماادري سبحان الله
التطنيش والثقل جربته معاه ماجابه لدرجة اكثر من شهرين ماسمعت له حس ولاخبر
انا طبعي ثقيله مرره بس حاولت اني اكون متوسطة شوي معاه
المهم طلب البن حقي واضافني عالبلاك
على طول قال لي ابي كل يوم نتواصل مانفترق ابداا
قلت ان شاء الله
سولف معاي مرتين اسلوبه حسيته يحبني من كلامه بس مدري صدق ولا لا
تعرفون الرجال يحفظون كم كلمه ويقولونها وسبحان الله كلامه مايوصل قلبي
ولاالمس فيه صدق ماادري ليه
قالي انا سعيد بوجودي بحياتك
قلت وانا بعد
قالي كنت متأكد من الكلام هذا :blink:
قلت وش خلاك متأكد
قالي قلب المؤمن دليلة
عنده ثقة موطبيعية
:D
صراحه اني مااحبه
وسألني عن شعوري تجاهه
احترت وش ارد عليه
لو قلت احبك ولامرتاحه لك ولاابيك مااحب اكون خفيفة واعرف انه بكبر راسه
وغير كذا مااحس بشيء اتجاهه ابدا بس مرتاحه الحمدلله للموضوع
وان قلت لا ماحسيت بشيء تجاهك ولاماحبيتك للحين وقلت الصدق بيزعل ويتحسس
بعدين قلت احرجتني وسكت مارديت صرفت :tongue3:
الحين بعد ماسولفنا وقربنا لبعض شوي قام يسوي حركات ترفع الظغط
:wink:
صار لايرسل ولايسولف ولا شيء صنم عندي واخر شيء سوى فلم هندي
مسوي الشبكة عنده ضعيفة ومايقدر يراسل احد وقعد كم من يوم مومتواجد
وانا عارفه الحركات ذي وكبدي حايمه موناقصته
يعني بخليك تتعذبين وتشتاقين لي
:11retcher
بعدين كلمني ولاعرف يجيب عذر
وانا كنت شاكة قلت يمكن جواله خربان بس تلعثم وبان عليه انه قاصدها
طيب ليش اللف والدوران
صراحه تصرفاته تحز بخاطري وتتعب نفسيتي لأني خايفه من الزواج
وانقهر منه جالس بلستتي بس يراقب وساحب علي طيب ليش تضيفني
المشكلة انا في البلاك احب اخذ راحتي افرفش اضحك احط صور هبال ضحك اخذ راحتي مع اخواني مع صديقاتي اسولف بالبروسونال
بس صديقتي تقول انتبهي خليك رزه قدامه وحطي صور كيوت ولاترسلين له برودكاست ولاتغيرين صور كثير
:angry2:
كيف اتعامل معاه اجذبه لي من غير لايشوف نفسه ومن غير لااكون خفيفة بنظرة اتمنى افهم شخصيتة قبل الزواج مااتخيل بكون مع انسان مااعرف عنه شيء
كيف اتعامل معه في البلاك اكون ثقيلة زي ماقالت صديقتي
ولااكون على طبيعتي وسجيتي وماعلي منه
وش اسوي اتكلم معاه واتجاوب مع كلامه وحبه\
هوكل كلامه اني مرتاح واحبك ومدري وشو مايعرف يسولف
ولاابين له مشاعري الحقيقية انه عادي عندي وماحبيته
حيرني تعبني وجاي يقهرني في البلاك بعد كنت مرتاحه منه
صراحه البلاك والواتس ماتصلح للملكين اسمعوا نصيحتي
تجيب مشاكل وشكوك الي تملك لاتتواصل مع خطيبها من خلالها
بالذات الواتس لانه بيراقبك طول الوقت
:06:
لاوحده تجي تقولي عادي ترا والله الحركات ذي تقهر بالذات لوجات بإسلوب غامض
وتحسين انك موفاهمه شيء ولافاهمه ليه يسوي كذا تحسينه يقهرك وساكت
طبعا في اشياء كثيرة ماقلتها ومواقف له من اول لايتسع الموضوع لذكرها
الله يسامحه بس ماحبيت اطولها عليكم اختصرت السالفه في سطور
المهم ياصبايا عطوني مشورتكم نصايحكم الي عندكم هاتوه
بس الي عندها رد محبط جارح الله يسعدها لاتكتبة
:26:
جزاكم الله الجنه ورزقكم رؤية وجهه الكريم والي ترفع الموضوع الله يرفع قدرها في الدنيا والاخره
:icon35:
يلزم عليك تسجيل الدخول أولًا لكتابة تعليق.
يسعدني اكون اول من يرد لكن شوفي حبيبتي انت عطيه مهله يصلح فيها اسلوبه وقوليله ووضحيله هالشي انو انتي مو مرتاحه لاسلوبه واختبريه يمكن بيطلع له قلب وبيحس وبيتغير للافضل والله يوفقكم
السلام عليكم قلبي خليك ف البلاك على طبيعتك وكذا هوا رح بشوفك مؤ مهتمه ورح يرجع ابصم لك بالعشرة وعادي اهرجي معاه كيفك طيب اسألي عنه وخلاص اما انك تثقلين وتغير ين علشانه ليه كذا من البداية تمحي شخصيتك والله يوفقكم وادعي اذا فيه خير الله يتمم على خير
احذفيه من البي بي واذا سألك قولي سويت فورمات للجهاز وانمسحت .. الله يعينك اعرفي مشاعرك ناحيته قبل الزواج وحطي ببالك انه ممكن يكون هذا طبعه وشوفي هل تتحملي حياه زوجيه بهالشكل
الصفحة الأخيرة
ربي يفرج همكم ويصلح مابينكم
ادعي الله واستغفري وبإذن الله يتغير