بنات ترا باصيح اللحين


قطعتوا قلبي عليه كلكم تقولون مسكين


ياربيه

بس انا مادري وش في نفسيتي اذا كلمني ودي اصكرها
واذاماكلمني اوله عليه واحتري اتصاله

وهالحاله ماجتني الا من عطلت

مادري عشان قرب العرس وتوترت مره

خاصه اني باروح عن الرياض والسعوديه كلها

او مادري وش بلاي؟؟؟؟؟



والى الان والله مادري وش اقول احس مو متهيأه ابد اني اشوفه
ودي بس اشوف وش الهديه :)


واختي دانه انتي فاهمه الموضوع غلط
هو رجلي عاقد علي
بس انا لما اقول خطيبي مو معناها خطبه بس
لكن ماحب اقول له زوجي احس انها كبيره عليه ماينطقها لساني


وبالعكس انا كنت ايد المكالمه والحمدلله اني صرت اكلمه لاني فهمته مره وفهمني مره
ولازم نفهم بعض لانا بنعيش في غربه مو بكره اتفاجا باشياء عجيبه فيه

صرت انصح كل صحباتي بذا الشئ
وان شاء الله تفهمي قصدي كوووووووووووويس


واشكر كل اللي ردوا علي من اولهم الى اخرهم الله يوفقكم ويسعدكم ويهنيكم ويحقق لكم امانيكم ويجمعني بكم في اعلى جناته يااااااارب
وسامحوني لو مارديت لكل وحده باسمها لاني حيل تعبانه

العصر في السوق
وبعد العشاء
بس حبيت اشوف ردودكم واقتراحتكم

ولكم تحيييييييييييياتي

حبيبتي سوي اللي يريحك
لاتغصبين نفسك على شيء
لأنك انتي لوكنتي مكانه مارح يغصب نفسه على شيء هو
(قبل شوي راده على وحده عكس حالتك تمام)
إذا ماودك تشوفينه قولي له لاتجي أهلي يتضايقوون
وإذا تبين تشوفينه ترى مافيها شيء
وانتي تقولين انه المكالمات تخليك تعرفينه أنا أقولك ما أظن ما أظن ما أظن
فترة الملكة تبعد بين الزوجين عن الحقيقه وماتقربهم(عن تجربتي)

الله يوفقك ويهنيك

اختي هنادي اذا كانت هذي اول مقابله بتكون بينكم بعد الملكه طبيعي تكونين متخوفه منها وماودك انه يجي ،، وصدقيني ان شاء الله بعد مايزورك بترتاحين كثير واذا راح ودك انه جالسه اكثر وبتتغير اشياء كثيره عندك وحتى مشاعرك تجاهه بتوضح
صدقيني مريت بنفس تجربتك وماكنت ابيه يجي لدرجة اني كنت اتصلح وانا شوي وابكي بس بعد ماجاء وجلست معه ارتحت الحمدالله كثيررررررررر
نصيحه خليه يزورك

آآآآآآه ذكرتيني بالذي مضى والله العظيم ايام الملكة احلى ايام حياتي وللحين انا وزوجي نتذكر ذيك الأيام، والله اناانصحك تستقبلينه احسن استقبال وحتى لو ماودك انه يجي حاولي تصطنعين انك مشتاقه له مرررررررره،اصلا المفروض تفرحين انه يجي يبغى يشوفك هذا الدليل انه يحبك و(انتبهي ترى مافيه اقسى من صد الحبيب )بعدين ينكسر خاطره منك ويصير يصدك بنفس الطريقة والله ان تنهبلين.

اختي طمنينا وش قررتي ووش راح تسوين؟