خطيبي وطبعه

والله ثم لله يابنات اني انغشششششيت
دايم دايم اسمع ايام الملكه احلى ايام ايام الملكه لاتضيعينها
كنت
اسمع واشوف صديقاتي كيف رجالهم
اول ايام الملكه كيف دلع كيف مكالمات
انا تملكت على شخص من قرايبي من بعيد
ع حسب ماسمعت هو اللي يبيني
انبسطت خاصه انه هو اللي يبيني قلت بس
انا انسانه حالمه وخياليه احب الرومانسية
بين الزوجين حرمت نفسي من الحرام والمغازل
عشان احصله بالحلال وعشان واستنزف مشاعري
على علاقات حرام
لكن انصددددددمت بالوضع
طبعا المفروض الحين انا ببيتي
لكن بسبب كورونا أحلنا لي ٩ شهور تقريبا
مملكة اقسم بالله بكل ٩ شهور هذي مكالماته
تنعد ع الاصابع
غير كذا انا اللي دايم أبادر ادخل عليه سناب او واتس
اسالً عنه اقوله اشتقت لك
وحشتني تتغزل بشكله لما يحط صوره
عمره مافكر يدخل هو علي
ينبسط وأحس انه مره ينبسط ع المدح بشكله
لكن ابد مايبادر
الا ببدايه الأشهر كان ع الاقل شوي لما ادخل عليه
يسولف يقولي كلام حلو
الحين !!!!!! ابد
الا بس اذا شافني طالعه مصوره كوفي
او شي كتب بالعافيه وكذا
إنسان مانييييي فاهمته احس فيه فصام
مره يحسسني اني اقرب له من اي شي
ومره يحسسني اني ابعد له من اي شي
احيانا لما ادخل عليه سناب واتس ودي اسولف معه
يسلك لي بضحكه او فيس ولا يرد على كلامي
كان مالي خلق لك يعني
والله العظيم تعبت وانا ادرس شخصيته واكتشفت
من نفسي قبل اساله انه من برج الجوزاء بقولكم سلبياته
وعطوني حل لان احس اني بنفجر
مايعبر عن مشاعره ابد اسحب الكلام منه سحب
لعاب شوي اكثر من مره احصل
عنده بنات بأكثر من برنامج لكن مافي بينهم شي
بس انه يحب كلام المدح اللي يجيه منهم خاصه انه وسيم
احيانا لما يكون رايق وادخل عليه يقولي احلى كلام
وفجاه لو بكلمه بالليل او الصباح من بكرا
إنسان وشخصيه ثاني نهائي !!
مزاجي جدا جدا
متقلب
مره تحسه اقرب من شي
ومره ابعد من اي شي
هو فرق عني بالشكل يعني اجمل مني بكثير
وهذا اللي مخوفني انه شايف نفسه علي
او ماني عاجبته مع انه هو بنفسه راضي
والله اكره نفسي لما اشوف البنات رجالهم اللي
يلحقونها وهم يتغلون وانا العكس كل مره
اكلمه فيها ولا يعطيني وجه احلف اني ماكلمه
ولا ارسله لو ان شاء الله نجلس سنه كذا
لكن أضعف ماقدر استمر
او اول ماشوف حاط ستوري لازم اعلق عليه
وهذا وضعي معه تكفون بنات وش الحل احيانا
افكر بالانفصال بس الولد ماينعاف يعني
ماشفت عليه ذاك الشي الكبير حتى اهلي
بيقولون وش شايفه عليه لىوً قلت مابيه
بس انه
إنسان غريب
ماني فاهمه شخصيته ابد ابد
كل يوم بشخصيه انا ابيه يعاملني زي اي اثنين
متملكبن اذا زوجي ماقالي كلام حب بهالايام متى يحصل
الشي ذا?
تعبببت نفسيتي من اطباعه صديقتي تقول
لاتعطينه وجه اسحبي عليه لكن لين متى
زواجي لسى مطول بعد ٣شهور حددو تقريبا
ودي أعيش فتره الملكه اللي باقيه لي بس كيف 😭