الله يستر من ذول الرجاجيل

انا مرات أفكر أقاطعه لحد ما يقرب موعد الزواج لانه بعده كثير

بس أكون مترددة كثير

خاصة وأنه يزعل كثير لو ما رديت عليه ولا كلمته

وفي نفس الوقت أخاف يمل مني لانه بعدني على الأقل سنة على الزواج

مااااأدري إيش أساااوي

أفيدونييي

على فكرة أنا مخطوبة = مالكة = يعني على سنة الله ورسوله

يعني أبي منكم خطة ذكية بحيث أني أقاطعه من غير ما يزعل

والله يعيني على هالشي

عطوني أفكاركم الحلوة

عذراً اختي أم القمرين إذا خرجت شوي عن الموضوع........

والله والله والله يابنات اني ماشفت زوجي الا في القصر لما دخل ياخدني رغم اننا مملكين قبل الزواج باسبوعين ولا كلمته ولا حتى النظره الشرعيه
وانا اشوف كدا احلى وامتع وشهر العسل رووووووووووووووووووووعه وتتمنينه يرجع

بالنسبة للمالكات فترة طويلة مايكثرووون من الطلعات مع بعض

حتى يكون هناك شووووق اكثر لبعض

واذا سالفة الملل راح يصيبهم فهذا ملل انه الرجال يستعجل الزواج
ويبا يستقر مع زوجته
مب معناته انه راح يمل منها لا
والله يرزق جميع البنات بالزوج الصالح

حبيبتي
المعروف فمعظم دول الخليج انج اذا قلتي خطيبي يعني (متملكة) لان اكيد ماراح تتكشخ وتكلم خطيبها الا اذا كانت متزوجين شرعا..
والوحدة اتقول خطيبي عشان تبين انها للحين ماتزوجت يعني مب معاه فبيت واحد..
وفهالحالة اذا كانوا متملكين يعني لاخطيبها ولا زوجها .. شبيكون؟؟؟
وتسلمين على الموضوع وعلى غيرتج على بنات حواااء :27: