منووله22 @mnoolh22

عضوة فعالة

خطيبي و اخوه و الفلووس

بسم الله الرحمن الرحيم
السلام و عليكم و رحمة الله و بركاته
بنات انا مخطوبه (مالكين ) و خطيبي عنده اخ وحيييييييييد متزوج و عنده ولد و ابوهم متوفي الله يرحمه.. القصة انه لما توفى ابوهم كان خطيبي صغيير فصار كل شي باسم الاخ الكبير و صار هو المتصرف بكل شيء و بدأ يتاجر و خطيبي اللي هو اخوه كان يشتغل معاه و ماسكله كل شي من و هو بذر لما كبر و خطبني و ملكنا قال لاخوه انت عايش بدبي انا ابي انفصل بنصيبي و اكمل حياتي مع زوجتي اخوه مارضى لان اخوه الله يهديه يحب الفلوس و مصلحي على الاخر و ما كان موافق ان اخوه يخطب لنفسه كان يبي هو يزوجه وحده غنيه مثلهم و للمعلوميه خطيبي اعز اصحاب اخوي الكبير و الان مو راضي يعطيه المهر و لا مصاريف الزواج و لا رضى يعطيه شي من فلووسه اانا ما زعلت قلتله الله بيعوضك خير و مهما صار هذا اخوك الكبير و خلينا نبدأ من الصفر انا راضيه اعيش معاك على قدك ما عندي مشكله ابدا.. و المشكله اللي بيني و بين خطيبي انه عنده اوراق اذا وداها المحكمه بيقدر يخرج فلوسه من اخوه بس انا ما رضيت و زعلت منه و قلتله لا تسوي كذا هذا مهما كان اخوك خلاص خليه ياخد كل شي بالعافيه عليه اهم شي ما تعاديه و ربنا يكون راضي عليك و هو زعل و قال اني ما افهمه و اني واقفه في صف اخوه و وصلت معانا للطلاق و انا كمان قلتله لو انا سبب المشاكل اللي ما بينكم خلاص طلقني و هو قهر كثييييييير من الكلمه هذي و قاللي يعني من اول مشكله كبيره تبيعينا و تتخلي عني و فراقنا سهل عليك لدرجه هذي خلاص بسوي الي تبيه و طنشني....
تكفوووووون بنات اعطوني حل
فهموني انا غلطانه بتفكيري و الا صح ترى بهدم بيتي قبل ما ابنيه :(مع العلم ان خطيبي طيب و حنون ما شاء الله و لا قوة الا بالله و يحبني و انا اموت فيه و متفاهمين بس ما ادري اش حصل..
الله يوفق و يسعد كل من ترد علي و لو بدعوه دنيا و اخره ياااااااااااااااارب و يحرم ايديها النار

لا اله الا الله محمد رسول الله
سبحان الله بحمده سبحان الله العظيم

يلزم عليك تسجيل الدخول أولًا لكتابة تعليق.

تسجيل دخول

coco@nana • 13 سنة

وش عليك منه ومن اخوه تزعلينه وتطلبين الطلاق عشان اخوه الي مايبيك قولي لخطيبك انا مابي افرق بينكم بس لا تطلبين الطلاق

جوجله • 13 سنة

من جد وشلك وش اخوه
اخوان بتصافون
انتي اطلعي من الموضوع وقولي انتوا اخوان تتصافون
وخليني بعيد عنكم وقوليلة سوي اللي انت تشوفه لاتتدخلين بحياته
وتخربين حياتك عشان شيء خطيبك شايفه اساس الزمن هذ1 صار زمن المادة
وهو ماطلب الا حقه ومن طلب حقة ماظلم

جنوني غييير • 13 سنة

خليك بعيده عن المشاكل
وهذا اخوه وهو حرمعه ويتصرف بكيفه
انتي حاولتي تدخلي شوفي ايش صار فالافضل لك تبعدي عن المشاكل
والله يهديهم ان شاء الله

M.H2110 • 13 سنة

اذاله حق عند اخوه الله يحب المومن القوي

و انتي خليك بعيده دام هو ما صلح حرام او غلط سانديه بمعنى لا تقولي له لا تاخذ حقك و حلالك و هو له
و اذا تبغين نصحيه حاولي تكوني طرف بعيد و محايد

a7la-nasy • 13 سنة

ايوه صراحة رايك وكلامك غلط

هذي الفلوس تعب واشتغل فيها
ونصيبه من ورث ابوه

تقولين له لاتاخذها مانبيها
اوكي نيتك خير وانه ماتبين الاخوان يتفرقون

بس لو الاخو الكبير مافيه خير وبياكل حق اخوه
لاخليه يتشرشح في المحاكم احسن

انا اقول دقي عليه وراضيه
وعاد مو بداية حياتكم وكل كل كلمة والثانية طلاق وماطلاق
مو بزينة هالكلمة حبيبتي تكرري وتزيدي فيها عند خطيبك

ومثل ماقالوا البنات اطلعي من الموضوع وابعدي عن المشاكل

الله يوفقكم وايا بعض