السلام عليكم حبيباتي ..
انا اليوم يايتلكم و طالبه مساعدتكم .. يمكن اطول عليكم بالموضوع بس استحملوني و الصراحه من يوم اشتركت في هالمنتدى و انا احس ان احسن بنات فيه و الحمدالله الكل متعاون و يحب الخير و ينصح لوجه الله و انا محتاجه وقفتكم معاي خواتي ..
انا مخطوبه لشخص احبه حب لو اوصفه ماراح تكفيني العبارات والجمل ..
في بداية حياتنا مع بعض اعترفلي في بعض الامور اللي خاشها عني و اهي عن علاقه قديمه له مع وحده قريبته و هالعلاقه لم تتعدى النظرات و اسلوب التمييز اللي كان يتصرف معاها غير عن باقي بنات اهله .. و الصراحه هالبنت خلقت بينه مشاكل لكن الله رحيم و خلصني منها و يالها ولد الحلال و تزوجت و افتكيت الحمدالله ..
لكن المشاكل اللي كانت تسويهم لنا خلت نفسيتي تتأثر وايد و صرت اشك وايد و الصراحه معذوره لانه وايد شغلات خلتني اوصل هالمرحله ..
و في شي ثاني ان انا طبعي هاديه وايد و ما ارد على احد حتى لو اذاني او جرحني اكتفي بالسكوت .. و مثل ما تدرون مافي علاقه تخلى من المشاكل حتى ان كانت بسيطه .. لكن كثرة السكوت و التسامح يخلي الطرف الثاني يتعود انه لو مهما غلط انا راح اسامحه .. و فعلا صارت مواقف وايد تجرحني لكن كنت اسامح و ما فكرت اني افركش الخطوبه .. و قلت هذي مشاكل بسيطه ممكن تتعدل ..
و مع مرور الوقت صرت احس بأهانه .. طبع خطيبي انه لو عصب و انا جادلته بالكلام او حتى قلت وجهة نظري يجرح و يعصب اكثر .. و انا الصراحه احس انه الغلط مني في البدايه كنت لازم ما اسامح لمه يفرض رايه بدون نقاش او لمه اسامحه على اهانته لي .. مع انه يقول الكلام و بعد فتره يرجع ولا كأنه في شي و احيانا يبجيني من الكلام و نسكر الخط و يصير اليوم الثاني يتصل و عاااااادي ولا كانه صار شي و يكون مشتاقلي و يسولف ويضحك و احيانا يزورنا اهو و امه او اخته و يكون متشوق انه يشوفني و ينسى اللي صار امس او يتناسى البهذله اللي سواها فيني وقت اللي معصب ..
هالشي وايد صار ينرفزني لدرجة ان اخر فتره قمت ارد عليه .. اهو ماتعود على هالشي مني .. بس انا قلت ما يصير اسكت و اهو يهيني لاني اعتبرها اهانه الصراحه .. يعني الانسانه اللي تحترمك و ما تغلط عليك ولا تجرحك انت تهينها بأسلوبك الجااااااااف وقت العصبيه و تحسسها انها مجبوره تتحمل لو تبي تعيش معاك لانه بكل بساطه يقولي هذا طبعي و ما اظمن اني اقدر اغيره :icon33:
و لمه اقوله اذا انت ما تبيني خلاص ماله داعي نكمل و نملج في العطله و خلينا كل واحد يروح بحاله .. يعصب علي و يقولي انا ماقدر اعيش بدونج و انتي كل شي بدنيتي و انشالله بعد الزواج لو عرفتي تتصرفين معاي و تمتصين غضبي ماراح تسمعين الا اللي يسرج..
بس انا تعبت و صارت سالفه قبل يومين و انا طينتها الصراحه و اليحن ابي تقولونلي شسوي :(
صارله فتره يخفف مكالمات معاي بسبب انه تعب من هالروتين و يبي اهلي يستعيلون في سالفة الزواج لكن في شوي عقبات مخليتنه ننطر لي الصيف و اهو ماخذ بخاطره مني بسبب هالشي مع ان القرار قرار اهلي مو قراري و انا حاولت لكن اكيد ماراح اسويها مشكله مع اهلي و اهمه لهم نظره معينه اكيد و كل تأخيره فيها خيره لكن هو ماخذ بخاطره شوي مني على هالسالفه و يوقل ان ماله داعي ننطر اكثر و صار يتجنب يكلمني نفس قبل عشان يتجنب الخلافات اللي صارت وايد اخر ايام بسبب تدهور نفسيته و نفسيتي ايضا و انت عارفين سبب تدهور نفسيتي و الحين عرفتو سبب تدهور نفسيته المهم
كنت قبل بومين اتكلم معاه عن تفاصيل العرس و جذي .. فاختلفنا بالراي بشغله اهي من حقي انا اقرر شلون ابيها تكووووون لاني انا العرووووس و ملكة الحفله .. فلمى ما عجبه الوضع قطع كلامي بطريقه فظه و مو حلوه و قالي خلاص انا ابي انام .. طبعا اهني الشكوك ركبتني مره ثانيه و قلتله انت تدور علي الزله عشان تصرفني و تنام ليششش شنو عندك كله تتجنب انك تكلمني و لو موضوع ماعجبك خلاص تبي تنهي الكلام و ما تحترمني حتى و انا اتكلم قالي والله ماكو شي بس مابي اتناجر معاج انتي كل شي تبينه على مزاجج قلتله انا العروس و لازم انا اللي اختار هالاشياء لانها ما تخص المعرس لكن اصر اني انا مجرد اعاند و ابي كل شي على مزاجي و صمم يسكر الخط .. طبعا ما تتصورون قمت العصبيه اللي وصلتها و النفسيه تعبانه وايد و قعدت ابجي و ما اسكت .. اهو متنرفز كان و انا ابجي و ما اسكت فقام يقولي هذا مو اسلوب نقاش البجي خلاص لا تبجين نفس الياهل طبعا هالشي يجرح صح يا بنات ؟؟
قلتله بدال لا تسكتني باسلوب حلو و تسالني ليش تبجين جذي تعاملني مشكووور و ماقصرت .. بس انت لو كانت ضايقه فيك الدنيا جان ما ارتحت ليما خليت حلجك ينشق من الضحك و ارجعك مستانس و بحالتك الطبيعيه ..
جان يقول خلاص انتي نامي و من اصبح افلح .. ما قمت ارد عليه و تميت ابجي من القهر .. جان يقولي صدقيني انا تعبت من الروتين هذا و ابي استقر بس مليت من التلفون .. اهني انا عصبت قلتله لو وحده ثانيه جان صار التلفون عسل على قلبك (قصدت قريبته اللي سوتلنا مشاكل و كنت اكتشف انه يكلمها قبل بوجودي بحياته )اوكيييييييييييييييييييييييييييييييي خلاااااااااااص اليوم اخر يوم تسمع في صوتي و بس ماراح اقبل اهانه اكثر و انا ماقطيت نفسي عليك انت اللي بغيتني و خطبتني و صرتلك احسن شي تبي بس انت اذيتني و تعبتلي نفسيتي و ماتراعي شعوري روح دور على غيري اذا لقييييييت احد يتحمل اسلوبك و عدم احساسك و خلاص اخر يوم تسمع صوتي جان اسكر الحط بويها و طفيت جهازي :(
امس ما كلمني و اليوم نفس الشي لا اتصل ولا مسج ولا شي .. و اخته كانت متصله علي تسأل عني كالعاده بس باين انها ماتدري شنو صار بينه لانه سوالفها نفس كل مره يعني مجرد سؤال عني و شوي و تسكر الخط
الحين مادري شنو اسوي :( انا كله اسامح و ايي على نفسي و الطف الجو حتى لو اهو اللي يكون غلطان بس وصلت حدي و احس انه لو انا بديت و كلمته راح انزل كرامتي لانه مو حلوه البنت تكون وايد متساهله في هالشي خصوصا لمه تيي السالفه على اهانه و انا احس اباهانه :(
قولولي اللي سويته صح او لا ؟ والله اعصابي ماكانت تستحمل و الغيره والشك كلت مخي و هالشي من كثر ما احبه و من كثر ما شفت اشياء في السابق و مأثره فيني لي الحين فمادري شنو اسوي الله يخليكم بنات ادري عورت راسكم و موضوعي طويل وايد بس انا اكتبلكم و انا ابجي من القهر و قلت الحيله و موعارفه شلون اتصرف :icon33:
cherry84 @cherry84
عضوة نشيطة
يلزم عليك تسجيل الدخول أولًا لكتابة تعليق.
tamo
•
أولا شيلي موضوع قريبته من بالك واعلمي أن معظم الشباب قد يكون لهم إعجاب ببعض قريباتهم أو ربما علاقات أخرى وبما أن البنت تزوجت يعني الموضوع انتهى وعلى ما يبدو خطيبك بيحبك وطاير فيكي ومو ندمان ولو بدو ياها كان تزوجها وما منعو عنها شي لأن الرجل لما بدو شي يصمم عليه وينفذه مهما كان الثمن
آآآآآآآآآآخ على حالتي انا لو كنت مكاني شو بتساوي أنا زوجي كان عاقد قرانه على وحدة قرابة بعيدة من طرف أهل زوج بنت أخته وما تم النصيب والبنت الوقحة اللي مو متربية بعدها لهلأ بتزور اهله؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا والأحسن إنو أخت زوجي هي اللي دبرت له البنت وهيي اللي تجيب البنت على بيت عمي لتغيظني على مرأى ومسمع من الكل والواقع أنا أموت كل لحظة وأدعيلها بولد الحلال لكني مستحملة وصابرة وواثقة إنو زوجي بيحبني إنو اختارني بملء إرادته
ثانيا بعض الرجال فيهم من طبع الحدة والتناحة والحل الوحيد لا التطنيش والضعف لإنو يولد اللامبالاة وقلة الاحترام من قبله وكذلك الندية والعناد من قبلك تجعله أكثر عنادا ويحاول يثبت رجولته وينفذ كلامه كل مرة
الحل الوحيد هو شعرة معاوية بيشد معك إرخي والعكس صحيح وخليك واثقة من نفسك هادية لا تتنازلي عن حقوقك مهما حاول يضغط عليكي وليكن النقاش هو الأسلوب الأمثل لحل المشاكل وفهميه من هلأ أن المنطق والقناعة أساس أي قرار أو طلب بتنفذيه
وإذا كان خطيبك من النوع اللي يبت الأمور رأسا لا تفتحي له مجال يعني كوني هادية وطويلة روح ولما ينرفز ويقطع الكلام ويقوللك بدي أنام قولي له ماشي تصبح على خير شكلك تعبان ولما تكون أهدى من هيك اتصل فيني لنكمل حوار بالموضوع لإني ما اقتنعت وهيك بتفاجئيه بردك وبتنهي المكالمة من طرفك وبتفهميه إنو الموضوع مازال مفتوح و ما بيكون معو فرصة يعملها زعل
هالمرة طنشيه واثقلي لحتى يتصل ولما يتصل سلمي عليه عادي واسأليه عن صحتو ولا تجيبي سيرة الموضوع وفي خضم الحديث قولي له صحيح ما كملنا كلامنا السابق وادخلي في الموضوع ولا تتنازلي عن حقك بس كله بلطف ومحبة ودلع
خطيبك طيب وما بيعرف يمثل دوري في إيجابياته وإنتي أطيب بس بعدكم جداد على طباع بعض
على فكرة ليست مشكلة عويصة وبكرة بعد الزواج بيتغير وبيلين بس بدك صبر أيووووووووووووووووووووووووووووووووووووووووووووووووووووووووووب
الله يوفقك ان شاء الله وتفاءلي وعيشي حياتك ولا تقلبيها غم ولما تجتمعو افرحوا ببعض وانسي كل الهموم وبما أن ابن حلال كله بيهون
الله يوفقك يا عمري
آآآآآآآآآآخ على حالتي انا لو كنت مكاني شو بتساوي أنا زوجي كان عاقد قرانه على وحدة قرابة بعيدة من طرف أهل زوج بنت أخته وما تم النصيب والبنت الوقحة اللي مو متربية بعدها لهلأ بتزور اهله؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا والأحسن إنو أخت زوجي هي اللي دبرت له البنت وهيي اللي تجيب البنت على بيت عمي لتغيظني على مرأى ومسمع من الكل والواقع أنا أموت كل لحظة وأدعيلها بولد الحلال لكني مستحملة وصابرة وواثقة إنو زوجي بيحبني إنو اختارني بملء إرادته
ثانيا بعض الرجال فيهم من طبع الحدة والتناحة والحل الوحيد لا التطنيش والضعف لإنو يولد اللامبالاة وقلة الاحترام من قبله وكذلك الندية والعناد من قبلك تجعله أكثر عنادا ويحاول يثبت رجولته وينفذ كلامه كل مرة
الحل الوحيد هو شعرة معاوية بيشد معك إرخي والعكس صحيح وخليك واثقة من نفسك هادية لا تتنازلي عن حقوقك مهما حاول يضغط عليكي وليكن النقاش هو الأسلوب الأمثل لحل المشاكل وفهميه من هلأ أن المنطق والقناعة أساس أي قرار أو طلب بتنفذيه
وإذا كان خطيبك من النوع اللي يبت الأمور رأسا لا تفتحي له مجال يعني كوني هادية وطويلة روح ولما ينرفز ويقطع الكلام ويقوللك بدي أنام قولي له ماشي تصبح على خير شكلك تعبان ولما تكون أهدى من هيك اتصل فيني لنكمل حوار بالموضوع لإني ما اقتنعت وهيك بتفاجئيه بردك وبتنهي المكالمة من طرفك وبتفهميه إنو الموضوع مازال مفتوح و ما بيكون معو فرصة يعملها زعل
هالمرة طنشيه واثقلي لحتى يتصل ولما يتصل سلمي عليه عادي واسأليه عن صحتو ولا تجيبي سيرة الموضوع وفي خضم الحديث قولي له صحيح ما كملنا كلامنا السابق وادخلي في الموضوع ولا تتنازلي عن حقك بس كله بلطف ومحبة ودلع
خطيبك طيب وما بيعرف يمثل دوري في إيجابياته وإنتي أطيب بس بعدكم جداد على طباع بعض
على فكرة ليست مشكلة عويصة وبكرة بعد الزواج بيتغير وبيلين بس بدك صبر أيووووووووووووووووووووووووووووووووووووووووووووووووووووووووووب
الله يوفقك ان شاء الله وتفاءلي وعيشي حياتك ولا تقلبيها غم ولما تجتمعو افرحوا ببعض وانسي كل الهموم وبما أن ابن حلال كله بيهون
الله يوفقك يا عمري
اختي اولا / ليش تكثرين الكلام بالتلفون معااااه هذا غلط لانه يملل ويعطي نوع من الروتين
ثانيا احس انه مو عصبي بلعكس شاريك بس يمكن كثره التماس بالكلام والاخذ والرد صار
يمون عليك يعني ماصار فيه حواجز لااكثر ولااقل ,
ثالثا / نصيحتي لك ان تبتعدي قدر الامكان عنه بحسن نيه لازعل يعني بيني له ان الكلام بيكون له طعم اكثر بعد الزواج , وعموما الاستخاره والدعاء وحسن الخلق هذا ماوجدته واحسسته بك وتحياتي لك #
ثانيا احس انه مو عصبي بلعكس شاريك بس يمكن كثره التماس بالكلام والاخذ والرد صار
يمون عليك يعني ماصار فيه حواجز لااكثر ولااقل ,
ثالثا / نصيحتي لك ان تبتعدي قدر الامكان عنه بحسن نيه لازعل يعني بيني له ان الكلام بيكون له طعم اكثر بعد الزواج , وعموما الاستخاره والدعاء وحسن الخلق هذا ماوجدته واحسسته بك وتحياتي لك #
شيبس ليز
•
اسمعي حبيبتي الرجل على ما تعوديه ...
يعني لا ترخين الحبل كثير عشان ما تتعبين بعدين نصيحه لوجه الله انا لما كنت مخطوبه مستحيل لو يتقطع ما اراضيه اذا صرت انا زعلانه بس ما احاول اني ازعله عشان ما اراضيه<<< شريره جد اشر من سنيوره افندي
اسمعي لا تردين عليه الا بعد 5 مكالمات واذا ارسل رسايل لا تردين علي
واذا قالك بعدين: ورى ما رديتي قولي: كنت تعبانه ومالي خلق اكلم احد
:arb: وراك تعبانه, :( والله طفشانه :angry:
المهم اقعدي كلميه بثقل ولا تتنازلين ابدا واذا عصب وناقشك بصراخ خليك ابرد من الثلج وردي على قد السؤال (عشان ينحرق صح) ويبان اذا كان يحبك او لا
بس يا ويلك مني لو تتنازلين انتي لسه على البر واذا هو ما يبيك انتي بتكتشفين بعد هالمكالمه (صدقيني مجربه بس الحمد لله نجحت معي )واذا هو يحبك صح بيراضيك ما راح ينتظرك تراضينه
صدقينيي كونه ما راضاك لما بكيتي هذا شي مو سهل ولا تحاولين تدورين له على عذر انا ما اقولك انفصلي انا اقولك اكتشفي حبه لك واذا هو فعلا ناسي قريبته والا لا واذا هو شاريك والا لا
الله يوفقك يارب ويكتب لك اللي فيه الخير
لا تنسين تقولين لي وش صار
بالتوفيق
يعني لا ترخين الحبل كثير عشان ما تتعبين بعدين نصيحه لوجه الله انا لما كنت مخطوبه مستحيل لو يتقطع ما اراضيه اذا صرت انا زعلانه بس ما احاول اني ازعله عشان ما اراضيه<<< شريره جد اشر من سنيوره افندي
اسمعي لا تردين عليه الا بعد 5 مكالمات واذا ارسل رسايل لا تردين علي
واذا قالك بعدين: ورى ما رديتي قولي: كنت تعبانه ومالي خلق اكلم احد
:arb: وراك تعبانه, :( والله طفشانه :angry:
المهم اقعدي كلميه بثقل ولا تتنازلين ابدا واذا عصب وناقشك بصراخ خليك ابرد من الثلج وردي على قد السؤال (عشان ينحرق صح) ويبان اذا كان يحبك او لا
بس يا ويلك مني لو تتنازلين انتي لسه على البر واذا هو ما يبيك انتي بتكتشفين بعد هالمكالمه (صدقيني مجربه بس الحمد لله نجحت معي )واذا هو يحبك صح بيراضيك ما راح ينتظرك تراضينه
صدقينيي كونه ما راضاك لما بكيتي هذا شي مو سهل ولا تحاولين تدورين له على عذر انا ما اقولك انفصلي انا اقولك اكتشفي حبه لك واذا هو فعلا ناسي قريبته والا لا واذا هو شاريك والا لا
الله يوفقك يارب ويكتب لك اللي فيه الخير
لا تنسين تقولين لي وش صار
بالتوفيق
اختي شيبز ليز ضحكتيني , هي في حرب معاااااه عشان تسوي كذا ,
لا هذا زوجها مستقبلا اللي ماراح ينفعها غيره وتتقاسم الحلو والمر إلا معاه ,وحافظ أسرارها
وملبي رغباتها , تبغينها تسوي فيه كل هاالثقل لا لا , لانه عنده مليون خيار غيرها يمكن يلاقي
البنت اللي تفرش الارض له ورد ويطير فيها وينسى ان فيه وحده كانت وياه , انــا اقول
استمري يااخت بطيبتك معاه وكوني الصدر الدافي له لان كل هذا برصيدك انت دنيا واخره
وراح مايستغني عنك ابد وتكوني له الملاذ بهمومه وفرحه , ودمتي ...
لا هذا زوجها مستقبلا اللي ماراح ينفعها غيره وتتقاسم الحلو والمر إلا معاه ,وحافظ أسرارها
وملبي رغباتها , تبغينها تسوي فيه كل هاالثقل لا لا , لانه عنده مليون خيار غيرها يمكن يلاقي
البنت اللي تفرش الارض له ورد ويطير فيها وينسى ان فيه وحده كانت وياه , انــا اقول
استمري يااخت بطيبتك معاه وكوني الصدر الدافي له لان كل هذا برصيدك انت دنيا واخره
وراح مايستغني عنك ابد وتكوني له الملاذ بهمومه وفرحه , ودمتي ...
الصفحة الأخيرة
يمكن ماأفيدك كثير
بس من رايي لا ترخي له الحبل لأنه الاحترام أهم من الحب والله أقول هذا وانا واثقة
حبيبتي أنا فيني نفس الشي بس هو الحمد لله محترم وما يحاول يجرحني أبدا
وبنفس الوقت لا تشدي كثير علشان ماينقطع الحبل بينكم وأختي تأكدي من شي انه لو ما حبك كان ما ترك قريبته وتمسك فيك مجرد اختياره لك وتفكيره بك بشكل شريف وعلني أمام الجميع هو دليل اخر على حبه ولكن هناك فجوه في الاسلوب تستطيعين أنت التقليل منها ببعض الحنكة والذكاء والدلع أيضا ولا تعامليه بالندية والله يوفقك
والله أعلم