خطيبي يتابع بنات

السلام عليكم وصباح الخير ع الجميع
أنا قبل اسبوع تقريباً نزلت موضوع اني ملكت ونفسيتي تعبانه بعد الملكة و إن أبوي منعني أكلم خطيبي والخ ...
المهم
أمس من الفضاوة وكثرة التفكير قلت خليني ابحث عن حساب خطيبي في التويتر عشان بعرف شخصيته وكذا لا أكثر والله
وأنا مو من النوع الي يحب ينبش ماابغى اجيب النكد لنفسي صراحه
الزبده لقيت حسابه وفريته كامل ومت قهررررررررررررررر 😭😭😭😭
لقيته يتابع بنات كثييييير بس حسابات بنات عاديه يعني مافيها شي
ومو بس متابعه والله لو متابعه بس كان مشيتها
لا كمان يتناقش مع بنات في أمور الولايه وإنه ضدها صح كلامه محترم معاهم بس انقهرت والله
من القهر امشي في حسابه واقول كل تبن تكفى
انا مااحب هذا النوع الي مسوي فيها مثقف عشان يسولف مع البنات
وعقدتي في الحياه اني اتزوج واحد يحب النساء
وربي حاسه بنار في قلبي وخوف الدنيا انه يكون انسان مو عاقل ، انا غيوره بطبعي وموسوسه ويمكن انجن لو زوجي يكون كذا
وخصوصاً في كم شي ضايقني في الملكة من تصرفاته
قبل لا ادخل حسابه ولا شي وانا استنكرت تصرفاته ماادري بس حسيته يتعامل مع المصوره بكل جرأه وأريحيه وكل شويا يقول لها هاتي اشوف الصور كان ودي اصفقه حسيت ان المصوره جايه له مو لي 🙁
احياناً اقول يمكن هو طبعه جريء
واحياناً انقهر واستغرب لأنه اغلب قرايبنا يستحون من الحريم ولا يحبون يسولفون معاهم >>> ان شاء الله فهمتوني
نفسيتي مره تعبانه وانسدت نفسي عن الزواج
ماادري كيف بتقبله ليله الزواج
يشهد الله انكم زي أخواتي وابغى نصايحكم وخبراتكم لا تقصرون بنااااات