أختي بنت ناس. يعني أنت هل تشعرين أنه يتدخل لاجل التدخل وفرض الرأي.. أم لرغبة حقيقية أو قناعة معينة عنده؟؟
وأيضا: هل يسمح لك بالتدخل والمشورة عليه ؟؟ هل يسعده هذا؟؟
إن كان يسعده ويسمح به .. أن تطلبي منه أمورا خاصة وقد تكون غريبة .. مثل أن يرتدي شيء معين أو يكف عن طريقة ما مثلا .. ويأخذ الأمر برحابة صدر.. ففي هذه الحالة استعدي لأن زوجك من النوع الذي يحب المشاركة مع زوجته في كل الأمور.. وينزلها بمنزلة الصديق.. وهذا الأمر له سلبياته وإيجابياته .. لكن بشكل عام هو ظاهرة صحية وجيدة..

وبعدين هقولك على شيء من الآخر عشان ترتاحي.. لا تسردي له كل شيء.. احكي له الموضوعات والأمور التي يغلب على ظنك أنها ستكون خفيفة وعابرة أو الأمور الضرورية التي تحتاجين إلى مناقشتها.. لكن كل صغيرة وكبيرة لا لا لا

ومن ناحية أخرى لو طلب منك شيء .. قولي حاضر.. (( حاضر تريح التعبان)) كما يقولون
بمجرد ما تقولي حاضر هو سيهدأ.. وتعالي بعد يومين ثلاثة ولا أسبوع افتحي الموضوع بمرح لو لا بد من فتحه.. وإن كان أمر عابر فلا تفتحيه..
يعني لا داعي أن تقارعيه الحجة بالحجة
الرجل فيه خصلة من الطفل إنك ممكن تسكتيه بموافقته ثم ينسى هو الأمر برمته بعد ذلك!!
أما لو تصلبتي أمامه .. وناقشتيه في دوافعه وأسبابه ورفضك لاقتراحه.. هتكبري موضوع قد يكون صغيييييييييييير ولا يستدعى أي اهتمام وقد لا يفتح ثانية
وفقك الله

لا حول ولاقوة الا بالله العلي العظيم..... الله يهديكم ,,, ليش مكبرين الموضوع زياده عن حجمه
الموضوع إلى الآن ما صار مشكله... حتى تشكين في خطيبك انه مايناسبك ....هذا الامر طبيعي جداًجدًا جداً...يعني لو إنك قلتي إن شاء الله لخطيبك ولا كبرتيهاصار الموضوع عادي...
المهم..الله يجزاكم خير حاولوا يااخوات انكم تصلحون وتبسطون الامور لصاحبة الشأن
وليس التشكيك بزوجها...والله يعينك ويوفقك في دينك ودنياك ...آمين

al7zena
تسلمين يالغالية على ردك..واتمنى لك التوفيق..

نسيم الود
والله يااختي عارفة ان هالشي انا غلطانة فيه لاني عودته انه يتدخل فكل شي..

المتغلية
ولايهمك اسالي وقولي اللي فخاطرك..اي اذا ابوي ولا اخوي مشغول اهو اللي يودينا :D
وتراني قلتله ماارتاح فيه قالي بتعودين!!! وهو عمره 22

نرجس
تسلمين حبيبتي على الرد وانشالله يطلع كلامج صح ويتغير بعد فترة..

الغمامة
كلامج صح حبيبتي واكيد في اشياء تسوي مشاكل ولا لها داعي عشان جذي مااقولها

nanci
تسلمين ياقلبي على الرد..

قمرة
انا خطيبي غير يعني علاقتنا مب رسمية عشان احطله حد وكان المفروض اسوي هالشي من البداية بس الحين مااقدر..وتسلمين ياقلبي والله يتمم عليج بخير

سندريلا الجميلة
حبيبتي انا ادري ومتاكدة ان السالفة سالفة غيرة لانه يحبني واحنا خذنا بعض عن حب
الله يسخرلك زوجك ويسعدك يارب..

الشعاع المستتر
كلامج صح ياقلبي والله حيرة نكون اذا قلنا اللي فخاطرنا قالوا لسانها طويلة وماتحترم زوجها واذا سكتنا قالوا ضعيفة وداسوا فبطونا زيادة!!!!

غلا دبي
تسلمين يالغالية على نصيحتك الحلوة مثلك...وانا فعلا كل ماصارت مشكلة توجهت الى الله ومايمر شوي الا والمشكلة محلولة..

ام عبدالرحمن ام تهاني
مشكورة يلقلبي على درج ونصيحتج..

درة النور
لاهو اكيد مايتدخل لرغبة سخيفة وهو في شي فباله..وهو بصراحة يتقبل كل شي اقوله وياخذ شوري فاي خطوة يخطيها تافهة او كبيرة..واشكرك على نصايحك القيمة..

راوية
تسلمين ياقلبي على مرورج وعلى فكرة اسمج واااايد حلو :)

اشكر كل من رد على موضوعي والله يجزاكم خير جميعا..
وحبيت اقولك اللي صار معاي..

انا عشان الموضوع اللي صار قررت اغير طريقتي معاه يعني زعلت بس بنفس الوقت
اذا اتصل ارد عليه وكل يوم اتصل الصبح اصحيه من النوم (لانه يحب اني انا اللي اصحيه) واطمنه علي اذا رجعت من الكلية (لانه طالب مني هالشي واذا ماسويته او نسيته يزعل) بس بنفس الوقت اسوي هذا كله وانا اتكلم جد بدون ماادلعه ولااضحك معاه عشان يحس اني زعلانة ومتضايقة..
وامس فالليل طرشتله رسالة وقلتله اني متضايقة ومااقدر انام(لانه محلفني اذا بكيت او تضايقت او ماقدرت انام لازم اتصله او اخبره) هو دق علي وسالني اشفيج قلتله متضايقة لانك تجبرني على شي ماابيه.. وانا اليوم الصبح فالكية لبست اللي تبيه(وصج انا لبست اللي يبيه عشان اكون احسن منه ولااخلي شي فخاطره)...هو ضحك وانا سالته ليش تضحك قالي لاني احبج موت والله لايحرمني منج بس انا قلتلج البسيه لاني اخاف تبين ملابسج الداخلية اذا نزلتي تحت ونزلتي تربطين وايرات او تصلحين شي (لاني ادرس كمبيوتر) بس دامج سمعتي كلامي خلص سوي اللي تشوفينه يريحج وانا راضي عنج..
قلتله خلص انا جذي ارتحت ولا تخاف انشالله محد بيشوف مني شي غلط ودايما بكون مستورة مب عشان ارضيك بس عشان ارضي ربي قبل ماارضيك..
وخللللللللللللللص ... تعبت من الكتابة :D

يحليلكم.. الله يهنيكم .. والله شكله يحبك .. لاتفرطين به..
:2thmup:
تحيــــــــــاتي ..

كيـــــوده..