خطيبي يخوني الله لايوفقه

السلام عليكم بنوتات شخباركم ؟؟ مالكم بالطويله ... هذي ربيعتي مخطوبه صارلها فتره وكانوا يحبون بعض موت ..((على اساس يعني )) في بداية علاقتهم اعترفلها انه كان على علاقات مع بنات قبل وطلب منها تسامحه وتنسيه الماضي..وهي بدت وياه صفحه يديده ... وبعد فتره اكتشفت انه يخونها :eek: يكلم بنات على النت وحب وحالته حاله .. وسامحته لانها تحبه حيل <<<< اخ ماكنت ادري عنها ذاك الوقت ... المهم..وعقبها بفتره قالها انا اسف بس الشيطان غرني وكلمت بنت لمدة لاتتجاوز اسبوع على الموبايل..بس ماقدرت اكمل وياها ماقدرت اخونج...وبعد زعل وخصام فتره طويله وترجي من طرفه انه تسامحه وانها المره الاخيره سامحته << والله كاسره خاطري...
وظلوا فتره الامور تمام .. لين ما اكتشفت من اسبوعين تقريبا انه يكلم وحده ع المسن والموبايل والله يعلم اذا في غيرها او لا ! هنيه ربيعتي انهارت .. وقررت تنهي كل شي..وفعلا صار ... هو متحسف على مايقول..بس هي مستحيل ترجعله .. بنات ربيعتي في حاله لايعلم بها الا الله .. حبته حب ماتتصورونه هي ماتقدر تسامحه وتبى تنتقم وتاخذ حقها منه..تبى اي فكره حتى لو مجنونه عشان تسويها ..

انا قلت لها تقول للبنت اللي على علاقه وياه الحين عن كل شي..بس هي تقول حتى لو سوت هالشي هو عنده مليون الف وحده غيرها ...

بنات انا حاولت اشيل الفكره من راسها .. بس هي منهاره وتبى اي فكره تطلع الحره اللي فيها .. حاولت اساعدها بس مادري ماطلع وياي شي ...

لاتبخلون علي بافكاركم والله محتاجين لكم ..



عسى الله لايوفقه ويحرم النووم من عينه مثل ماحرم ربيعتي من حلمها ... :06: قولوا امين ...
عساه يذوق كل العذاب الي ذاقته الخاين الواطي