خطيبي يشك فيني واهانني قررت اطلق شورو علي

السلام عليكم ورحمة الله وبركاته

كيفكم يابنات بصراحة انا مرتاحة لكم وابي اقولكم مشكلتي

بحكم ان امي كبيرة في السن وماعندي خوات كلهم شباب وغير كذا انا ما احب اعلم كل شي صديقاتي

ساعدوني تعبت من التفكيييررر

اول شي بدايه الملكه كنا مع بعض سمنه على عسل وكان طيب حييل يابنات لدرجة اني حسيت ربي عطاني فوق ما اتمنى
انسان طيب بمعنى الكلمة وبكون مرتاحة معاه ف حياتي القادمة لكن شاء الله انها انكتت فوق راسي مصيبه

اي والله يابنات مصيبه صار يشك فيني وماعاد فيه ثقة انا غبيه في البداية كان خطيبي يلمحلي على صديقاتي يقولي اختاري صديقاتك بتلميح مفهوم وواضح قمت وقلت له قصدك يكلمون شباب

قالي ايه قعدت ابررله واقوله اغلب البنات يكلمون وحتى لو هي صديقتي يمكن تكلم من وراي وش دراني عنها

ومررت الايام وصار يشك فيني يقولي انا دايم احلم انك تتطعنيني في ظهري ومدري وش وصار شكاك

يقولي اكثر من مرا احلم انك تخونيني قعدت اقنعه انه مستحييل ذا الشي يصير قام ذكرني بالسالفة حقت البنات

قالي وش قصدك ان اغلب البنات يكلمون ومدري وش

يقولي انا مو مثلك احب اربط الاحداث ببعض ،، حاولت اوضحله بس هو مو مقتنع يشك فيني مراا ويقولي كل ما اجي اقفل انتبهي لنفسك وهاتك ياوصايا

هذا اول شي الشك ثاني شي مايحترمني ابد

كل ما ازعل منه ولا مزح اضحك معاه يقفل الخط بوجهي اذا كان بدوامه واكلمه يقولي مشغول ويقفل في وجهي

واذا اتصلت عليه وقت نومه مايعطيني فرصة يقولي انا مشغول اقوله وش عندك يقولي انا بنام اجي بتفاهم معه

يقولي انتي ماتكثر سواليفك الا اذا جيت بقفل والله مايعطيني فرصة على طول يقفل بوجهي

والله يابنات مو اول مرا هاذي المرة المليون الي يقفل فيها الخط بوجهي وبعدين انا الي اكون متصلة عشان محد يقول يمكن ماعنده رصيد

وكل مرة اقول ماعليه وارجع اتصل عادي واعاتبه ويتحجج يقولي انا لمن اقول مشغول تقفلين ومدري وش

ويطلع نفسه من السالفة


اخر مرة يوم الاربعاء خلاااااااص طفح الكييل وربي قطعت نفسي من البكي ابدن مايهتم فيني

اتصلت عليه وقعد يقولي انا مشغول بنام وقمت اعاتبه اقوله ليش ماتهتم فيني مثل اول ماقمت اسمع صوتك

دقايق وتقفل قام قالي بكرة كل يوم يقولي بكرة ويجي بكرة يكلمني دقايق ويقفل وقلت له دايم تقولي كذا وين وعودك
و ابد مطنش وبعدين قالي بتقفلين ولا انا اقفل قلتله تهددني يعني ولا وش قام قالي قفلي بسرعه ولا اقفل فوجهك

ااه خنقتني العبرررة غصصصه يابنات مسكت دموعي وقتها

قلت له عادي متعودة انت دايم تقفل بوجهي موغريبه علييك تخيييييييييييييييلو وش رد علي !!!


قالي والله طيب يللا خذيها وقفل بوجهي ااااااااااااخ بموت من القهر احس اهانني بقوة

دايم اعاتبه على حركاته وان كان هاذا اولها وش تاليها وغير كذا يابنات كل ما اسئلة شي ما يجاوب يقولي بلا لقافة

ما احب كثر الاسئلة راتبه ماعلمني كم راتبه حتى عن دوامه واصحابه مايعلمني ابد يقولي ما احب اللقافة


افكر اطلق لاني مو لاقيه نفسي معاه شورو علي يابنات تكفون

اذا هاذي اولها يطنشني ويقعد بالاسابيع مايكلمني ولايحترمني يقفل الخط بوجهي وكل ماسئلته يقولي مايخصك

وش باقي لبعدين كيف بتكون حياتي معاه

الحين لي يومين بعد ماقفل بوجهي ما اتصلت عليه حتى هو ولاكلف نفسه يتصل يعتذر وش السوات الحين معاه

خلاص طفح الكييل ملييييييييييت كنت عايشة حياتي قبله ومبسوطة الحين كل حياتي صارت نكد بنكد

والله يستر من الي جاي :(

معليش اذا كان الموضوع مو مرتب بس شورو علي بنفصل عنه خلاص ماعاد نتفق اتصل عليه ولا اطنشه