خطيبي يطلب مني دفع الإيجار

السلام عليكم ورحمة الله وبركاته عزيزاتي
بطرح لكم مشكلتي واتمنى القى حل منكم
انا مطلقة وعندي ولدين غير موظفة طليقي اتوفى وراتب التقاعد ينزل لأولادي فقط لأني مطلقه مالي شي ومستأجره ويادوب الراتب يكفي للإيجار ومصاريف وفواتير وسواق فقررت اتزوج بزوج يعينني على امور الحياه وبتربية اولادي ولأني محتاجه رجل بحياتي كل اللي يتقدمون لي معددين اذا تقدم لي مطلق يرفض اولادي او تكون اخلاقهم سيئه فقررت انخطب لمعدد اكون زوجة ثانيه قلتله شروطي انه يوفرلي سكن قال عنده قروض وايجار بيته الأول والتزامات قلت طيب اساعدك بنصف الإيجار قال ماقدر والمهر طلبت ١٥ الف ورفض قلتله ١٠ الاف قلي افكر واردلك ولمن ارد صدمني بكلامه يقولي بعطيك ١٠ الاف مهر ونتي قسميها بين مهر وإيجار بكيفك قلتله وكم حتساهم بالإيجار عند دفع كل دفعه قال ٣ او ٤ الاف على حسب السيوله وقتها واللي فهمته منه انه مايبغا يحدد مبلغ معين. وبعدين مايقدر يلتزم فيه يعني لو جت شهور ماعنده انا اتحمل الايجار لحالي والله عصبت قلتله اللي يبغا يعدد لازم يكون عنده استطاعه يفتح بيت ثاني وانا ابغا زوج يعاوني ويريحني من المصاريف قلتله هاده مال أيتام مو من حقي اضيعه كله لازم اجمعلهم لو شي بسيط ينفعهم لبكره قال انا حعاونك باللي اقدر عليه خايفه اتزوجه وظروفه ماتسمحله واتورط وتصير مشاكل ماليه بينا شوركم عزيزاتي 🌹