خطيب صديقتي واسئلته

بنات صديقتي تملكت
لكن تقول شخصية زوجي
شخصية طفل او متسلط
كيف افهمكم يحاسبها على حياتها
الماضيه يعني يعني صاحبتي عمرها
بدايه ثلاثينات يقولها ليش ماتزوجتي لين
جيتك انا ماحد خطبك قبلي؟
واذا قالت الا
يقول مين؟
بعدين يجلس يضحك عليها
لان صديقتي تعثرت كثير بالجامعه
وانسحبت سنه ونص مدري سنتين
ورجعت بعد الحرمان قدمت
من جديد وهو كان يسالها وش قسمك
ومتىً تخرجتي فلما عرف انها متخرجه
قبل اربع سنين انصدم
قال انتي كبيره كم اجل نايمه سنه بالكليه
ويجلس يتمسخر انه شكلك
نجحتي بالدف وبعدين يرجع يسالها
ليش مافتحتي مشرع
ليش ماتوظفتي
تقول لما اقوله مافي وظايف
يقول عن بعد طيب
او مشروع خاص فيك
تقول حسسني اني بهيمه!!
وكان مو اغلب البنات نفسي
يعني تقول الاغلب البنات اذا خلصو
دراسه جلسو اذا مو متوفر وظايف
هذا عايش بعالم ثانيه
ويحسسها تقول كاني ناقصه
وكاني بهيمه انك ماتوظفتي وش تسوين
او ماتزوجتي ماحد جاك
او ليش ماتخرجتي بدري حتى دراستك متاخره
تقول وصاير يسالني
انه الكل مره بماضي
انتي من حبيتي وكيف تعرفتي عليه
بما انك كبيره تعرفتي اكيد
بشات
او منتدى او بلاك بيري
تقول قلت ماعرف احد قبل
قال كل انسان له ماضي
يعني معقول عمرك فوق ثلاثين
ولا لك ولا علاقه
وبكل امانه صديقتي
كان له بالماضي علاقتين لكن
هبل بنات يعني ماطلعت ىلا شافها
اللهم مكالمات لكن تقول من كثر
مايضغط اني اعترف كانه عارف
يجيبها طريقه غريبه
انه لازم لك ماضي
وشلون مالك مآضي انتي عايشه بكهف؟
يقولها بالله بنات
هالانسان وش وضعه
هي تقول من البدايه كذا