خطيـــــــــــــــــــبتـــي..... خشوا وقولوا رايكم؟؟

عزيزاتي بنوتات حواء وستات حواء<<<<< (جمع ست وتطلق على المرأة المتزوجة)

قريت هادي القصة في أحد المنتديات فلطشتها لعيونكم
لأني ضحكت عليها ضحك ... حتى ماما جات تقول ..إش اللي جرى لك يابنت؟؟؟؟

أتمنى ما تكون مكررة،،،، وتعجبكم ،،،،، وياريت تقولوا لي رايكم فيها

*******************



خطيبتي....

سلام عليكم .. شاخباركم طيبين

مدري وش طق براسي قلت ياولد هات ورقه وقلم واكتب لك روايه<<<امحق روايه.....
بس القصه اللي كتبتها طويله يعني تعتبر من المعلقات السبع<<<اهب وش معلقات .. المعلقات شعر ياخبل
يؤؤؤؤ ا لمهم اذا حسيتوا وانتم تقروون اول ا ربعه سطوور اني اطفش واني سامج صرفوا السالفه واكتبوا يسلمو على القصه الحلوه وانتهت المشكله بس اذا انتم رايقين للقراءه انصحكم تقروون خخخخخخخخخخخخ الوصفه الطبيه التاليه هع هع الموضوع بعنوان:

خطيبتــــــي المثقفه........... بس ترى مو للحين معها خلاص.........طلقتهاااااااااااااااااا ..ههههههههههههه<< كيف يطلقها وهو مااستملك للحين..هههههههههه المهم اسمعوا السالفه؟

كنت جالس في غرفتي واتأمل صورة وائل كفوري واقول خلق وفرق ، هذا امه متنسيه بخصاب يوم انها حامل به والا وش ذا الحمرة الي تقطر ، ياحظه من يوم بيخطب والبنت بتوافق عليه

سري للغايه منقهر لان امه وابوه رايحيين للخبر علشان يخطبون له بنت ناس تجار

لان ابوي يقول لازم نحسن النسل <<< مدري وش دخل النسل بالفلوس لكن الشايب ابخص>_>>_>


والمشكلة ان هالبنت مثقفه مرررررررررة وأنا ثقافتي لايمكن الاتصال بها الآن

والحالة المادية مستتره يعني مدري هي بتوافق والا لا .

شوي الا اسمع صوت بواري سيارة أبوي وانزل لهم بسرعة والقى الوالده يخليها ربي توها بتدخل البيت ، قلت هاه وش قالت وافقت عسى ما قالت ابشوفه قالت امي اصبر شوي خلني ابفصخ بشتي واصفطه لاني مطيبته بدخون عندهم وش زين ريحه وعطني التلفون خلني اكلم ام فهيد اعلمها اني ذقت الكيوي الي يقولون عنه

قلت ياأميمتي والله انتس فاضيه البنت وش قالت عساها وافقت بدون شروط والا ترى بوش بيدبج بيتهم ، قالت امي ايه وافقت لكن بشرط انها تقابلك وتجلس معك وتسألك اسئلة وعلى ضوئها ، تسني قلت على ضوئها ياربيه أحس إن لساني انطلق عقب هالكيوي ، تقرر هي توافق والا لا

قلت طيب ياميمتي معزمة هي ، قالت مررررة هذا شرطها وتقول بعد لازم يكون هالكلام بعد يومين ، بس وش هالبيت عندهم بايكتهم في وسط البيت من كبره وشجر وهالبلاط الي اسمه سناميك تمشي على سناميك ، قلت لها وشو سناميكه يابنت الحلال هذا اسمه سراويس المهم البنت زينه

قالت يقول زينه ياولدي هذه البنات مهوب بناتنا في هالديرة ما تفرقهم عنكم الا بالصلاة في المسجد هذه طول وعرض وشعر وخشيم وعيون قلت يمه بس ترى ما اتحمل قالت لا اجل لو تشوف صهروجهم(الحمام معناه.. لغير الناطقين بالعربيه خخخخ) والله انه ازين من غرفتي نومي ومن زود الطغى حاطين فيه تلفون

قلت يمه الحين أقول علميني عن البنت وأنتي تقولين حمامهم زين ، أقول وين أبوي هو اللي بيعلمني بكل شي وشوي إلا هو داخل قلت هلا والله هاه يابو مشعل<==يتميلح عند أبوه وش رأيك قال والله لو تشوف مغاسل الرجاجيل قلت ياربيه هذه غلطتي إني ما رحت معكم ، بس يالله تقول بعد يومين بتقابلني مهيب مشكله أقابلها بعد يومين وش يصير ،


وانا طالع لغرفتي وتلحقني أمي وهي تقول لحظه وقف شوي ووقف انتظرها وش تبي يوم وصلتني وتطقني في راسي وهي تقول ( حبشه ) وتروح تركض واسمعها تقول والله ما توقف علي <<< فسقانه هالعجيز .الله يخليها لي ويخلي لكم امهاتكم<==حزن سري للغايه.خخخ


المهم رحت لغرفتي أدور لي ثوب زين ولقيت ثوب الدوام ينتواجه به بس المشكله هالشقوق اللي في رجلي وشلون اغطيها مالها الا شراريب بس الشراريب تبي كنادر ، مهيب مشكله حمود ولد جيرانا توه متعين عريف في الجيش وصارفين له كنادر لماع وش زينها اباخذها كلمت ابو حميد وقال والله عندي خفارة ماقدر

جاء اليوم الموعود واكشخ في الثوب والأقلام وأكحل عيوني لأني اكتشفت إن فيها دمل ، وقبل ما اركب السيارة مسكني أبوي على جنب وحط في غالوقتي حبتين ليبتون قلت له وش هذه علشان الحسد وضحك وقال وش يحسدونك عليه هذه وانا ابوك علشان تثقل خابرك خفيف . ركبت السيارة واتجهت للدمام وبعد عناء ساعات مشوار ,,,, وووووو<<<مشوار وإلا فلفله خخخخخخخخخخخ .....احم يلله اكمل

وعلى الوصف لقيت بيتهم طقيت الباب وفتح لي أبوها وهو لابس بشت وغترة بيضاء بدون عقال ويتكلم باللغة الفصحى قال من أنت ، قلت أنا زوج بنتك اللي ما بعد أعرست عليها << الله يذكرك يا فنان بالخير ، قال قصدك بأنك أنت من خطب ابنتي واليوم موعد مقابلتك معها قلت له ( يس ) على بالي فصحى قال تفضل وادخل معه وقال لي تصدق يا بني إنني لم أرى في حياتي قط وقاطعته وقلت وين بتشوف القطو فيه وهذا بيتك؟ تعال عندنا في الديرة من درجة الميانة بينا وبين القطاوة نسلم على بعض ولو انك في السيارة تدق لها بوري....
قال لي عن ماذا تتكلم ويحك؟
قلت له: لا مو لهذه الدرجة انه يحك لك ظهرك إلا كانك مربيه من يوم انه صغير وناظرني شوي وقال ثكلتك امك قلت له اسكت ياخال ما بقي إلا هي اللي ما كفلتني وإلا كل هل الديرة كافليني وتبسم

وقال سادعو لك ريم<==ضعت مع الاسم و حسيت انه درى إني ميح . شوي ودخلت علي ريم وأقوم اتنحنح وأقول رجال رجال لكنها دخلت وصكت الباب ، وش هاالريم كانت لابسه تنوره حمراء وبلوزه بيضاء وعدسات لونين وقالت مساء الخير وأقوم أشاهق و أتكلم تسني بزر يتسبح في برد ، بس فهمت اني اقصد مساء النور وقالت لي وش تشرب قلت لها عصيرطماط << قديم مررررررة وينفتح بمفتاح الصلصة ، قالت وشو هذا قلت ما تعرفينه قالت يعني منجا قلت منجا منجا اتصلت بالتلفون وقالت عطونا عصير منجا المهم

قالت لي: ودي أبدا معك المقابلة

قلت تفضلي
قالت انا اسمي الريم وشهادتي ماجستير في علم الاجتماع

قلت أنا ما يهم جوالي استقبال فقط ولي أربع سنوات جامعه تخصص زراعه للحين ماتخرجت هههه يعني تاريخ وجغرافيا لا تسأليني ما خذناها ،

تبسمت وقالت ما يخالف نبدأ قلت على بركة الله

قالت كم راتبك قلت ألف قالت ايش حسيت إنها زعلانة وقلت ألف وأدور هاليومين على وظيفة أحسن من وظيفتي يعني بصير راتبي فيها سبعه الاف <<< تسذوب ، قالت انت الحين تعرف انه لازم إن نقاطع المنتجات الامريكية يعني مثل الماكدونالديز وش رايك ؟ قلت شوفي إذا هي في استراحة ومع شباب تعرفهم أنا ما عندي مانع <<< احسبها تحسي عن الويك اند كتاب تعلم اللغة الانجليزية في أسبوع حاسني . ناظرتني شوي وقالت طيب باين انك رومانسي أنت تعرف نزار قباني ؟ قلت شوفي الحنفسان انواع والقبان هذا اصغر أنواعه وشلون عاد إذا صار نزرة قبان وش بتجي << وأحط رجل على رجل واثق الولد ،

قالت طيب الدول الاسكندنافية وش رايك فيها ؟ قلت والله شوفي مع العلم انه يجيب لي حرقان لكن نسكافية مع الحليب عادي اشربه قالت طيب الجغرافيا هذه ابد ما تعرفها قلت ابد قالت حتى المناخ قلت لا المناخ اعرفه يصرف لنا ثلاثة الاف ريال كل سنه لكن ان شاء الله بيضيفنا أبوي معه وابشرتس بتصير تسعة ، قالت وش رأيك في العولمة قلت شوفي الأظافر عندي والله إني اقصصها وما خليها تطول عيب والله يوم شفت عيونها تقلبت قلت عن اذنك الحمام وأقوم وأروح للحمام وشوي إلا ألقى في رجلي قطعة زوليه فخمه مرررررررة كانت في المجلس أثرها نشبت في الشقوق اللي في رجلي وسحبتها معي ، رجعت للمجلس ولا لقيت احد في المجلس وانتظر الى اذن العشاء ولا احد دخل علي وشوي إلا الشغالة داخله علي ومطفية أنوار المجلس وافهمها وارجع لبيتنا
.
تدرون وش صار ........ الغريبة إنها وافقت لأنها تقول لازم يكون لي دور في المجتمع وبينفعني هذا في تحضير شهادة الدكتوراه و أبيه قريب مني ، وأبشركم الحين اكلمها جوال وصاير رومنسي بس قامت تجحدني ما عاد ترد علي ...مع إني أحبها وهي تكابر بس أهلها شارطين إني اسكن معهم و أنا متردد . هاه وش رأيكم آخذها واسكن عندهم و إلا وش تقولون .
إن شاء الله ا ني ما طولت عليكم....<==ساعة جالس يكتب الله لا يبلانا
------------------------------
:) :) :)
لا تنسوا تقولوا رايكم فيها
عجبتكم؟؟؟