خطيييير..يلي جربت خلطة العفنة للاطفال تدخل//مكرر

السلام عليكم حبيباتي


حبيت اعلمكم باني قريت موضوع وحدة من الاخوات عن العفنة وطريقة علاجها
كتبت الموضوع نفسه بموقع يختص بلرقية وسالت هل استخدم هذه الطريقة لابنتي
فردت علي المشرفة الطب النبوي وقالت::حياك الله
أختي الكريمة
لاتجربيها الاذهان بالحلتيت محضرللشياطين

أطلعي على مقال العلاج بالحلتيت وأخطاء بعض المعالجين تجديه في قسم سؤال في عيادة الخليفة
أنصحك بفتح ملف طبي في قسم الملفات الطبية
أنشئ موضوع جديدوأشرحي حالةطفلك واعتمدي الموضوع بعدأختيارعنوان له
بعد ذلك يقوم أحدالمعالجين بتوجيهك
نفعه الله بكل سبب

وانا حبيت افيدكن وانصحكن لاتستخدموا اي شي من غير ماتتاكدوا

وهذا نص الموضوع:

كلنا نعرف العفنه اللي تجي مع الصغار وشلون تضرهم وتغير لون بشرتهم وتسد شهيتهم
عن الاكل وتغير نفسيتهم وتخليهم مزاجيين ومن أي شي يبكون

هذي بعض اعراض العفنه واللي شفتها بولدي عمره 4 سنوات معه عين وهو بالاربعين وكل ماقريت
عليه يتحسن وبعد فتره لاختلط بالناس رجعت له وهو الله يهديه يموت بالسوالف واذا جوني حريم والا
عند اهلي يموت الا يدخل ويسولف ويعطيهم النشره الاخباريه وانا مادري عنه والكل ميت على سوالفه
وعلى ترتيبه وجماله الله يحفظه
وكل مال وزنه بنقصان ووديته لوحده تعالج قالت معه العفنه ووصفت لي علاج واستخدمته 10 ايام
وماجاب نتيجه
مرت الايام وتوصف لي وحده جزاها الله خير خلطه للعفنه تعالجها ومن اول استخدام تبين النتيجه

والله يابنات ماتتصورون وش سوت بولدي اول مره دهنت جسمه كله فيها حتى شعره جلست دقايق يوم
رجع لون ولدي الطبيعي وهو اول لونه اصفر مثل الكركم تقول مافيه نقطة دم

اليوم الثاني قال ماما انا جوعان وبدا ياكل وشوي شوي تحسن الحمدلله ومازلت مستمره عليها وماراح
اتركها الا لما يوصل للوزن الطبيعي

لان صاحبتها قالت لي بتنفتح شهيته وبياكل واستمري لما يزيد وزنه ويزين حاله

ووصفتها لاختي وسوتها لبنتها تحلف انه من اول استخدام بنتها تغيرت

وكل وحده اعرفها من اشوف ولدها زي اولدي اعلمها فيها ويسونها بعيالهن لان نتيجتها بصراحه
تبان بسرعه
ويدعون لي ولصاحبتها الله يجزاها كل خير

واي وحده مايبان بولدها او بنتها أي تغير من 3 استخدام تعرف ان مافيهم الا العافيه لاني سويتها
في بنتي عمرها سنه و4 شهور ولا تاثرت بشي اكلها هو اكلها ولونها هو لونها بسم الله عليها

الحين نجي للمقادير والطريقه
>>>>>>>>>>>>>>>>>>>>>>>>> كأنها صارت طبخه ؟؟؟

المقادير

قاروره زجاج زيت الزيتون مثل الوزير او بكر والافضل مقري فيه




ملعقه وسط حقت الحلى حبة البركه او الحبه السوداء مطحونه لازم مطحونه يابنات


حلتيته قد راس الاصبع نفس مو محدد بالصوره



الطريقه

نحط ملعقة الحبه السوداء وكسرة الحلتيته بعلبة او قارورة الزيت الزيتون ونتركها تنقع واليوم
الثاني استخدميها كل يوم يدهن جسم الطفل فيها من راسه حتى شعره الى اصابع رجوله
وينام فيه واليوم الثاني يتروش الطفل عادي