خـاني ومازال يخوني ..ماقدر اسامحه ولا اقدر اكمل حياتي؟ ساعدوني

السلام عليكم خواتي
خواتي حبيت اعرض مشكلتي يعلم الله اني محتاجتنكم وايد


صارلنا مده طويله تقريبا مخطوبين ومثل اي اثنين عشنا ايام كلها حب وسعاده تعلقت فيه وايد رضيت فيه بكل عيوبه كنت اشوفه ملاك لاني كنت احبه وايد ماكنت احس اني عايشه الا يوم اشوفه او اسمع صوته هو بعد كان يحبني وايد ويخاف علي
اتفقنا على كل شي كل تفاصيل حياتنا اتفقنا وين بنقضي شهر العسل وين بنسافر و و و و و و
تعوت اكلمه قبل مانام حتى لو مشغول كان يكفيني اتخيل انه معاي تعوت على اشيء وايد معاه كان يصارحني بكل شي كان يقولي كلام حب ينسيني الدنيا كلها كنت احس اني ملكت الدنيا معاه
كنا ننتظر اللحظه اللي نجتمع فيها في بيت واحد بس نظرا لامور الدارسه تاخر الموضوع شوي

كنا نحب بعض بجنون رغم اهماله بعض الاحيان ماكنت افرض نفسي عليه لاني كنت واثقه من حبه وانه اكيد انشغل
كان دايم يلجئلي يفتحلي قلبه كنت اعرف كل تفاصيل حياته كان يقولي وينن راح وشو سوا من بداية اليوم لآخره كنا قراب من بعض رغم المسافه الي تفصل بينا

وطبعا لاني كنت اعرف كل شي عنه كنت اعرف باسوورد ايميله وفي مره حلمت انه يخوني ويكلم بنات صارحته بهالشي ونكر الشيطان وزني وخلاني افتح ايميله لقيت ايميلات بنات وايد عنده في القايمه واول ومادخلت وحده من الموجودات كتبت : حبي وينك اشتقتلك !
حسيت الارض تدور فيني ساعتها ماعرفت شو اسوي ماكنت مصدقه رديت على البنت وكملت معاها عادي ولقيتها تدز بوسات وحركات !!!!!!! معناته هو متعود على هالشي معاها
انهرت حسيت باحساس ماقدر اوصفه الارض ماكانت تشيلني
حاولت اهدي نفسي من دون ما افتح الموضوع معاه عشان مايقول اني اتجسس عليه
مادري كيف عدا اليوم بس حالتي كانت مأساويه
بعد ماهديت شوي قررت اني اتاكد بطريقني الخاصه فتحتلي ايميل ثاني باسم دلوعه وضفته طبعا الفت عليه قصه عشان مايشك في السالفه <<ماقلتله اني خطيبته
في البدايه كان يسولف عادي واليوم الثاني بدا يقول حبيبتي وحياتي ... و و و وايدد اشياء
ماتوقعت هالكلمات رخيصه عنده ويقولها لاي وحده ماعرفها الا من يومين
كنت ادخل من ايميلي الاصلي اللي يعرفه ومن ايميل (دلوعه)بنفس الوقت .. وعلى ايميلي ماكان يقولي كلام حب كان يكتفي بس بـ فديتج .. وعلى ايميل دلوعه .. كان صافلها معلقات في الحب !! ويرقمها ويقولها دقيلي اي وفت انا فاضي وابا اخذ رايج في الهدايا الي بشتريلج اياها انا انصدمت وايد كرهته وكرهت الساعه الي عرفته فيها كملت معاه كم يوم على ها الحال وبعدين دخلت على ايميل دلوعه وقلتله ياولد الحلال بسألك سؤال ؟ انت تحبني ؟ < < هذا كله على اساس انه مايعرف انا اصلن خطيبته .. كان يقولي: تبين الصدق مع اني ماعرفتج من مده طويله بس احس اني ارتحتلج،حبيتج بس ماعرف ليش انا صدق احبج .. هنيه ماقدر امسك اعصابي .. قلتله : على فكره .. حتى انا كنت احبك وايد يا (فلان) وروح العب هاللعبه الوصخه على وحده غيري انا الغلطانه صدقتك ولا انت واحد نذل و واطي وماتستاهل عمري ماتوقعتك جذي ورقة طلاقي توصلني باجر باي
قلتله هالكلام هو تخبل وحاول يكلمني بس انا ماعطيته مجال وطلعت
تم يطرش مسجات لانه ماله وجه يتصل بس ماكنت ارد عليه واول مسج كان يقول فيه انتي ماسمعتيني للآخر انا كنت اعرف انج انتي(فلانه) خطيبتي وتم يجذب حسباله بصدقه
رديت عليه بمسج: اللي بينا انتهى وكل واحد يروح في حاله خلاص


كان يحاول يصالحني مده طويله بس ماعطيته المجال وكنت الح على الطلاق وبعدها سمعت انه مرض وتعب وايد كان منوم فالمستشفى كنت احاول اطنش بس قلبي كان يحرقني عليه ماسألت عنه ولاشي بس طرشلي مسج بعد ماطلع يقولي دخييييييلج ابا اكلمج دخيلج لاتحرميني من ها الشي محتاجلج حيل كنت في الجامعه رديت عليه : انا فالجامعه يصير خير يوم اطلع


وبعد ماطلعت من الجامعه طرشتله مسج: خير في شي ؟؟ اتصل علي وتم يصيح ويقولي ماقدر اعيش من دونج انا غلطت سامحيني اعرف اني صغير بس كوني كبيره وسامحيني الشيطان غرني بس انا عمري ماحبيت غيرج دخيلج لاتخليني انا اموت من دونج تم يقول وايد كلام وكان منهار سامحته ....مادري ليش مااادري كيف بس سامحته ماقدرت اتحمل اشوفه جي رغم كل الي سواه بس كنت احبه

ومع الايام رجعت الامور لمجراها الطبيعي بس ثقتي فيه انهزت وايد وماكنت قادره أأمنه بعداللي سواه بس عمري ماحسسته بهالشي رغم اني ابد مانسيت كلامه لهااا





بكمل في الرد الثاني