جرح خيانه :

وبعد تقريبا 3 شهور من هالموضوع رجعت احس انه يخوني مادري بس سبحان الله كنت احس بهالشي وايد فقررت اني اختبره مره ثانيه فتحت ايميله وكنت اشوف الايميلات الي عنده لقيته مشارك في موقع زواج !!!!!!تخيلو يا بنات ما كأنه على وجه زواج !!!!!!!!!!!!!! قلت مب مشكله يمكن فضول شباب وبس كان يتصفح للأسف دخلت على ملفه الشخصي في الموقع لقيته كاتب في صفاته : حبوب وطيب واكره الخيانة والكذب :angry2: ولقيت رسايل اعجاب من بنات في نفس الموقع رغم كل اللي شفته ماكنت ابا اظلمه او اتاخذ قرار بسرعه لاني كنت احبه بجنوون واعرف اني غلطانه المهم .. للي سويته = شاركت في نفس الموقع وطرشتله رسالة اعجاب وقلتله حابه اتعرف عليك لو انت فعلن جاد في الزواج ؟اليوم اللي بعده رد علي وقال اكيد جاد وهذا رقمي00000 كلميني عليه عشان نتعرف لاني ماقدر ادخل النت وايد طبيعة شغلي ماتسمح تعرفون بنات .. حتى بعد ماشفت الرقم كنت احاول ادورله عذر كنت احاول ادور خطأ في الرقم كنت ابا اقنع نفسي انه مستحييل يسوي جي:(:( رديت عليه برساله قلتله انا مستعده اكلمك ع الموبايل بس خلنا نتعرف على الايميل مبدأيا على الاقل !؟ ضيفني عندك.. كان يطرشلي رساله : اوكي انتي ضيفيني على هذا الايميل (-----) تخيلوا بنات كان ايميل اول مره اشوفه اول مره اعرف انه سوا ايميل خاص حق خرابيطه عشان ما اكشفه كان يشبه ايميله اللي اعرفه بس مع فرق بسيط المهم ضفته وكان مستاانس وبدا بكذبه وكلام الحب وخياناته بعدها بيومين قلتله من شب على شي شاب عليه الخيانة تمشي في دمك ، انا اذكى من انك تستغفلني،،وهالمره صدق ماشي رجعه طبعا هو ماعرف شو يقول ساعتها ماعرف يبرر غلطه لانها المره الثانيه الي تتكرر فيها نفس الحركه. طلعت وحذفته وحذفت كل ايميلاته من عندي وسكرت الكمبيوتر وغلقت الموبايل وتميت اصيح انهرت وايد الله لا يسامحه واليوم الي بعده كلمت اهلي قلتلهم مابيه خلاص هو حاول يراضيني حاول وااااااااايد بس ماكنت ارد عليه كان يتصل ويطرش مسجات قلتله طلقني .. وهذا كان اخر مسج طرشته طافت الايام .. بعدها ياني مسج منه يقولي انه مسافر يتعالج برع ويبيني ادعيله واسامحه على الي سواه طلع عنده تصلب بشريان القلب لانه كان يدخن زقاير وايد بعد ما افترقنا طنشته رغم اني كنت بموت من الخوف عليه وعقب مارجع طرشلي مسج قالي انا تعبان مابا منج شي غير انج تدعيلي لو مره وسامحيني على الي سويته فيج يمكن خذلتج وايد وماوفيت بوعودي لكن الوعد الي بوفي فيه اني مابتزوج غيرج قلبي مابيحب غيرج يالغاليه وعقب يومين طرشلي مسج محتاج اكلمج الله يخليج ؟ قلتله مابينا كلام وابا ورقتي بالطيب احسن من المشاكل !!! وبعد فتره اتصلي من رقم غريب ماعرفه .. رديت عليه وكلمني قالي دخيلج سمعيني دخيلج عطيني فرصه قلتله انا قلتلك مابينا كلام انت ماتفهم ؟؟ صااح وهو يقول : شو الدنيا من دونج يا فلانه ؟ قوليلي شو الدنيا من دونج كان منهار..حاولت اتمالك نفسي واهديه .. قلتله شو تبى مني الحين ؟ قالي اباج يالغاليه اباج ترجعين لي قلتله اوكي في مجال نرجع بس بشرط ؟ قالي شو؟ قلتله تعطيني باسوورد ايميلك اللي ماعرفه (الي مسونه حق خرابيطه) وبعد ما اشوف شو الي عندك بقرر ؟ وافق وعطاني الباسوورد وياليتني مافتحته شفت ايملاته الي مطرشنها كان فيها خيانه وكذب وشفت الاعضاء الي عنده كانوا 140 تقريبا ومعظمهم بنات هنيه انا الي انهرت بس كنت اقاوم بعدين صحت قلتله خلاص انت كذاب وخاين مافيك احساس ماعرفت الحب اكرهك تعرف شو يعني اكرهك ؟ كان يقولي : مشكوره انسيني مع السلامه وسكرنا التلفون من يومها ماعرف شي عنه كان يكلم اهلي عشان يحاولون يهدوني كان يحاتيني لان صدق حالي تغير لا اكل لا شرب لا حياه هو كان يحبني بس مادري ليش يسوي جي ؟ ومايبى يطلقني بسرعه للحين عنده امل نرجع لبعض كل شي انهدم في حياتي انا ماقدر اتخيل اني عايشه من دونه بس بعد ماقدر اسامحه الي سواه وايد مب شوي تعبانه يا بنات وانا للحين مصره ع الطلاق ؟ شيّبني وانا بعدني صغيره بنات والله تعبانه الله يعلم بحالي..الليل ما انامه الا ودموعي على خدي ادري انه مايستاهل بس انا وايد تعلقت فيه و وايد حبيته ادعولي بنات اني انساه ادعولي اني اقدر اكمل حياتي من دونه محتاجه دعائكم بالحيل

وبعد تقريبا 3 شهور من هالموضوع رجعت احس انه يخوني مادري بس سبحان الله كنت احس بهالشي وايد ...