خـاويـنـي وبـخـاويـج وبـاخـذ ريـلـج وبـخـلـيـج!!!

خـاويـنـي وبـخـاويـج وبـاخـذ ريـلـج وبـخـلـيـج!!!

الصراحة أحب أطرح المواضيع اللي فيها اختلاف في وجهات النظر بس بدون طيخ وطاخ وتكفيخ

بردود عارية من الاحترام المتبادل بين العضوات...نقول تم!!!...واللي بتتجاوز حدودها مع أي

وحدة من العضوات ترا بنطردها من جلستنا الحوارية...اتفقنا...:biggthump

العنوان يا حبايبي هو عبارة عن مثل عندنا في الإمارات دار زايد الخير ويدل على خيانة الصديقة

لصديقتها ويا ليتها خيانة في شيء سهل، لا هذه خيانتها تكون بخطف أثمن شيء عند المرأة وهو

زوجها (باللهجة الإماراتية ريلها)...السؤال اللي يطرح نفسه هل تؤمنين بهذا المثل؟...هل تتوقعين

الخيانة من أقرب صديقاتج ويا ليت خيانة في شيء تافه؟؟؟... لا الخيانة في هذه الحالة عظيمة لا

يمكن غفرانها لأنها مثل ما يقولون طعنة في الظهر يعني مستحيل ومن سابع المستحيلات تفكرين

أن صديقة عمرج ممكن تتجرأ وتخونج وتخطف ريلج وتصير عديلتج:icon36::icon36::icon36:

(باللهجة الإماراتية يعني شريكتج أو ضرتج)...الصراحة صارت وااايد لأن معايير الصداقة في

هذا الزمن اختلفت وصارت الصديقة المخلصة الوفية اللي تأمنينها على بيتج وأسرارج سراب بعد

ما اطير الطيور بارزاقها وتطير حضرتها بريلج لأنج حطيتي ثقتج في الإنسانة الغلط اللي ما

تستاهل صداقتج ومودتج لها...خلاص أنا خلصت رمستي وأنتظر حبايبي يرمسن ويطرحن

وجهات نظرهن...وسلاااامتكن...بس مثل ما اتفقنا طرح وجهات النظر بأسلوب حضاري محترم

يترجم شخصية العضوة ولباقتها...:biggrinlo