smsooma :

بجاوبك على الاسئلة : 1- اول شي بغيت اعرف من افضل دكتورة من حيث الولادة والخياطة وطبعاً اهم شي تكون صبورة واخلاقها كويسة سمعت عن الدكتورة فاطمة الزهراء هل تنصحوني فيها ؟؟ وابغى دكتورة مش دكتور نظامهم مناوبات يعني الدكتورة المناوبة هي اللي تولدك ... واذا الدكتورة اللي تراجعين عندها موجودة ممكن تنزلك أو اذا صار تعسر بالولادة ينادون الاستشاري للقيصيرية ...ود فاطمة مررره ممتازة 2-وهل الولادة الثانية يسوون توسيع وخياطة ؟؟ لأن المستشفيات الحكومية مايسوون توسيع وانا ماابغى اولد بدون توسيع وخياطة ويصير لي تمزقات وترهلات؟ ماجربت الولادة الثانية لأني تو والدة انا وبكرية 3 - من جربت ابرة الظهر عندهم وكم سعرها وهل تنصحوني فيها ؟ ماجربت ابره الظهر لكن هم مو مثل المستشفيات الثانية يجلسون يحنوون على راسك انك تاخذينها .. هم ماجابو طاريها لي وكانو يعطوني الكمام المخدر والكمام الثاني للاكسجين ... 4 - بعد الولادة كيف العناية والاهتمام هل الممرضات متعاونات ويجونك لما تطلبيهم ؟ بالنسبة لي كانو الممرضات مررره ممتازين والقابلة اللي كانت مع الدكتورة وقت الولادة هنديه والله العظيم فيها حنان مب طبيعي ... حمدالله الله كنت ادعي ان ربي يسخر لي احد كذا .. كانت تسوي اشيا لي من جد كأني بنتها... اما بعد الولادة فكانو الممرضات كويسين ويبتسمون ويدخلون معك الحمام عشان ماتدوخين .. 5 - الطفل يكون عند الأم في في الحضانة ويجيبونه لما الام تطلبه ؟او يخلونه عندها بالغرفة؟ وهل يعطونه حليب صناعي ؟ الطفل يكون بالحضانه ويجبونه لما انا اطلبه لكن من تبدأ الزيارات من 4 الى 9 مساء ما يجيبونه حتى لو ترجيتيهم لأن يخافون عليه من الزوار يمرض لا سمح الله ... وهالشي عجبني الصراحة ... ويعطونه حليب صناعي ... ويجبونه لي ثلاث مرات من نفسهم عشان ارضع او كل ما اطلبه ... لكن احيانا يرفعون الضغط لما اقولهم تعالو خذو الطفل يتأخرون .. 6 - هل يوفرون للي تولد احتياجاتها مثل اللبس والفوط الصحية ؟ انا بولادتي الاولى عطوني ( مستشفى ثاني مااقصد المواساة ) لبس وفوط صحية وغسول بيتادين وكريم ميبو للخياطة وشامبو للشعر وفرشاة ومعجون اسنان فهل المواساة يوفر هذي الاشياء؟ لبس المستشفى الروب المفتوح يوفرونه والفوط انتي تطلبينها واذا ماطلبتي ماجابو ... واعطوني غسول البتادين أما الكريم فكانت الممرضة بنفسها تجي تحطه لي .. وكان كريم ابو اسد ... اما الشامبو والمعجون فما كانت موجودة وانا ماطلبتها لأني كنت جايبة اغراضي معي... 7 - كيف مستوى نظافة الغرف والحمام الله يعزكم ؟ تجي وحده تنظف 3 مرات الصبح والعصر وبالليل ... 8 - الخياطة كيف ممكن تقيمينها هل ممتازة او جيدة او سيئة والخيوط هل يشيلونها لك او تطيح لوحدها ؟؟ هذي عاد ماقدر افيدك فيها لأني توني والدة وماعرف اقييم الحين 9 - وقت الطلق هل الممرضات معاك ويهتمون لك ويتجاوبون معاك او مخلينك لوحدك ومطنشينك ؟ :( جاوبتك فوق عن القابلة الهندية اللي كانت معي ... 10 - هل غرفة الطلق خاصة او فيها اكثر من وحده ؟ وهل نفسها غرفة الولادة او الولادة في غرفة ثانية ؟ وهل غرفة الولادة ايضاً خاصة او 10 يولدون فيها :D في البداية يحطونك بالغرفة اللي راح تنامين فيها بعد الولادة عاد انتي تختارين تبين مشترك او غرفة خاصة او سويت.. وتطلقين هناك لين ينفتح الرحم 4 او 5 سانتي وينقلونك على غرفة التوليد وهي غرفة كبيرة ولحالك ماحد معك ويدخل معك شخص واحد .. كان وقتها امي وزوجي يتناوبون بدخولهم ... 11 - هل يسمح للزوج البقاء مع زوجته اثناء الطلق والولادة ومابعد الولادة ؟ نعم 12 - هل يوجد اوقات للزيارة ام الوقت مفتوح ؟ هم كانو محددين من 4 الى 9 لكن اهلي كانو يجلسون لين 12 وماحد يقولهم شي

بجاوبك على الاسئلة : 1- اول شي بغيت اعرف من افضل دكتورة من حيث الولادة والخياطة وطبعاً اهم شي...

Banafsaj :

مشكووووورة وجزاك الله خير فرحتيني والله بردك كفيتي ووفيتي اخر كم سؤال تحمليني بالنسبة لكمام المخدر والاكسجين تحسينهم خففوا الالم عنك ؟ لأن بالمستشفى اللي ولدت فيه ماعطوني شي ابد ولا جابوا لي طاري اي شي وانا كنت بكرية مااعرف شي شفت جنبي كمام اكسجين قلت للممرضة عطيني اياه واخذته ورميته هههههه ماقدرت عليه احس اني اختنق فهل انتي اللي طلبتي الكمام او هم اعطوك اياه بالنسبة للخياطة هل قالوا لك ان الخيوط تذوب او تطيح لوحدها او تروحي يشيلوها لك وهل تحسيها خياطة خارجية او داخلية ؟ وآخر شي هل رحتي على حسابك او عندكم تأمين ؟ لأن بغيت اعرف سعر الولادة لوحدها مع غرفة خاصة شاكرة لك تعاونك والحمد لله على سلامتك ومبروك ماجاكم :)

مشكووووورة وجزاك الله خير فرحتيني والله بردك كفيتي ووفيتي اخر كم سؤال تحمليني بالنسبة لكمام...