فهل ياترى انت تحبين أخوات زوجك وهل انت منسجمه معهن وتعتبرينهن كاخوتك ام لا؟؟
اختينه الكبار تمااااااااااااام معاي
كنت اول ما تزوجت حبهم ومنسجمة واتبرهم اخوات واكثر وعلى ما يقولون صدااااااااقه وعلى نياتها لين اكتشفت همزهم وغمزهم ولمزهم من وراي واخوهم هو اللي قال لي وفتح عيوني

وعندما تحدث بين اخوات زوجك وبينك سوء تفاهم كيف يكون موقفك ؟؟
اطنش ومرات اسامح ومرات اتجاهل وغالبا ما انسى واذا قابلتهم سلمت عليهم وابعدين اتذكر ان بيننا خصومه بس شسوي خبله

ما أهم الصفات التي تزعجك في أخوات زوجك؟؟
الكذب والنفاق امام زوجي ومحاولتهم انقاص شاني امامه وامتداح النساء الاخريات ويقولون له فلان يودي اهله ويجيبهم وزوجته يخليها بالبيت قصدهم اياك اعني واسمعي ياجااااارة
يعني طبق زي ما يسوون الناس سوي زيهم مع ان كلامهم لم يبنى على شي من الصحة

وهل تتضايقين عندما يهتم زوجك بأخواته ويمدحهن أمامك أم تعتبرين الأمر عادي؟؟
لم يفعل ذلك يوما وان فعل ان كان صادقا ايدته وان اراد استفزازي فالمثل بالمثل

هل زوجك يقارن بينك وبين أخواته ويعتبرهن أفضل منك؟؟
لا لم يحدث اصلا لا مجال للمقارنة وهو يعرف ذلك تماما
هل تشعرين بالغيره منهن سواء كان ذلك في الشكل أو التعليم أو غير ذلك؟؟
لا
هل أخوات زوجك يتصرفن بإحترام معكي أم ترين العكس؟؟
بعض الاحيان بل نااااااااادرا
ماهي الصفات التي كنتي تتمنين وجودها فيهن من ناحية السلوك والمعامله والأخلاق؟؟
كنت اتمنى ان نكون اسرة واحده ما بيننا بيوم خناق كنت اتمنى نعيش افضل عائلة والعائلة المثالية لكن احلالالالالالالالامي تحطمت على صخرة كنت اتمنى نكون سمن على عسل وقلوبنا على بعض بس اكتشفت انهم اسرة شتات ومتفرقة فانى لي بذلك
هل تشعرين بأنهن يحبنكي أم لا؟؟
ما اعرف احيان اقول كذا واحيان اقول كذاوبصراحة اخته الكبيرة بعمر امي محترمه والباقيات خليط من هذا وذاك

ابجاوب على اسالتك ولو ان الناس يختلفون

فهل ياترى انت تحبين أخوات زوجك وهل انت منسجمه معهن وتعتبرينهن كاخوتك ام لا؟؟
حب وعشق مافيه ... بس علاقه رسميه والسلام ، ومستحيل ان بنات الناس بيصيرون مثل خوات الوحده او على الاقل ناااااادر جدا

وعندما تحدث بين اخوات زوجك وبينك سوء تفاهم كيف يكون موقفك ؟؟
اطنش .. واجيهم عادي واسلم وامشي

ما أهم الصفات التي تزعجك في أخوات زوجك؟؟
قدامي وش حليلهم ووراي يحرضون زوجي علي

وهل تتضايقين عندما يهتم زوجك بأخواته ويمدحهن أمامك أم تعتبرين الأمر عادي؟؟
لا ما اتضايق ابد .. وهذا مهما يكون اخوهم وهم بحاجته
اهم شي لا يزود الاهتمام عن حده ويكون على حسابي انا وعيالي

هل زوجك يقارن بينك وبين أخواته ويعتبرهن أفضل منك؟؟
لا ما عمرها صارت علنا ... بس مدري عن اللي في قلبه

هل تشعرين بالغيره منهن سواء كان ذلك في الشكل أو التعليم أو غير ذلك؟؟
لا ما اغار منهن لأنهن اكبر مني بكثير

هل أخوات زوجك يتصرفن بإحترام معكي أم ترين العكس؟؟
رسميين مع بعض في كل شي

ماهي الصفات التي كنتي تتمنين وجودها فيهن من ناحية السلوك والمعامله والأخلاق؟؟
ما ابي منهم شي ... يالله السلامه ،،، بس لو ما يكونون منافقات يكون احسن

هل تشعرين بأنهن يحبنكي أم لا؟؟
باين انهم ما يحبوني ... بس كله من تحت لتحت .. بكيفهم الله يدري باللي في خواطرهم
المهم انا اقوم بالواجب معهم ارضي ربي وارضي زوجي واللي في قلوبهم مالي قدره عليه
ولا حتى افكر فيه



ونصيحه خليك رسميه مع اهل زوجك كلهم .. عامليهم باحترام وقومي بالواجب وبس .. لا تتوقعين اخوه ولا صداقه ولا حب ولا عشق وعمرهم عمرهم ما راح يكونون مثل اهلك
واذا كان زوجك يحبهم ويمدحهم ويهتم فيهم لا تلومينه هذولي اهله

هذي المشكلة بين الزوجه واخوات زوجها مشكلة ماراح تنتهي دام ابليس موجود ..
انا علاقتي فيهم رسمية ..ممكن احيانا يغلطون بس قاعدتي في الحياة ..الحقران يقطع المصران يعني وحده غلطت عليك لا تاخذين معها في الكلام ولا تعاتبينها طنشيها عامليها والجدار سوا ..بهالطريقه تتادب ولا تمسك عليك كلمه ..تقولها لزوجك او لامها او ابوها وتخليهم يعصبون عليك ..بس يا بنات اتقوا الله قبل كل شيء لا تكذبوووون على لسان اي وحده تقولون قالت وهي ما قالت علشان تكرهين اخوها فيه ولا اخوك في زوجته ..ترى الله فوقكم ترى انتم تنسون وهي ما تنسى تدعي عليك دعوه تقلب عليك حياتك ..تحياتي

بنات ليه كل هالحقد على خوات الزوج هم صحيح يقهرون بعض الاحيان بس لازم نتحمل
ومو معقول الوحده تتصور انهم بيراعونها ويدلعونها زي اهلها الله ياجرنا بس واهم شي الزوج :D

هل تحبين اخوات زوجك؟ طبعا احبهم والله ولا اقدر احقد عليهم
هل انسجمت معهم؟ عادي هم مطنشيني ولاكني موجوده من ناحيه انهم يسولفون معي
زي خواتي طبعا لا صعبه

سوء تفاهم عمره ماصار لاني عمري ماواجتهم باي شي اكتم بنفسي واسكت :D

الصفات اللي تزعجني..البرود الشديد في التعامل وانهم مايعطوني وجه
ولا يعبرون عن اعجبابهم باي شي يخصني الا نادرا من حلويات واكل ولبس خليها على ربك :icon33:
والتفرقه في التعامل بين السلفات يعني وحده يهابونها والثانيه ميح :30:

ما اتضايق اذا اهتم زوجي باهله عادي

المقارنه عمرها ماصارت

اغار منهن ابدا عمري ماغرت ولافكرت

الصفات اللي اتمناها....انهم يعطوني وجه شوي
خفه الدم والمجالس اللي تفتح النفس :icon28:

هل احس انهم يحبونني؟
طبعا يحيبوني ويشتاقون لي لو اطول ما ازورهم ويستغربون
ونيتهم طيبه معي دايم وانا احبهم واشتاقلهم ومقدر اتاخر ما ازورهم
وانا دايم ابتسامتي بتشق وجهي عندهم ولا اعلق على شي وا افرض رايي يعني بالعربي دابه سليمه ليش يكرهوني هههههههه
مع اني مو كذا ابد عند اهلي :16:

مساء لخير
هل انت تحبين اخوات زوجك وتعتبرينهن زي خواتك؟
احبهن واتمنى لهن الخير بس مو زي خواتي اقول لهن كل شي واغليهن واوله عليهن.

اذاحصل موقف بيني وبينهن كيفردة الفعل؟
اول ماتزوجت انصدم منهم بعبرات قاسية علي يعني اهلي ماسووها
بكلام يعني مزح ثقيل مرة وانا حساسة كنت وتوني متزوجة :( : ومتعودت بس بعدين اعطيهم البقس بقسين بس عن طيب قلب :39:
هل تتضايقين اذازوجك اهتم فيهم؟
لا بالعكس ذول خواته بس مافضلهم علي امه وابوه على راسي بس غيره لا :icon33:


اكثر شي يضايقك باخواته؟
اللسان الطويل والمزح الثقيل

هل يقارنك زوجك بخواته؟
مرة باخته الكبيرة ومعه حق :)

هل تشعرين بالغيرة منهم تعليم اوغيره؟
اغبطهم من ناحية المذاكرة والجد<<<<<<الاخت شاطرة بس مكسلة المهم والحمدلله انا احسن من الصفات الاخرى


اخواته يعاملونك باحترام ؟
دايم ايوه بس عليهن طلعات بعضهن لانهن صغار مراهقة
الصفات التي اتمناها منهن؟
احترام شعور الاخرين

هل تحسين انهن يحبنك؟
احس عادي بس الصغرى بالمتوسط احسها تموت علي>>>>الاخت عاجبتها لاني انا ماابدلهم شعور الولهان؟؟؟ متخلفة بس شنسوي