السلام عليكم خواتي ..
يعلم الله بالحاله اللي أمر بها من حزن وهم والله يفرج همي وهم كل مسلم عاجلا غير آجل ..
خواتي تعديت الثلاثين وماعرست ،، لله الحمد والشكر عايشه حياتي ومرتاحه وعمري ما اشتكيت لحد بخصوص هالموضوع،، دايما أقول اني أحسن من غيري أشتغل وعايشه بين أهلي وفي وااايد بنات أكبر عني ما عرسوا وفي وفي وفي ودايما أدعي لهم،، يت فتره كنت أنخطب وما استوى نصيب ..ويمكن آخر مره خطبوني من سنتين
وسبحان الله هالفتره سمعت عن وااايدين انهم عرسوا وعندهم عيال واستانست واايد عشانهم ..واللي يتعبني ويزيد من همي يسألوني متى بتعرسين وليش ما عرستي !!! ودايما أرد عليهم رد عادي وأبين لهم اني مرتاحه ومو مهتمه والله وحده يعلم بحالي ،،
من كم يوم ياني خبر وانهرت تميت أصيح لين تعبت اتخيلوا خواتي غصبا عني دموعي تنزل ،، كان واحد يبا يتقدم لي واخته كلمتني وخبرتني انه يحبني وعايبتنه بس استوت مشاكل بينه وبين أهله لانهم عرفوا انه يحبني ويباني وماصار نصيب لانهم يبون وحده ع كيفهم ومن صوبهم بس يعلم الله اني كنت ابا هالشخص لانه هو بغاني ويا من الباب المهم سمعت انه عرس ومن كمن سنه وعنده عيال ،، ما بقول اني كنت حاطه أملي فيه بس كنت أقول يمكن يكون من نصيبي والله أشوف أمي وأتمنى انها تفرح بنا لانا أيتام وأمي شاله همنا والله أتمنى اني أعرس وأمي تشوف عيالي .. والله يعلم اني أدعيلكم وأدعي للي أعرفهم.. هالأيام اسمع اللي أصغر عني بسنين يقولون متى بنعرس ،، أقول في خاطري ليتني بس في عمركم على الأقل بمون صغيره وما بشل هم ..
كتبت هالموضوع وأفكاري مشتته وملخبطه والسموحه منكم خواتي كلامي مب مرتب بس حبيت أفضفض عشان ارتاح
خواتي اباكم تدعون لي ان الله ييسر أموري ورزقني بالزوج الصالح عاجلا غير آجل ويستر عليه دنيا وآخره عسى الله يستجيب لدعاء وحده منكم ويتحقق هالشي قريب ان شاء الله ..
يلزم عليك تسجيل الدخول أولًا لكتابة تعليق.
الله ييسر امورك ويسهلها
ويرزقك الزوج الصالح يارب انتي وبنات المسلمين
بس انتي اصبري واحتسبي الاجر
ونصيبك بتشوفينه ان شاء الله
ويرزقك الزوج الصالح يارب انتي وبنات المسلمين
بس انتي اصبري واحتسبي الاجر
ونصيبك بتشوفينه ان شاء الله
يارب يارحمن ارزقني وارزق اختي بقايا امل وجميع بنات المسلمين الزوج الصالح عاجلا غير اجل يارب العالمين
الصفحة الأخيرة
وبعدين أنا أعرف ناس تعدوا الثلاثين ولأتزوجوا مافيها شي هذا الشي الله كاتبه لك ..