السلام عليكم ورحمة الله وبركاته ..
انا يا بنات من قبيله معروفه بالكويت لها عاداتها ولها تقاليدها واصولها ,, المهم انا يابنات عندي مس وهذا المس عاشق وقررت اني اغصب نفسي واروح عند شيخ يرقيني ورحت وكنت كل ما اروح اتعب اكثر من كل مرة وهذا الشيخ ما شالله عليه شاب ملتزمامطلق وعنده بنات اثنين وشيخ رقيه تحسين انه شجاع مع انه الحريم والبنات الله يشفيهم يلعبون عليه لعب طبعا من اللي فيهم مو منهم وما شالله عليه ما يخاف ويشدد القرايه عليها طبعا اشكال والوان يجوله صغر وكبار وما شالله عليه حتى صوته يالرقيه جميل جدا ومحترم حيل محترم المهم هههههههه مدري شفيني قعدت امدحه لا تلوموني لاني اعجبت بشهامته ورجولته واخلاقه ودينه والاتزامه ما شالله لا قوة الا بالله المهم كنت كل يوم اروح له عشان يرقيني ماحسيت الا انه عطا رقمه حق اختي وقالها دقي علي الساعه 10 انا قلت يمكن عشان يجينا البيت ويرقيني او يرقي البيت لأنه كنت تعبانه حيل عنده حيل تعبت جات الساعه 10 واتصلت اختي عليه ولا طلع الرجال يبي يجي يخطب وقال حق اختي ان انا شاري بنتكم وراح اعزها واشيلها فوق راسي بس لا تقولين لاخوانج الحين بس خل تصلي الاستخاره وبعدين رديلي خبر عشان اجي رسمي واختي سألته وقالتله انت من وين وقال اصله من القبيله الفلانيه اختي قالتله يصير خير وسكرت قلت لها شنو كان يبي قالتلي انه يبيج ويبي يتزوجج انا الفرحه ما شالتني واختي قعدت تضحك علي وتستهزأ فيني وتقول ما حاجه تصلين الاستخاره انتي عارفه الرد شنو اهلي ماراح يطونج اياه قلت انتي مالج شغل قولي لهم يمكن يوافقون قالت لا مستحيل اقول لهم لأن اذا عرفوا ما راح يعطون واساسا ما راح يخلونج تروحين عشان يقرا عليج انا انصدمت من اختي ومن اهلي مع العلم انهم يشوفوني اتعب حيل وانهم كانو حتى شيل يشيلوني ما اقدر امشي واصلا ما في احد خطبني قبل هالمرة وهذا الرجل يبيني باللي فيني المهم بعد ما لزمت على اختي تقول حق اخوي قالت له وطبعا زفها زف وقال شلون تجرأ وخطبها اكيد انتو اللي ملمحين له انه يجي واختي قالت له لا مو ملمحين له اهو اللي خطب واهو يقول انه ما يبي اي وحده يبي وحده ملتزمه ولقاني احسن البنات ورد عليها اخوي وقالها قوليله انه عيال عمها يبونها وخلاص سكري الموضوع مع انه كذب ما يبوني ولا يفكرون حتى يجوني ولا يحبونا ودايم مشاكل المهم قالت له وانصدم حيل اهو يا بنات باين عليه انه حبني والله من اسلوبه معاي طبعا انا اروح مع محارمي مع اخوي او ابوي اواختي ساعات اروح بون محرم بس اختي معاي عشان لا تاخذون عنه فكره اهو محترم اهو حتى ما يطالعني بس مره طاحت الغشوة من وجهي وطلع شعري ووجهي وشقيت ملابسي وشاف كل شي فيني حسبي الله ونعم الوكيل عليهم بس المهم انا يا بنات صاكه فيني الدنيا ومتضايقه حيل ان اهلي رافضين مع العلم اني صليت الاستخاره وارتحت واحس اني تعلقت فيه حيل بس مدري الله يهديهم بس والله اني اكتب وانا ابكي ياناااااااس شيييييييييخ شيخ رقيه حافظ القران وشاب صغير بس عشان اصله لا وكل هذا اللي يشوفهم يقول الخطاب طوابير عند الباب انتم وش دراكم انه بيجيني احسن منه اصلا محد يخطبني حتى اهو قال هذا هو اللي معطل نصيبها حسبي الله ونعم الوكيل ,,,, انا يا بنات متضايقه والله اني احبه عشان اهو يحبني لا وفوق هذا كله يوصي اختي ويقولها تكفى لا تزوجونها اي واحد تخيلو يقول حق اختي تكفى ولو تشوفون وش لون يرقيني رقيه تحسبن انه من قلب طالعه ودايم يدعيلي انا يا بنات احبببببببه والله خلاص حبيته بس الومن ما يخلينا نجتمع بالحلال تخيلو يا بنات مره تعبت عنده حيييل ومن صحيت قعدت ابكي بشده وانا عنده تخيلو مسك راسي وقعد يقرا علي وقعد يبكي معاي ما انسى الموقف هذا والله انه حنون حنون حنون حنون حيل احس عنده الامان والاطمئنان الخوف كله يروح اذا جيت عنده احس اني بأماااااان وش حال لو اعيش معاه بنات لا تلوموني يعني حطي نفسك بمكاني وحده مريضه ومحد ساأل عنك حتى نومت الليل ما انامها مثل البشر ولا اقعد مثل البشر وعايشه بعالم ثاني وخوف ولا احد يطل عليك انا يا بنات اصغر وحده البيت ((القعده )) واخواني 6 كلهم متزوجين عايشين كل واحد ببيت لودحه واخوتي 3 متزوجين وامي الله يشفيها ويحفضها مشلوله ما تمشي ولا تتكلم وابوي شايب وانا وحيده بالبيت بس مع الخدم والتلفزيون يجون بس اذا رحت للرقيه حتى مو كلهم بس واحد من اخواني ووحده من اخواتي بس يجون كل اربعاء عشان الرقيه اما الباقي ما احد فيهم يدري عني او حتى يسأل عني انام لوحدي اكل لوحدي اقعد لوحدي وانا ما ابي اتزوج اي واحد ووين هذا الواحد اللي يطل بوجهي وحتى لو جى منو بيراعي وحده عندها مثل هالمرض وصدقيني حتى لو ما قلت الايه معروفه يفرقون ما بين المرء وزوجه يا بنات واهو قال انه انا مستعد خذا وطيبها بعد الله سبحانه وتعالى والله محتاره خلاص اسكر عالموضوع ولا اضل اكافح عشان اخذ اللي ابيه انا مشكلتي حبيته ومو قادره انسى وقفاته معاي يارب رحمتك وعفوك يالله
تكفون شورو علي افيدونيييي :(:26::26::26:
كويتيه 90 @koytyh_90
عضوة نشيطة
يلزم عليك تسجيل الدخول أولًا لكتابة تعليق.
والله مدري وش اقوللك لاكن الله يعينك ويشفيك ويكتب اللي فية الخيرة بس اختي انتي ماقلتي وش راي امك وابوك كلميهم يمكن يكون رايهم غير راي اخووانك واولا واخير الزواج قسمة ونصيب والله ينوللك اللي في بالك يااااااارب
وش ذا اللي يخطبك من اختك وين علوم الرجال المفروض كان يتصل على الرجال قبل
بصراحه روحة المره لراقي رجل فتنه عظيمه
هذي انتي تقولين شلت الغشوه وشقيت هدومي
طيب لو بكره جات عنده وحده وسوت مثلك بيخطبها بعد
أعرف راقي بدأ الرقيه وهو معه وحده وماكمل 12 سنه إلا وماشاء الله معه ثلاث
وآخرهم يقولون انها كانت مريضه عنده
بعدين تقولين انه كان يمسك راسك ويبكي معك!!!
إنتي تدرين انه بمجرد مايحس نحوك بشعور غير طبيعي الرقيه ماتجيب مفعولها المرجو منه
وبعدين ترى شغل الراقي مو بسهل وممكن تتعرضين لأذيه أكبر
شافاك الله وعافاك
الصفحة الأخيرة
وان ماسمعو لاختك كلمو زوجاتهم راح ياثرون فيهمـ يمكن يسمعون من زوجاتهم لا تيإسين
الله يجعلك من نصيبه ويوفقكم ويشفيك ياقدر ياكريم،’