لي فتره ماكتبت لكم خلطه للشعر
بس هذي الخلطه من جد نفعت معي
قبل فتره طاح شعري والسبه الصبغات
والله يابنات اني قربت اصلع بدون مبالغه انك تشوفون جلده رأسي ولا اقدر اخفيه لابتسريحه ولا اي شي
عشت حاله الله وحده يعلم
المهم رحت اكبر مركز لعلاج الشعر بالرياض وبدون ذكر اسمه
وما زال اكبر مركز لعلاج الشعر والبشره
ورحت وريتهم شعري شافته وقالت شعرك حالته مستعصيه ولا راح ينبت من جديد
خلينا نسوي له برنامج نحافظ على باقي الشعر
قلت والباقي ماراح يطلع قالت ماراح خلاص
طلعت من عندها ابكي :icon33:
ورجعت البيت وانا خلاص محطمه,,
كنت ادخل منتديااات واعرض مشكله شعري
والاقي بنت حلال الله يوفقها وادعي لها
كل ماذكرت المعاناه الي كنت فيها,,
المهم وتقولي عن هالخلطه واسويها3شهور
منتظمه وبعدها حصل الي انا ابي
في يوم قمت من النوم ورأسي يحكني
حكه مو طبيعيه ,,رحت لاختي قلت بالله شوفي راسي ما ادري ليش يحكني لدرجه اني جرحته من كثر ما احكه,,
قالت وهي طااااايره من الفرحه,,شعرك نبت والله رؤؤس سوداء المسها تشوك,,شعرك قام ينبت,, انا ماصدقت الا تلمسته وجلست ابكي..لأن الدكتوره قالت ماراح ينبت,,
وانا اقول الحمد الله يارب ماخيبت رجائي
انت قادر على كل شي,,
ما اطول عليكم ,,بالخلطه ,,بس امانه الي تستخدمها وتشوف النتائج تدعي لي,,
الله يعينكم الصور كثيره ابيكم تعرفون طريقتها
وكيف تكون,,تجيبين الكثيره من العطااار في نوع فاتح ونوع غامق خذي الفاتح احسن,
نأخذ كميه منه مثل هذي
هذي الكميه 50ريال بس تكفي تقريبآ10 استعمالات
تحطينها بصحن كبيرمقعر
تصبين عليها ماء تملين ثلاث ارباع الصحن
بعد 3 او4 ساعات راح تكون بهالمنظر
ارجعي صبي ماء
حركيه وخليه بعد ساعه ارجعي له
شوفي كيف شرب الماء وانتفخ
نملأ الصحن ماء ونتركه وساعه الى ساعتين ارجعيله
شفتي كيف شرب الماء وكثر
غيري الصحن لاكبر حطي تقريبآ كوب وخلاص
لحد ماتصير الخلطه كأنها كريم انتي المسيه وراح تعرفين,,معناها خلاص تقدرين تستخدميها,,
كيف تستخدميها,,تعبت من الكتابه بس يهون لعيونكم,,
تحطينه على الجذور وبعدين باقي الشعر وبعدها مشطي شعرك وزيدي عليه عشان تتأكدي انك غلفتي الشعر كله,,
لفيه وحطي بنس,,وحطي كيس بتقولين طاقيه انا جرب من هالطواقي لحد ماسويت لي كيس
يقولون الحاجه ام الاختراع
شوفو كيف الخطوات الي اسوي فيها الكيس,,على طريقتي,,
كيس بقاله
تقصينه وتستعمليه
تخلينه على شعرك مده8 ساعات وبعدين تغسلينه عادي,,
تحطينه يوم والي بعده راحه وتجلسين على هالموال لمده2شهرين,,
اخيرآ خلصت كتااابه يارب تستفيدون وكلامي يكون واضح.تحياااااااااااااااااااااااااتي
الي تجربها تقولي.
شووووفي.
كيس بقاله
كان ودي اوريكم كيف اقصه بس ما ابي يدي تطلع بالصوره,,اتمنا انها واضحه.