صَبآحكُم / مسَائُكم مُفْعم بالَسعَادة والأَمل ...
حياااكم اللــــــــــه جميع ...
ها أكيد جعتوا بعد ماشفتوا هالصور !!
عااادي أتصلوا وفي أقل من نص سااعة راح يوصل طلبك .. الموضوع سهل ..
كنتاكي ..
هارديز ..
ماكدونالدز ..
وفي ناااس ماتعيش من غير ماتطلب من المعصرة إللي احذى بيتهم سبحاان الله مهما طبخنا في البيت
مايطلع نفس النكهة إللي تتطلع من تحت يد الهندي
لما يسوي كلاب ولا همبرجر !!
ياترى وش سر الطبخة
تدرون درجة إدمان أكل المطاعم انه في نااس ماتذكر متى آخر مره كلوا أكل البيت !!
خلاص معظم الناس وخصوصاً فئة الشباب
صار أكل المطاعم عاادة ومستحيل
يغيرونها !!
نسمع من آمهاتنا يتشكون من بناتهم
وعيالهم مستعدين يآكلون أي شي بس
يكون من برا البيت !!
مايدرون وشلون طابخين هالأكل إللي طايرين فيه
مابي ألوع جبدكم بس وشدراكم وشلون طابخين هالأكل ولا غسل
العامل يده بعد ما ...
ولا اشدراكم وين عطس ولا كح هالهندي وهو يطبخ !!
والله يمكن هذي هي سر النكهة في أكل المطااعم !
وأمهاتنا الله يعينهم مسااكين يطبخون ذاك المجبوس ولا ذاك البرياني إللي مافي أحله منه ..
وتلاقي أغلب البنات
يقولون : وي يمه وش طابخة ماحب هالأكل راح
أطلب من المطعم !!
انزين الأم الحين غيرت طريقة الطبخ البنات هالزمن مايحبون العيش وهالسوالف
قامت وطبخت لهم همبرجر وقلت البطاطا وجآابت المايونيز والكاتشب يعطيها العاافية
ومانست يحليها جهزت كل إللي حبونه حتى البيبسى من الصبح في الثلاجة !!
وفي الأخير تلاقي عيالها مايعجبهم العجب
بس أول مايشوفون اكل المطاعم يطيرون كانهم عمرهم ماااذاقوه من كثر حبهم له
تدرون كم الميزانيه إللي تنصرف على أكل المطاعم !!
مااادري في شغلة أهم ترى من المااديات وهي إجتماع الاسرة على سفرة وحده أعتقد صار من النادر إنك تلاقي عايله مجتمعين كلهم على سفره وحده !!
البنت تطلب من ذاك المطعم والولد طالع مع ربعه يتغدون في المطعم الفلاني والأم المسكينة تآكل مع الخدامة وبااقي الاكل في الزبالة وانتوا بكرامة !!
.
/
.
/
سؤالي :
ياترى ليش هالحب والغرام الغير طبيعي لأكل المطاعم ؟؟؟
ليش تآكل برا البيت ؟؟
متى آخر مره كلت في البيت ؟؟
تعتقد بيمر وقت ومانلاقي حد يطبخ ويآكل في البيت ؟
وش أحلى مطعم ووجبتك المفضلة ؟؟
كم تصرف على أكل المطاعم في الشهر ؟؟
تعتقد من المهم انه الاسرة تجتمع على سفرة وحدة ولا الموضوع مايستاهل وكلن له الحرية فيما يآآكله ؟؟
أنتظر مشاركاتك القيمة وأي حد عنده إضافه أكون شاااكرتلكم ..
في الختام
تقدر تتخيل حياتك بدون مطاعم !!
تحيـــــآآتي "..}}
