كيفكم ياحلوات ,,,, طبعا هذا القسم اول مره بحياتي انزل فيه شي
المهم السالفه ومافيا ان زوجي رماني عند اهلي لاني حامل
وقربت ولادتي لاتنسوني من دعواتكم فقلت خل اخنفس (( اخربط )) لأهلي للقهوه
وقررت اسوي عجينة واعمل بيتزا وكرسون بس يابنات والله ان خنفستي طلعت شي
خل اقولكم اول شي على مقادير العجينة والله طلعت لييييييييينه وهشه
المقادير :::
8 كاسات دقيق
2 فنجان سكر
4 ملاعق خميرة صغيرة
2 ملعقة بكنج بودر صغيرة
2 كاس حليب بودرة
1 كاس زيت
ملح حسب الرغبة
1 كاس مويه
الطريقة :::
تعجنين جميع المقدير مع بعض ,,,,
ملاحظة :::
طول ماانتي تعجنين راح تسير تتماسك بيدك انتبهي لاتزيدين عليها دقيق استمري بالعجن الين تسير ماتلزق
وتركيها تخمر ....
وهذي صورة جزء من العجينة قبل لاتخمر
وطبعا بعد ماخمرت بديت اشتغل عليها ..... وسويت الخلطة حقت اليتزا طبعا خلطات تختلف من كل وحده
خلطتي ......
احمر البصل الى ان يقرب يحترق بعدين اضيف الطماطم المقطع صغار جدا والفلفل الرومي واحط عليا الماجي والكزبرة الجافه والكمون واخليا تتسبك على نار هاديه واحط شوي شوي الصلصه حسب الرغبه
وهذي هي خلطتي بتعت البيتزا ^ـــ^ يمي
وقلت خل اسوي بيتزا شكل عادي وبيتزا شكل رول فردت العجينة وحطيت الخلطة والزيتون الاسود
وطلع شكلها البيتزا العادية كذا ^ــــ^ يمي
وبعدين دخلتا الفرن من تحت فقط ,,,, وخرجتا ورشيت عليها جبنة موزريلا وطلع شكلها كذا
ودخلتها من فوق بالفرن شوي وطلعتا با الشكل ياسلللللااااااااام سلللللللم جونااااااان خوقااااااق :icon28:
نجي للشكل الثاني قلت بسوي بيتزا رول طبعا كله بنفس العجينة الباقية وبنفس الخلطة
اول شي فردتها فرد كأني بسوي سينابون ومسحتها بكاتشب وجبنة سايلة كذا بها الشكل
وهنا بعد مالفيتها
وبعدين قطعتها مثل السينابون ورصيتها بالصينية وحطيت جوت كل رول زيتونه
دخلتها الفرن وطلعتها وحطيت موزريلا نفس الطريق بالبيتزا العاديه وطلعت بها الشكل (( ريقي سااااااااال )) يم يمي
وطبعا باقي العجينة سويت كرسون والكل يعرف طريقته وطلعته بها الشكل
حبيت اقولكم ان العجينة كفت لي صينيتين من البيتزا العادية وصينية من الرول وصينية من الكرسون وصل الله وبارك :icon28: